Aizaya 59:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ Kirobo rẹ uruemu rayen epha, eriyin ọ hwa osa te, ophu vwọ kẹ ukọn umwemwu rọye, osa ẹhwa kẹ ivwighrẹ rọye; vwọ kẹ erhuru na ọ cha hwa osa kẹ ayen.

Aizaya 59:18 Referans Kwoze

Jerimaya 17:10

Mẹvwẹ Ọrovwohwo na re hiẹ iroro, me je davwẹ udu nẹ, rọ kẹ ohwo kohwo kirobo rẹ uruemu rọye epha, kirobo rẹ emamọ rọye epha.

Aizaya 63:6

Mi chiyi ihwo na muotọ vwẹ ophu Mẹ, Me da vwẹ udi hwe ayen vwẹ ophu Mẹ, Mi de ku ọbara rẹ arhọ rayen ku otọ.

Ọbe ri Pọl si rhe Ihwo ri Rom 2:6

Kidie ọ cha hwa osa kẹ ohwo kohwo kirobo rẹ iruo rọye epha.

Matiu 16:27

Kidie ọmọ rẹ ohwo cha rhe vwẹ urinrin rẹ Ọsẹ rọye kugbe emakashe rọye; kọ cha hwa osa kẹ ohwo ọvuọvo kirobo rẹ iruo rọye teri.

Nahum 1:2

Ọrovwohwo Ọghẹnẹ rọ rioma rọ reihri, Ọrovwohwo na reihri o ki ji mu ophu; Ọrovwohwo reihri vwẹ obọ rẹ ihwo ri mu kpahọ o ji mu ophu kpahe ivwighrẹ rọye.

Iyẹnrẹ Esiri ri Luk 21:22

Kidie enana ẹdẹ rẹ ihriẹriọ, rere obo re siri na vwọ gba.

Uvwerhe 4:11

Ọrovwohwo da kpa ophu rọye rhe, o de ku ọtotorhẹ rẹ ophu rọye kuo, o de koko erhanre phihọ Zayọn, rọ torhẹ ichivwo rọye.

Aizaya 66:15

Kidie nighere, Ọrovwohwo cha rhe vwẹ evun rẹ erhanre, ekpẹrẹ rẹ ofovwi rọye kerẹ odju rẹ ogiribo, rọ cha hwa osa rẹ ivuemiovwo rọye vwẹ ophu, ekan eharhọ rọye kerẹ ẹkuerlianre.

Aizaya 63:3

Mẹvwẹ ọvo kpoi ri chiyi okọ ri wain na, vwẹ usun rẹ ihwo na ohwo ọvuọvo vwọ ba vwẹ-ẹ, Mi chiyi ayen vwe evun rẹ ophu Mẹ mi de mi ayen vwẹ evun rẹ ivuemiovwo mẹ, ọbara re arhọ rọye na da sare ku iwun Mẹ, Me vwẹ ayen mu iwun Mẹ ejobi.

Aizaya 1:24

Fiki re ọtiọye na Ọrovwohwo tare, Ọrovwohwo rẹ ofovwi na, Ọgba Ọvuọvo rẹ Izrẹl na E, Mi che won ophu mẹ ku ivwighrẹ mẹ, Me cha vwẹ ivwighrẹ mẹ re ihri

Une rẹ Ejiro 62:12

Wẹ, E Ọrovwohwo, ọye ẹguọnọ ro jẹ rhẹriẹ rheri. Kidie wẹ re sa hwa osa kẹ ohwo kirobo rẹ iruo rọye epha.

ỌBE RẸ JOB 34:11

Kidie obo rẹ iruo rẹ ohwo epha ọtiọye ọ hwẹ osa rọye kẹ, obo rẹ idjerhe rọye epha ọtiọye ji ghwe te oma.

Ẹvwọphia 19:15

Ọlọkọ rọ dan prẹprẹ de yoro nẹ unu rọye rhe kọye ọ vwọ nyavwe ẹgborho na hwe, kọ vwẹ ọkpọ rẹ utehru sun ayen; ko che chiyi okọ rẹ imiemi rẹ ophu rẹ Ọghẹnẹ Ọrovwoẹgba.

Ẹvwọphia 16:19

Orere rode na da bẹre ẹbẹre erha, irere rẹ ẹgborho na de ghwie she, Ọghẹnẹ da rhe karohọ Babilọn orere rode na, a da vwẹ uko rẹ ophu rọye kẹ da.

Iyẹnrẹ Esiri ri Luk 19:27

Ẹkẹvuọvo vwọ kẹ ivwighrẹ mẹ nana, re guọnọre nẹ me ria vwẹ enu rẹ aye-en na, vwẹ ayen rhe etinẹ ra teyọ ayen hwe vwẹ irharo mẹ.

Izikiẹl 38:18

Ẹkẹvuọvo vwẹ ẹdẹ yena, ri Gọg da cha vwọ so otọ rẹ Izrẹl, eriyin Ọrovwohwo Ọghẹnẹ tare: ophu mẹ kọ cha kpare.

