Aizaya 58:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Ọrovwohwo ko sun we kọke kọke, kọ vwẹ emu esiri vọn ẹguọuọ wẹu evun, kọ ru ibeku wẹn gan, ku wọ họhọ ogba re ku ame ku, kere ogbugbu rẹ ame, rẹ ame rọye jẹ ẹkpọ.

Aizaya 58:11 Referans Kwoze

Iyẹnrẹ Esiri ri Jọn 4:14

ẹkẹvuọvo kohwo kohwo rọ da ame re me cha vwọ kẹ na urhuru rẹ ame gbi che hwe ọfa-a; ame re me cha vwọ kẹ na ko che hirhe phihọ ogbugbu rẹ ame ro duvwẹ cha re te arhọ ro vwo oba-a.

Jerimaya 31:12

Ayen cha rhe rhe so une gangan vwẹ ugbenu ri Zayọn, kẹ ayen ghọghọ vwẹ erhuvwu rẹ Ọrovwohwo; vwẹ enu rẹ eka, tẹ wain tẹ evwri, ji te enu rẹ emọ rẹ igegede vẹ uchuru, eyere rayen cha họhọ ogba re ku ame ku, oma gbe rhọ ayen ọfa-a.

Une rẹ Ejiro 32:8

Mi dje kẹ wẹ mi yono uwe idjerhe ru wọ cha ra; Me nẹ wẹ iroro ẹro mẹ ko te we sun.

Aizaya 49:10

owẹvwe eye urhuru rẹ ame che hwe aye-en, eye uvo gbaegbae vẹ odju che mu aye-en, kidie ohwo rọ re ehrọre kẹ ayen ko sun ayen, vwẹ oma rẹ ova rẹ ame kẹ etiyin e de sun ayen.

Iyẹnrẹ Esiri ri Jọn 16:13

Ọke rẹ Erhi rẹ uyota na da rhe, ko che sun ovwan vwọ riẹn uyota na ejobi; kidie ọ cha vwẹ ogangan rẹ obọ rọye ta ota-a, ẹkẹvuọvo kemu kemu ro nyori ọye ọ cha ta, o che dje imu re cha vwobọ kẹ ovwan.

Une rẹ Ejiro 25:9

O suẹn ihwo dẹndẹn phihọ idjerhe rẹ esiri, o mi yono ihwo dẹndẹn phihọ Idjerhe rọye.

Solomon 4:15

Ogba vẹ ogbugbu, orhare ra tọn fi oku, kugbe ito re djẹ nẹ Lebanọn cha.

Isẹ 11:25

Ohwo ro ruẹ ẹse ọye ri fe, ohwo ro kuẹ ame kuẹ emu ra kọnre eriyin e ji ku ame kuo.

Isẹ 3:8

kọ cha dia esivwo kẹ uvwo rẹ oma wẹn, ọ me rha vwẹ oma ọkpokpọ kẹ ibeku wẹn ejobi.

Izikiẹl 36:35

Ayen ke ta, otọ nana ra kuanu jovwo na rhe rhoma hirhe phihọ ogba rẹ Idẹn; te otọ ofefe ra kuanu ro hirhe phihọ erhurhu vwẹ evun rẹ irere na ejobi a rhoma dia ayen re a je gba ogba phihọ ayen.

Une rẹ Ejiro 92:14

Ayen je mọ emamọ vwẹ evun re ọghwo rayen, ayen vọnre vẹ ame wọnwọnwọn vwẹ ọke ejobi,

Hosia 13:5

Mẹvwẹ re riẹn wẹn vwẹ evun rẹ aghwa, vwẹ otọ rẹ ame epha-a.

Jerimaya 17:8

Kọ họhọ urhe ra kọn phihọ asame, rẹ awọ roye djẹ ro ẹtẹrhe, rọ djẹ oshọ rẹ oheri-i, kidie ẹbe rọye epha wọnwọn, ọ rọ ẹnwan rẹ ukpe rẹ uvo rhovworo-o, kidie o jẹn emamọ emọ-ọ.

Isẹ 28:25

Ọvwurhuru sua ohọnre, ẹkẹvuọvo ohwo rọ vwẹ ẹro so Ọrovwohwo che fe buebu.

Une rẹ Ejiro 73:24

Wọwẹ re vwẹ ẹghwanre wẹn sun vwe, ukuko rọye ko wọ vwẹ ovwẹ kpo urinrin.

Une rẹ Ejiro 48:14

nẹ Ọnana hẹ Ọghẹnẹ, Ọghẹnẹ rẹ avwanre bẹdẹ bẹdẹ. Ọye rẹ dia osun rẹ avwanre bẹdẹ.

