Aizaya 6:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Uchivwo rẹ anurhoro na de kpogho rẹ urhuru na vwo se, uwevwi na da rhe vọn vẹ ivwirhi.

Aizaya 6:4 Referans Kwoze

Ẹvwọphia 15:8

uwevwi rẹ ẹga na da vọn vẹ ivwirhi ro nẹ urinrin rẹ Ọghẹnẹ na rhe kugbe ogangan rọye, ohwo ọvuọvo rha sa ro uwevwi rẹ ẹga na-a bẹsiẹ rẹ ọtiekọ ighwrẹ rẹ emakashe ighwrẹ na vwo vwo oba.

Ẹvwọphia 11:19

Etiyin e de rhie ẹchẹ rẹ uwevwi rẹ Ọghẹnẹ vwẹ obo odjuvwu, a da mrẹ ekpeti rẹ ọphọ rọye vwẹ evun rẹ uwevwi rẹ ẹga na; enu da nyavwaro, edo rode, edo rẹ agbrara, otọ ro kpogho, imicho ride.

Izikiẹl 10:5

Edo rẹ ibekpe ri sherobim na e de nyo rhiri re te ọguan rẹ obo uphephẹ, kerẹ urhuru rẹ Ọghẹnẹ ro vwo Ẹgba na vwẹ ọke rọ da ta ota.

2 Ikun rẹ Ivie 5:13

ke je vwẹ iruo rẹ ihwo ri hworo ewanre na vẹ otu re sua ine na re ayen ku urhuru gbe ọvo vwọ so ejiro vẹ ẹkpẹvwẹ kẹ Ọrovwohwo na) Ọke rẹ ayen de mu une na re, vẹ ewanre vẹ igogo kugbe ekuakua rẹ ihwehworo efa, vwọ so ejiro kẹ Ọghẹnẹ, fikiridie o yovwiri; ẹguọnọ rọye ro jẹrhẹriẹ dia bẹdẹ bẹdẹ, uwevwi na, uwevwi rẹ Ọrovwohwo na, da rhe vọn vẹ ivwirhi,

Ẹyano 40:34

Etiyin egho na de rhi rhurhu utughẹ ra da vwa oma na, urinrin rẹ Ọrovwohwo da vọn ọgarivi na.

Emọs 9:1

Me da mrẹ Ọrovwohwo ro mudia vwẹ oma rẹ agbada na; Ọ da ta. Kporo ichivwo na bẹsiẹ rẹ ichiotọ na vwo yeghe, ro vwo rhurie she teyẹ iyovwi rẹ ihwo na ejobi, iri ghwu chekọ ke Me vwọ ọlọkọ hwe ayen; ọvuọvo rẹ ayen cha sa djẹ vabọ-ọ, ọvuọvo rẹ ayen sa djẹ yanra-an.

Une rẹ Ejiro 18:8

Ivwirhi de bru nẹ umwe rọye rhe, erhanre rọ torhẹ de nẹ unu rọye rhe. imwerhanre weiwei de nẹ oma rọye rhe.

Izikiẹl 1:24

Ọke rẹ ayen da yan, ki mi nyo edo rẹ ibekpe rayen na kerẹ edo rẹ ame buebu, kerẹ agbrara rẹ Ọrovwoẹgba na, edo rimrẹrimrẹ kerẹ edo rẹ otuofovwi, vwẹ ọke rẹ ayen de mudia fọ gbiẹi, ayen mi phi ibekpe rayen na phihọ otọ.

Izikiẹl 41:16

a da phare ayen e de phi evakpo phihọ ayen erha na riariẹ vẹ edọvi ra rangbe. Vwẹ asan rọ hirhe aro ku ugana na a da vwẹ irhe phare uwevwi na riariẹ, nẹ utuwevwi kpenu re te evakpo na (Asakiephana e rhurhu evakpo na),

Izikiẹl 44:4

Etiyin ọ da vwẹ ovwẹ wan anurhoro rọ hẹ obọhwẹre ọnre vwẹ obaro rẹ uwevwi rẹ ẹga na, mi de ni, nighe, urinrin rẹ Ọrovwohwo na, mi de she bọvwọn opharo rhuotọ.