Aizaya 59:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Ayen sa ikẹn rẹ ọrobiebi, ayen rhuo uwevwi rẹ akpẹkpẹ; ohwo rọ re ikẹn na ghwuru, nẹ evun rẹ ikẹn ra guọghọre na etiyin a da sa ọrobiebi.

Aizaya 59:5 Referans Kwoze

Matiu 3:7

Ẹkẹvuọvo ọke rọ vwọ mrẹ otu ri Farisi kugbe Sadiusi ri bruro rhe rhe reyọ ame, ọ da ta kẹ ayen nẹ, Uvwiẹ rẹ eredekọ na, Ono ta kẹ ovwan nẹ wa djẹ nẹ abe rọ cha na?

Matiu 12:34

Ovwan uvwiẹ rẹ erọdekọ na, re pha brabra miomiovwi na, sa vwọ ta ota rẹ esiri, kidie obo rẹ ohwo rori vwẹ evun ọye ọ ta phia vwẹ unu rọye.

Aizaya 14:29

Wa ghọghọ-ọ E Filistia, ovwan ejobi, nẹ evwirhi ọkpọ ra vwọ ghwiẹ wẹ, kidie nẹ owọ rẹ ọrọdekọ rhe, Etiyin ọrobiebi che nurhe, emamọ rọye ke cha dia ọrọdekọ rọ rhan.

Isẹ 23:32

Ukoko rọye ko muẹ ohwo rhovwa kerẹ ọrọdekọ, ọ rhovwa kerẹ ọvwighwẹ

ỌBE RẸ JOB 8:14

Ẹroẹvwọsuọ rọye che bru ibribro, ẹroẹvwọkpahọ rọye pha kerẹ uwevwi rẹ ale.

Aizaya 34:15

Ke Etiyin okpurhukpurhu de rovwoma rọ da rhọghọ ọ da sa rọ da vwẹ ibekpe rhurhu emọ rọye; uyota, igodi ke cha ghwe oma koko, dohwo dotu rọye,