Aizaya 55:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Kidie kirobo rẹ odjuvwu kpenu nọ akpọ na, Ọtiọye idjerhe Mẹ kpanu nọ idjerhe wẹn rẹ iroro Mẹ ji kpenu nọ iroro wẹn.

Aizaya 55:9 Referans Kwoze

Une rẹ Ejiro 103:11

Kidie kirobo re odjuvwu na kpenu nọ akpọ na, ọtiọye ẹguọnọ wẹn ro jẹ rhẹriẹ na epha kpahe otu re djẹ oshọ rọye;

Matiu 11:25

Vwẹ ọke yena Jesu da ta nẹ, Me kpẹvwẹ owẹ E Ọsẹ, Ọ ro ma odjuvwu vẹ akpọ, re vwo si emu nana nu kẹ ihwo rẹ ghwanre vẹ i ri vwo ẹruọ, wọ da vwọ ayen phia kẹ emọboba.

Une rẹ Ejiro 77:19

Idjerhe wẹn na abadi ọ wan vrẹn, ada wẹn kẹ ame rode ọ wanre; dede na ichiyotọ wẹn a mrẹrẹ-ẹ.

Une rẹ Ejiro 36:5

Ẹguọnọ wẹn ro jẹ rhẹriẹ, E Ọrovwohwo hẹre re te odjuvwu, uyota wẹn re duvwu irharheghe.

Une rẹ Ejiro 89:2

Kidie a bọn ẹguọnọ wẹn ro je rhẹriẹ na phihọ rhiri bẹdẹ, esegbuyota wẹn pha kokoroko kere odjuvwu na.

2 Samuẹl 7:19

Ọnana jẹn nẹ emu otete vwẹ obaro wẹn Ọrovwohwo Ọghẹnẹ, Wọ je ta ota kpahe oma rẹ uwevwi rẹ odibo wẹn, vwẹ ọke grogro rọ cha, wọ da rha vwẹ uvwiẹ rọ cha dia vwẹ ẹdẹfa vwọ nẹ vwẹ E Ọrovwohwo Ọghẹnẹl

Aizaya 14:24

Ọrovwohwo rẹ otuofovwi kpokpa nure Obo ri mi roro phihọ, eriyin ọ cha dia, obo me tanẹ ọ dia ọtiọye o mudia phihọ,

Une rẹ Ejiro 92:6

Ohwo nọkpọ nọkpọ sa riẹ-ẹn, ẹkpa cha riẹn ọnana-a: