Aizaya 58:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Die avwanre vwo chirẹ owẹvwe, yu wọ gbe mrẹ-ẹ? Die avwanre vwọ vwẹ oma re avwanre kpotọ, yo wọ gbe rha riẹ-ẹn? Nighere, ẹdẹ wo de chire owẹvwe na yẹ avwerhe rẹ obọ wẹn wọ guọnọ, wo mie shenyẹ iruiruo wẹn.

Aizaya 58:3 Referans Kwoze

Malakae 3:14

Wọ tare nẹ, Ọghẹnẹ ẹgọ fi emuọvo-o. Didi erere ri te ohwo rọ yọnrọn iji rọye eyẹ re vwo muomaphihọ yan vwẹ obaro rẹ Ọrovwohwo rẹ otuofovwi na?

Livitikọs 16:29

Ọnana kọ dia urhi re vwo sun ovwan bẹdẹ nẹ, vwẹ eghwrẹn, ẹdẹ ihwe rọye, ku wa vwẹ oja re oma rẹ ovwan, we rhe ru iruo-o, te ọmotọ te ọrhorha rọ ohri rẹ ovwan;

Isẹ 28:9

Ohwo ro ku erhọn kufia kẹ urhi enyo, ẹrhovwo ẹnẹ dede kẹ ẹgua kẹ.

Nehemaya 5:7

Mi de nene oma mẹ je iroro, me da ghwọ ku ehọnvwọre na vẹ iruiruo na me da ta kẹ ayen, Ovwan suẹn igho ke iniọvo rẹ ovwan. Mi de se ọghwẹgbe rode rhi vwo guẹdjọ kpahe ayen,

Iyẹnrẹ Esiri ri Luk 15:29

ẹkẹvuọvo ọ da kpahe kẹ ọsẹ rọye, Nighe, ikpe buebu na me vwọ ga wẹ re, me je chọ urhi wẹn dẹvo-o; yi wo ji mu ẹmẹvwe kẹ vwẹ, rere me vẹ igbeyan mẹ vwọ ghọghọ-ọ.

Aizaya 47:6

Ivun re ihwo Mẹ miovwo uvwe, Mi gbe ọriuku Mẹ ẹgua; Mi de phi ayen phihọ owẹ obọ, wo nẹ arodọvwẹ kẹ aye-en, wo de mu urhekpe ọhọhọhọ nye emare.

Aizaya 22:13

gbe nighere, aghọghọ vẹ omavwerhe, e hwe irhuẹn e hwe igodẹ, e ria uvwo rẹ eranvwe ayen da idi. Jẹn avwanre re ra da, kidie odẹ rọ cha ki me ghwu.

Une rẹ Ejiro 69:10

Ọke re me da vwẹ oma mẹ kpotọ vwẹ owẹvwe echiro, o mi hirhe oma phihọ ẹghwọ kẹ vwẹ.

Ukeri 23:4

Ọghẹnẹ kẹ vwa Balaam, etiyin Balaam da ta kẹ, Me rhuẹrẹ egbada ighwrẹn na nure, me je vwẹ erhuẹn ọvo kugbe egbo ọvo vwo ze izobo vwẹ enu rẹ agbada ọvuọvo nure.

Livitikọs 23:27

Ẹdẹ rihwe vwẹ emeranvwe rẹ ighwrẹn na ọye ẹdẹ ra vwọ gọ ẹgua, ẹdẹ yena kọ dia ẹdẹ rẹ ọghwẹgbe ọfuanfon vwọ kẹ ovwan, ovwan ke vwẹ oja re oma rẹ ovwan we mi rhe ze izobo rẹ ẹtorhẹ kẹ Ọrovwohwo na.

Livitikọs 16:31

Kẹ ovwan vwo ru ẹdidjala ẹdẹ rẹ omaerovwo ra vwẹ ọghọ kẹ, wa vwẹ oja re oma re ovwan; Ọnana iji ri bẹdẹ na.

Ezra 8:21

Mi de ji urhi nẹ avwanre ejobi gbe chirin owẹvwe vwẹ oma rẹ urhie rẹ Ahava, rere avwanre vwọ mrẹ asan vwọ vwẹ oma rẹ avwanre vwo kpotọ vwọ kẹ Ọghẹnẹ rẹ avwanre, re a vwọ guọnọ vwẹ obọ rọye idjerhe rọ phiọnre vwọ kẹ oma rẹ avwanre, vẹ emọ rẹ avwanre kugbe ekuakua rẹ avwanre vwori ejobi.

Aizaya 22:12

Vwẹ ẹdẹ yena Ọrovwohwo Ọghẹnẹ rẹ otuofovwi ko che se ihwo rhe viẹ rhi muomahọ, rhe wanre uyovwi korie rhe, vwẹ esiso rhuo,

ỌBE RẸ JOB 34:9

Kidie ọ tare, O fi erere kẹ ohwo re ọ vwọ ghọghọ vwẹ evun rẹ Ọghẹnẹ-ẹ.