Aizaya 60:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Ke rhie anurhoro weẹ phihọ kẹse kẹse, te ason te uvo e gbi huhu aye-en; rere ihwo vwọ ghwẹ efe rẹ ẹgborho na rhe we, vẹ ivie rayen re tẹrẹ usun.

Aizaya 60:11 Referans Kwoze

Aizaya 60:5

Etiyin ayen ke cha mrẹ ke ayen sa edada rẹ elo, udu wẹn kọ vọn vẹ omavwerhe vẹ aghọghọ; fikiridie oburhubu rẹ abadi na ejobi ki rhivwi bru uwe, efe rẹ ẹgborho na ki che bru we rhe.

Aizaya 60:18

E gbi nyo umri rẹ ozighi vwẹ otọ wẹn na-a, evẹre eyẹ ẹghwọrọ vwẹ ughwru wẹ-ẹn; ku wọ se igbẹheẹ na Esivwo, anurhoro wẹn kẹ Ejiro.

Aizaya 62:10

Wan anurhoro na, wan inurhoro na, rhuẹrẹ idjerhe na phihọ kẹ ihwo na; gbẹn gbẹn idjerhe rode na phihọ, tọrọ ibieragha nọ, kpare oka ke ihwo na mrẹ.

Une rẹ Ejiro 149:8

rọ vwẹ ejọnrọn gba ivie rayen ehọnvwọre rayen kẹ igoni rẹ utehru,

Nehemaya 13:19

Vwẹ ẹdidjala tavwe re ọke ki she vwẹ anurhoro ri Jerusalẹm, mi de ji urhi nẹ a kanre ẹchẹ na ne e rhie ayen bẹsiẹ re ẹdidjala ki nẹ otọ-ọ. Mi de ji idibo mẹ ẹvo phihọ anurhoro na ne a ghwa oghwa ro orere na vwẹ edidjala-a.

Aizaya 24:21

Vwẹ ẹdẹ yena Ọrovwohwo ko hwe otu rẹ ofovwi rẹ odjuvwu, vwẹ obo odjuvwu, ivie rẹ akpọ na, vwẹ evun rẹ akpọ na.

Aizaya 26:2

Rhie inurhoro na, rere orere rẹ ọvwata rọ yọnrọn urhi na vwọ ro uwevwi.

Aizaya 56:7

ena keye Me reyọ rhe ugbenu ọfuanfon Mẹ, ki mi ru ayen vwo vwo aghọghọ vwẹ evun rẹ uwevwi rẹ ẹrhovwo Mẹ, izobo rayen rẹ ẹtorhẹ kugbe izobo rayen ka rhọvwọ ayen vwẹ enu rẹ ẹshẹ Mẹ, kidie uwevwi Mẹ ke se uwevwi rẹ ẹrhovwo kẹ ihwo ejobi.

Aizaya 61:6

ẹkẹvuọvo ke se we irherẹn rẹ Ọrovwohwo na, ihwo ke ta kpahe owẹ nẹ igbodibo rẹ Ọghẹnẹ rẹ avwanre, ku wọ re vwe efe re otọ na, vwẹ efe rayen wo de vwo ejiro.

Aizaya 49:23

Ivie ke dia ese rẹ aruakpọ wẹn, ivie re eya ke dia ini re ghẹre ovwan. Ayen ki diguẹ bọvwọn epharo rhuotọ kẹ wẹ, ke rare ekpẹn re awọ wẹn. Etiyin wo ke riẹn nẹ Mẹvwẹ Ọrovwohwo na Otu re hẹrhẹ ovwẹ oma sa vo aye-en.