Une rẹ Ejiro 37:19

Oma sa vọ ayen vwe ọke re ukpokpogho-o, vwẹ ọke owẹvwe evun sa vọn ayen.

Une rẹ Ejiro 33:19

rere o vwo sivwi erhi rayen nẹ ughwu, rere ọ rha ghẹrẹ ayen vwẹ ọke owẹvwe.

Une rẹ Ejiro 107:9

Kidie ofue urhuru rẹ ohwo rẹ urhuru rẹ ame hwe, ọ rọ owẹvwe hwe ọ da vwẹ emu esiri vọn evun!

ỌBE RẸ JOB 5:20

Vwẹ ọke rẹ owẹvwe de fi o se sivwi uwe nẹ ughwu. O sivwi uwe nẹ ogangan rẹ ọlọkọ.

1 Tẹsalonaika 3:11

Asakiephana e gbe jẹ Ọghẹnẹ rẹ avwanre kugbe ekpuyovwi rẹ Ọsẹ na, kugbe Ọrovwavwanre Jesu, sun avwanre vwẹ idjerhe bru ovwan rhe.

Aizaya 61:11

Kirobo rẹ otọ yoro che phia na, kirobo re obo re voro phihọ udju va nẹ otọ cha na, eriyin Ọrovwohwo che ru re ọvwata veẹ ejiro vwọ varhe keẹ ẹgborho na mrẹ.

Isẹ 13:4

Erhi rẹ ọvwiẹrẹ ro ẹwan, yo vwo emuọvo-o, ye erhi rẹ ọgba mrẹ ria buebu.

Aizaya 33:16

Kọ cha dia asan ro kpenu; asan ekpọfia rọye ọye uwevwi rẹ oragha, a vwe emuọre rọye ke, ame rọye ro da omuero

Iyẹnrẹ Esiri ri Jọn 7:38

Ọ ro se vwe gbuyota, kirobo rẹ ọbe ọfuanfon na tare, Irhie rẹ arhọ ke djẹ nẹ udu rọye rhe.

Aizaya 27:3

Mẹvwẹ rẹ Ọrovwohwo, ọye vwẹ ẹro te, kọke kọke mi vwo ku ame kuo. O dia ọtiọye-e ohwo de rhe miovwo Me rhẹrẹ te ason te uvo,

Aizaya 41:17

Ọke rẹ ovwiogbere vẹ ọ re akpọ bẹn da guọnọ ame, ye ame herọ-ọ, re ẹrenvwe rọye da yamu vẹ urhuru rẹ ame, Mẹvwẹ rẹ Ọrovwohwo re sa kpahe kẹ ayen, Mẹvwẹ Ọrovwohwo rẹ Izrẹl na sa sen aye-en

Aizaya 57:18

Me mrẹ idjerhe rọye, ẹkẹvuọvo Mi ji sivwo ghene, Mi suo Me Me ghare uchebro kẹ Me mia kẹ otu ri muomahọ emamọ re ẹbẹrunu.

Aizaya 66:14

Wọ cha mrẹ, udu wẹn kọ ghọghọ, ibeku wẹn ke rho bodo bodo kerẹ egbri; ka cha mrẹ vughe nẹ obọ rẹ Ọrovwohwo vẹ idibo rọye herọ, nẹ ophu rọye ọtuatua kpahe ivwighrẹ rọye.

Urhi Rivẹ 15:4

Ẹkẹvuọvo ogbere cha dia vwẹ uherevie rẹ ovwa-an ikidie Ọrovwohwo che bruba kẹ ovwan vwẹ evun rẹ otọ rẹ Ọrovwohwo Ọghẹnẹ rẹ ovwan kẹ ovwan nẹ wa dia vwọ riuku na,

Une rẹ Ejiro 1:3

Kọ dia kerie urhe ra kọnre kere asan ame, rọ mọ emamọ rọye vwe ọke ororọ rọye, ẹbe rọye se vwiọro-ọ. Kemu kemu rọ ruru ejobi, ko yovwi kẹ.

Une rẹ Ejiro 84:7

Ayen yan nẹ ogangan ra ro ogangan; Ọghẹnẹ rẹ eghẹnẹ ejobi ka mrẹ vwi Zayọn.

Aizaya 44:4

Ayen ki che yoro phia kerẹ odi vwẹ evun rẹ ame, kerẹ odi vwẹ enu rẹ ame rọ djẹ ọkẹre,