Izikiẹl 6:12

Ọ rọ hẹ obo ogboko che ghwu ughwu rẹ emiavwe na; ọ rọ hẹ asan rọ kẹre che ghwu ughwu rẹ ọlọkọ na, ọ ro ghwu chekọ rẹ emu ruru-u owẹvwe kọye hwe ghwu. Enẹ kọye ophu mẹ cha dia kpahe ayen

Izikiẹl 5:13

Enẹ kọye ophu mẹ cha dia, ke me kpa ivuemiovwo ku ayen kẹ ọhọre mẹ she; kẹ ayen riẹn nẹ mẹvwẹ Ọrovwohwo na, ta ota vwẹ evun rẹ omẹriọ mẹ nure, vwẹ ọke ri mi de ku ophu mẹ ku ayen nu.

Jerimaya 50:29

Se esedada vwọ so Babilọn, ayen otu ri siẹ umurhabọ ejobi, muerhọn yariẹ phihọ, wo jẹ ohwo ọvuọvo vabọ-ọ. Hwa osa kẹ kerẹ obo rẹ iruo reyọ epha, ru kẹ kirobo ro ruru kẹ ihwo, kidie ọ vwẹ Ọrovwohwo na jehwẹ miomiovwi, Ọfuanfon Ọvuọvo rẹ Izrẹl na.

Livitikọs 26:28

ke Me vwẹ ophu yan jẹn ovwan vwo, ke Me cha fa ovwan asieghwrẹn fiki rẹ imwemwu rẹ ovwan.

Urhi Rivẹ 7:10

ọ Me ghwọrọ ayen; o che se dogho obọ kẹ ohwo ri mu kpahọ-ọ, ọ cha hwa osa kẹ gbonozẹ.

Aizaya 35:4

Ta ke ihwo re udu rayen djẹ oshọ, Gba gan, wọ djẹ oshọ-ọ! Nighere, Ọghẹnẹ wẹn na cha rhe vẹ ihri ẹriọ, vẹ osa ẹhwa rẹ Ọghẹnẹ. Ọ cha rhe rhi sivwi uwe.

Aizaya 40:10

Nighere, Ọrovwohwo Ọghẹnẹ ra cha vẹ ẹgba, igbabọ rọye ri suẹn kẹ, nighere, osa rọye rhere, osa ẹhwa na e hẹ obaro rọye.

Aizaya 49:4

Ẹkẹvuọvo Me da ta, Me wian kufia, Me ghwọrọ ogangan mẹ kufia ghevweghe, dede na uyota uyoyovwi mẹ rhe Ọrovwohwo, osa ẹhwa mẹ rhe Ọghẹnẹ mẹ.

Aizaya 65:6

Nighere, e siro phihọ obaro mẹ, Mi che fotovwi-i, ẹkẹvuọvo Me cha hwa osa, e, Me cha hwa osa phihọ agada rayen

Aizaya 65:7

orukuruku rayen kugbe orukuruku rẹ ese rayen kugbe, eriyin Ọrovwohwo tare; fikiridie ayen torhẹ egẹn vwẹ enu rẹ igbenu na ayen da van ku vwe vwẹ enu rẹ igbenu itete na, Me cha vwanvwe phihọ agada rayen osa re ọbo rayen ruru rhabae.

Aizaya 66:6

Kerhọn, unuebo nẹ obo orere na cha! Urhuru nẹ uwevwi rẹ ẹga na cha! Urhuru rẹ Ọrovwohwo, rọ hwa osa kẹ ivwighrẹ rọye!

Izikiẹl 23:49

Ka reihri rẹ ọfanrhiẹn na vwẹ obọ wẹn, ku wọ reyọ esa rẹ umwemwu rẹ edjọ ẹgọ wẹn na; ku wọ riẹn nẹ mẹvwẹ Ọrovwohwo Ọghẹne na.

Joẹl 3:4

Die ovwan epha kẹ vwẹ, E Taya vi Sidọn, kugbe ubrakpọ ri Filistia ejobi? Wọ rhoma hwa osa kẹ vwẹ fiki rẹ emuọvo? Ọ da dianẹ wọ rhoma hwa osa kẹ vwẹ, ye Me cha nọ ekpẹn rẹ uruemu wẹn vwẹ uyovwi wẹn kpata kpata.

Urhi Rivẹ 32:41

ọ da dianẹ Me nọ ọlọkọ mẹ ro lo na, rẹ obọ mẹ da yọnrọn orhiebro, ki mi che ru ivwighrẹ mẹ keri, ke Me cha hwa osa kẹ iri mu kpahe ovwẹ.

Aizaya 66:14

Wọ cha mrẹ, udu wẹn kọ ghọghọ, ibeku wẹn ke rho bodo bodo kerẹ egbri; ka cha mrẹ vughe nẹ obọ rẹ Ọrovwohwo vẹ idibo rọye herọ, nẹ ophu rọye ọtuatua kpahe ivwighrẹ rọye.

Jerimaya 32:19

rọ rhoro vwẹ ẹghwanre vẹ ẹgba kugbe uruemu; rẹ ẹro rọye rhie phihọ kẹ idjerhe rẹ ihwo ejobi, ọ rọ je hwa osa kẹ ohwo kohwo kirobo rẹ idjerhe rọye vẹ emamo rẹ iruo rọye epha;

Jerimaya 50:15

Bunu yariẹ phihọ abọ rhọrọ re, edaji rọye she nure, igbẹhẹ rọye she ghwotọ. Kidie ọnana ihriẹriọ rẹ Ọrovwohwo, vwọ re ihri kẹ kirobo ro ruru.