Aizaya 59:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Uwevwi rayen che je vwo ru amwa-a; ihwo sa vwẹ amwa ra vwẹ ayen ru phopho-o. Iruo rayen iruo rẹ umwemwu, uruemu rẹ ozighi vọn abọ rayen.

Aizaya 59:6 Referans Kwoze

Jerimaya 6:7

Obo rẹ orhare sẹro rẹ ame rọye djidjidji ye, ọtioye ọ sẹro rẹ orukuruku rọye djidjidji; omuru gidigidi vẹ eghwọrọ ọye enyo vwẹ evun rọye; emiavwe vẹ oma ẹnwan eye me mrẹre vwẹ obaro mẹ vwẹ ọke ejobi.

Aizaya 57:12

Mi che gbe ikun rẹ ọvwata wẹn, kugbe uruemu wẹn, ẹkẹvuọvo e sa cha wẹ uko-o

Zẹfanaya 1:9

Vwẹ ẹdẹ yena ki mi hwe kohwo kohwo ro pho wan ugana vrẹn, kugbe ayen otu re ghwẹ ozighi vẹ ọghware vọn uwevwi rẹ onini rọye.

Maika 6:12

Edafe rẹ ovwan vọnre vẹ ozighi; ihwo rẹ dia evun rẹ orere na vwọrọ efian, ẹrenvwe rẹ unu rayen vọnre vẹ ophiẹvwe.

Maika 2:8

Ẹkẹvuọvo wọ da vwọ so ihwo Me kerẹ ọvweghrẹ; wọ da ban adagba miẹ ohwo rẹ ufuoma, nẹ ihwo re yan oyan obọ rayen wan ri vwo iroro rẹ ofovwi ọvuọvo-o.

Emọs 6:3

E wẹ ro bie ẹdẹ umwemwu kpo obaro, wo mi rhe si agbara rẹ ozighi kẹrẹ?

Emọs 3:10

Ayen riẹn obo re ruẹ emuesiri-i Ọrovwohwo na tare Ihwo re guọnọ ozighi ve ugborho vwẹ ogba ọgangan rayen.

Izikiẹl 7:23

a Me kua fiotọ. Fikiridie otọ na vọnre vẹ uruemu rẹ ọbara orere na vọnre vẹ ozighi,

Izikiẹl 7:11

Ozighi rhe rho hirhe phihọ ọkpọ rẹ uvumwemwu; ọvuọvo rọye che chekọ-ọ, eyẹ obuebu raye-en, eyẹ efe raye-en, eyẹ ohwo rode gbe dia ohri raye-en.

Aizaya 64:6

Avwanre da rhe họhọ ohwo ro jẹfuọn, uruemu rẹ ọvwata rẹ avwanre ejobi da họhọ ewun rẹ inuhu muru. Avwanre ejobi vwioro re kerẹ ọbe, orukuruku rẹ avwanre, kerẹ odju, re muẹ avwanre yanran.

Aizaya 58:4

Nigherẹ, wo chire owẹvwe re wọ vwọ mrasan ghwọ họnre re wọ vwẹ ọchẹn phi ihwo. Owẹvwe echiro kerẹ owẹ na nonẹ na cha sa nẹrhẹ enyo urhuru wẹn vwẹ obenu-u.

Aizaya 30:1

Ekan kẹ emọ ri gbe ozighi, eriyin Ọrovwohwo tare, ri ruẹ obo rẹ ayen ta phihọ otọ, yẹ ẹkẹvuọvo ọ dia ọmẹ-ẹ; re gba oma koko, ẹkẹvuọvo yọ dia ọ rẹ erhi mẹ-ẹ, rere ayen mrasan vwẹ umwemwu ba umwemwu,

Aizaya 5:7

Kidie ogba ri vain rẹ Ọrovwohwo rẹ otuofovwi ọye uwevwi rẹ Izrẹl, ihwo ri Juda eye kẹ ivi rẹ ekakọn rọye rọ kọnre, o de nẹro rẹ ọsoso, ẹkẹvuọvo e vwo ni, ke ọbara, o de nẹro rẹ ọvwata, ẹkẹvuọvo nighe, kẹ oviẹ!

Une rẹ Ejiro 58:2

Ẹjo, iroro umwemwu wọ jẹ vwẹ evun rẹ udu wẹn; abọ wẹn ruẹ emu gidigidi akpọ na.

Jẹnẹsis 6:11

Akpọ na de rhi gbeku vwẹ obaro rẹ Ọghẹnẹ, akpọ na ke je vọn vẹ ozighi.

ỌBE RẸ JOB 16:17

dede na ya mrẹ ozighi ọvuọvo vwẹ abọ mẹ-ẹ, erhovwo mẹ ọfuanfon.

Izikiẹl 18:12

o mi shenyẹ ọrivẹ rọye rẹ akpọ bẹn, ọ gborho ihwo, o siobọ nẹ emu re vwo vien ewu-an, ọ kparẹ ẹrọ rọye kpenu vwọ nẹ ema, o gbe ẹgua,

Malakae 2:16

Kidie aye re siobọ nẹ na tu vwe oma eriyin Ọrovwohwọ Ọghẹnẹ re Izrẹl tare, re vwẹ ozighi e gbe chobiẹ amwa, eriyin Ọrovwohwo rẹ otuofovwi na tare. Vwẹ ọtiọye na gba kẹnẹ oma wẹn wo gbi gbe ọfanrhiẹ-ẹ.

Une rẹ Ejiro 55:11

ẹghwọrọ he uherevie rọye, oshenyẹ vẹ ofrure se nẹ afieki rọye-e.

Izikiẹl 9:9

Etiyin ọ da ta kẹ vwẹ, abe rẹ uwevwi rẹ Izrẹl vi Juda rhoro gangan, otọ na vọnre vẹ ọbara, orere na da rha vọn vẹ orhiẹn rẹ eku, kidie ayen ta, Ọrovwohwo siẹn otọ na, Ọrovwohwo gbe mrẹ-ẹ.

Zẹfanaya 3:1

Ekan kẹ ọ ro muẹkpahe ihwo ro gbe ihwo kuẹ orere rẹ oshenyẹ na!