Aizaya 60:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Erhorha keye che fi igbẹhẹ wẹn kẹ wẹ, ivie rayen ki che gbe odibo kẹ wẹ, kidie vwẹ ophu Mẹ Me da ghwiẹ wẹ, ẹkẹvuọvo vwẹ evun esiri Me da re ehrọre wẹ.

Aizaya 60:10 Referans Kwoze

Aizaya 61:5

Erhorha ki che mudia re ghẹrẹ uchuru wẹn, erhorha ki che voro ivoro wẹn re rhuẹrẹ vain wẹn,

Aizaya 49:23

Ivie ke dia ese rẹ aruakpọ wẹn, ivie re eya ke dia ini re ghẹre ovwan. Ayen ki diguẹ bọvwọn epharo rhuotọ kẹ wẹ, ke rare ekpẹn re awọ wẹn. Etiyin wo ke riẹn nẹ Mẹvwẹ Ọrovwohwo na Otu re hẹrhẹ ovwẹ oma sa vo aye-en.

Ẹvwọphia 21:26

ayen ke cha ghwa urinrin kugbe ọghọ rẹ ẹgborho na ruọ.

Ẹvwọphia 21:24

Vwẹ urhukpẹ rọye ọye ẹgborho na cha vwọ yan; ivie rẹ akpọ na ke cha ghwẹ urinrin rayen ruọ,

Zekaraya 6:15

Otu re he ogboko jovwo na ke cha rhe rhi nene ayen bọn uwevwi rẹ Ọrovwohwo na; ku wọ cha riẹn nẹ Ọrovwohwo rẹ otuofovwi na ri ji vwe bru we rhe. Ọnana che ru, o da dianẹ wọ vwẹ oma kpotọ nyo urhuru rẹ Ọrovwohwo Ọghẹnẹ wẹn na .

Aizaya 60:3

Irere buebu ki che bru urhukpẹ wẹn na rhe, ivie ki bru elo wẹn ro vacha na rhe.

Aizaya 12:1

Wọ cha ta vwẹ ẹdẹ yena. Me sa kpẹvwẹ owẹ, E Ọrovwohwo, owenẹ ivun mẹ miovwo uwe dede, ophu wẹn na bi wan re, we ọvo na rhoma bru vwe uche.

Une rẹ Ejiro 30:5

Kidie ophu rọye dia ọmọke kren, aroesiri rọye o ri rhiri. Oviẹ sa dia kẹ ọke rhie, ẹkẹvuọvo aghọghọ cha vwẹ urhiọke.

Aizaya 66:21

Evo vwẹ ayen Me reyọ vwo ru irherẹn kugbe Livae, eriyin Ọrovwohwo tare.

Une rẹ Ejiro 102:13

Wo vrẹn re wọ rẹ ehrọre ri Zayọn; o te ọke re vwo ni ẹroesiri kẹ; ọke re bruru na gbare.

Aizaya 56:6

Kugbe erhorha ri rhi kuoma gbe Ọrovwohwo na, ri gbe odibo kẹ, re guọnọ odẹ re Ọrovwohwo na, re dia idibo rọye, kohwo kohwo rọ yọnrọn ẹdidjala, ro gbere ẹgua-a, re yọnrọn ọphọ Mẹ gbae–

Aizaya 61:2

re ghwoghwo ukpe rẹ ẹreyọ re evun esiri rẹ Ọrovwohwo, kugbe ẹdẹ rẹ ihri rẹ Ọghẹnẹ rẹ avwanre, re bru ihwo ri muomahọ uche,

Aizaya 64:9

Wo jẹ ophu mu we ganga-an, E Ọrovwohwo, wọ gbe karophihọ orukuruku bẹdẹ-ẹ. Nighe, roro nẹ, avwanre ihwo wẹn.

Joẹl 2:18

Etiyin Ọrovwohwo da rhe rioma fiki rẹ otọ rọye, ọ da re ehrọre rẹ ihwo rọye.