Aizaya 57:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² vwo kpo ufuoma, ayen re rovwoma vwẹ ehwa rọye re yan vwẹ evun re ọvwata rayen.

Aizaya 57:2 Referans Kwoze

Ẹvwọphia 14:13

Mi de nyo urhuru ọvo ro nẹ odjuvwu rhe tanẹ, Si Ọnana; Ebruba kẹ irivwi ri ghwuru vwẹ evun rẹ Ọrovwohwo kẹ etinẹ yanran. Ebruba rẹ uyota, eriyin Erhi na tare, rere ayen se rovwoma nẹ owian rayen, kidie uruemu rayen nene ayen.

2 Kọrẹnt 5:1

Kidie avwanre riẹnre nẹ ọ da dianẹ a guọghọ utughẹ rẹ akpọ nana rẹ avwanre dia na, yẹ avwanre vwo uwevwi ọvo ro nẹ obọ rẹ Ọghẹnẹ rhe, ọ dia uwevwi ra vwẹ obọ bọ-ọn, ọ re rara vwẹ obo odjuvwu.

Iyẹnrẹ Esiri ri Luk 2:29

Ọrovwohwo, gbe jẹn odibo wẹn kpo vẹ ufuoma, kirobo rẹ ota wẹn epha;

ỌBE RẸ JOB 3:17

Etiyin oruimwemwu de je ukpokpogho ẹmrẹ, etiyin ọ rẹ omarhọ de rovwoma.

2 Kọrẹnt 5:8

Avwanre ki vwo omamọ rẹ aroeyivwo, avwanre ke yan shesheri jẹ ugboma na vwo re avwanre vẹ Ọrovwohwo ra dia uwevwi.

Iyẹnrẹ Esiri ri Luk 7:50

Ọ da ta kẹ aye na, Esegbuyota wẹn o sivwi uwe; kpo vwẹ ufuoma.

Matiu 25:21

Ọrovworo da ta kẹ nẹ, Wo runọ odibo rẹ esiri na; wọ vwọ dia ọvwata vwẹ oma rẹ ememu nana, ku wọ dia ovie vwẹ enu rẹ emu buebu; mọ rhe ro aghọghọ rẹ ọrovwowe.

Aghwoghwo 12:7

Rẹ iwurhie vwo rhivwi kpo ekpẹn kirobo rọ epha jovwo, erhi na de rhivwi bru Ọghẹnẹ ro vworo.

2 Ikun rẹ Ivie 16:14

Ayen de sho phihọ ushi rọ tọn kẹ oma rọye vwẹ evun rẹ orere ri Devid. Ayen de muo phihọ okọ ra ghwẹ egẹn ri gbo ọnrhe dohwo doka, e de koko ogiderhanre vwo mu ọghọ kẹ.

Iyẹnrẹ Esiri ri Luk 16:22

Ovwiogbere na de ghwu emakashe de muo kpo agada rẹ Ebraham. Ọdafe na de ji ghwu rhe e de sho;

Izikiẹl 32:25

Ayen so ehwa kẹ vwẹ ohri rẹ ihwo re hweri vẹ urogho rọye, ushi rayen riarierẹ phihọ. Ayen ejobi upheruphe, rẹ ọlọkọ hweri; oshọ rayen ro asa na ejobi duvwu ayen da ghwa oghwa rẹ omaẹvuọ rayen kugbe otu ri kpo obo Ushi, e de phi ayen kugbe otu ri kpo obo Ushi, e de phi ayen kugbe ohri rẹ ihwo re hweri.

Filipae 1:23

Ahwarha dẹn kọye me epha. Ẹgnọnọ mẹ kẹ ukpo re mi vi Kristi ra dia, kidie ọye ri me yovwi.

Iyẹnrẹ Esiri ri Luk 1:6

Ayen ivẹ na da dia evwata vwẹ obaro rẹ Ọghẹnẹ, ayen yọnrọn irhi na gangan.

Aizaya 26:7

Idjerhe rẹ ọvwata nabọ ghọriẹ, wẹ yi ru idjerhe rẹ ọvwata riẹriẹriẹ.

Aizaya 14:18

Ivie rẹ ẹgborho na sherhẹ vwẹ urinrin, dohwo dushi rọye

Jẹnẹsis 17:1

Ọke rẹ Ebram vwọ ikpe ọvo nuro vwẹ ujori re Ọrovwohwo da vwẹ oma phia kẹ Ebram, ọ da ta kẹ, Mẹvwẹ Ọghẹnẹ ro vwo Ẹgba, yan nene uvwe, wo gbe ẹgua-a.

Une rẹ Ejiro 37:37

Ka oka phihọ ohwo ro je abe ẹriọ na, re wo ni ohwo rọ dia ọsoso, kidie oba rẹ ohwo yena ufuoma.

Daniẹl 12:13

Ẹkẹvuọvo gba yanran bẹsiẹ rẹ oba na ki te; ku wo che rovwoma, ku wo che mudia phihọ asan ra ghare ke we vwẹ oba rẹ ẹdẹ na.

Jerimaya 6:16

Enẹ Ọrovwohwo na tare, Mudia vwẹ oma rẹ idjerhe, wo ni, wọ nọ ekpen re idjerhe rẹ awanre na asan rẹ omamọ rẹ idjerhe epha, ru wa yan phihọ, re wọ mrẹ urovwoma vwọ kẹ ẹnwẹn rẹ ovwan Ẹkevuọvo ayen da ta nẹ, Avwanre cha yan phihọ-ọ.