Aizaya 55:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Die wọ vwọ rhaphiẹ igho wẹn phihọ emu rọ dia emuọre-e, wọ vwọ wian phihọ obọ re vọn evu-un? Nabọ kerhọn Mẹ, re wọ re obo ri yovwiri, rere oma rẹ ivwir vwerhe owẹ.

Aizaya 55:2 Referans Kwoze

Jerimaya 2:13

Kidie ihwo mẹ ru imu ivẹ chọ! ayen sen vwẹ, rẹ ẹtẹrhe rẹ ame rẹ urhuarhọ na, ayen da tọn egọdọ rẹ ame kẹ omobọ rayen, egọdọ re vwẹn, re sa yọnrọn ame-e.

Une rẹ Ejiro 36:8

Ayen rọ ria vwẹ oburhubu rẹ uwevwi wẹn, wọ kẹ ayen ame da nẹ urhie rẹ ivuavwerhe wẹn rhe.

Une rẹ Ejiro 22:26

Ohwo rọ hẹ ukpokpogho cha re, evun me vọn; otu re guọnerọ ki jiri Ọrovwohwo! E jẹn udu wẹn dia bẹdẹ!

Hibru 13:9

We jẹn odju rẹ uyono kuyono ọkpokpọ muẹ ovwan ghwrẹ-ẹ; kidie o fori re wa vwẹ ẹserọphẹ ghẹre oma, ọ dia emuọre, ro fi emuọvo kẹ otu re rerọ-ọ.

Jerimaya 31:14

Ke me vwẹ emu esiri buebu vwọ ghẹrẹ ẹnwẹn rẹ irherẹn na, erhuvwu mẹ cha vọn ihwo mẹ evun, eriyin Ọrovwohwo tare.

Habakọk 2:13

Nighere, ọ dia obọ rẹ Ọrovwohwo rẹ otuofovwi na o nurhe nẹ ihwo de wian kẹ erhanre torhẹ, nẹ ẹgborho de laghe oma ghevweghe?

Hosia 8:7

Kidie ayen kọn odju, ayen ki che vun ogiribo. Eka ri mudia na mu emọ phihọ uko-o, ayen gbe cha mọ-ọ e da tobọ mọ erhorha ke riọ nu.

Aizaya 51:7

Kerhọn Mẹ, ovwan ihwo re riẹn ọvwata, ihwo re urhi Mẹ dia evun rayen, wa dje oshọ rẹ ẹghwọ rẹ ihwo rẹ akpọ-ọ, we jẹ ofu dje ovwan rẹ ayen da harhe owẹ-ẹ.

Iyẹnrẹ Esiri ri Mak 7:14

Ọ kẹ rhoma se ihwo na bro rhe, ọ da ta kẹ ayen, Ovwan ejobi me kerhọn rẹ ota mẹ, rere ovwan riẹn otọ rọye;

Matiu 22:4

Ọ da rhoma ji idibo efa re se ayen nẹ, Ta ke ihwo ri mi seri jovwo na nẹ, Nighe, Mi chere emu vọn otọ nure; erhuẹn mẹ kugbe egbo mẹ rode na e hwe ayen, emu na ejobi gba nure; Wa yanrhe asan ra da cha rẹ orẹ rẹ opha na.

Aizaya 51:1

Kerhọn Mẹ, ovwan re vwọ tua esivwo ovwan re guọnọ Ọrovwohwo; gbe ni oragha re she we nurhe, kugbe ọgọdọ ra tọn wẹ nurhe.

Une rẹ Ejiro 63:5

Ẹnwẹ mẹ ra ghọghọ kerẹsiẹ ra da re otu re osuanson kugbe ivwri, unu mẹ vẹ ẹbẹrunu mẹ ko jiri uwe vẹ aghọghọ,

Ọbe ri Pọl si rhe Ihwo ri Rom 9:31

ẹkẹvuọvo nẹ Izrẹl rọ gbẹn idjerhe rẹ ọvwata rọ wan oma rẹ urhi rhe se ru obo rẹ urhi na guọnọre gba-a.

Matiu 15:9

Ayen de ga vwẹ ghevweghe, Ayen me vwẹ uruemu rayen yono ihwo.

Aizaya 51:4

Kerhọn Mẹ, ihwo Mẹ, rhie erhọn wẹ kẹ vwẹ, egborho mẹ, kidie urhi che nẹ obọ Mẹ rhe ọsoso Mẹ kọ dia urhukpẹ kẹ ihwo na.

Aizaya 1:19

Wọ da rhọvwe wo de mu ọghọ, ku wọ re emu esiri rẹ otọ na,

Isẹ 9:5

yanrhe, wọ rhe re ikara mẹ, rere wọ rha da udi re me nabọ gua na.

Une rẹ Ejiro 34:11

Yanrhe, E emọ, kerhọn mẹ, Mi yono uwe oshọ ẹdjẹ rẹ Ọrovwohwo na.

Ọbe ri Pọl si rhe Ihwo ri Rom 10:17

Ọtiọye na esegbuyota kẹ ẹme-enyo o nẹ cha, ẹme-enyo ke rha vwẹ iyẹnrẹ esiri ri Kristi re ghwoghwori na o nẹ cha.

Iyẹnrẹ Esiri ri Luk 15:23

we mu upene rẹ erhuẹn na rhe re hwe, re jẹn avwanre ra ghọghọ;

Hosia 12:1

Ifrem Osun rẹ odju, ọ vwọ tua odju rẹ obaro ọnre vwẹ ẹdẹ na ejobi; ogbarogba vẹ ozighi ra rhoma buẹ phihọ; ayen vẹ Asiria re vwo ọrhọvwekugbe, ayen re muẹ ọfigbo kpo Ijipt.

Aizaya 46:6

Ayen otu re rhaphie oro ne evun re ekpo rayen, re vwẹ uwan vwanvwọn idọno ri durhie odjogu, ro vwo duvwu ẹdjọ kẹ wẹ, etiyin ayen she diguẹ ayen me gọ!

Aizaya 25:6

Vwẹ ugbenu nana Ọrovwohwo rẹ otuofovwi na kọ vwẹ emu kẹ ihwo na ejobi re emu rẹ ivwri, wain ro vwo ọgbodo, emu rẹ ivwri rọ vọnre vẹ otu rẹ esuanson, wain egangan ra nabọ rhẹ

Aghwoghwo 6:2

ohwo rẹ Ọghẹnẹ vwẹ efe kẹ, vẹ eyenre buebu, kugbe ọghọ, rere emu ejobi rọ guọnọre vwo jẹ karọ, yẹ Ọghẹnẹ rha sa vwẹ ogangan kẹ rere ọ sa vwọ re avwerhe rẹ aye-en, ẹkẹvuọvo ọrhorha kọye vwẹ ayen ghọghọ; ọnana emu diodi, ọdjorho rode o ruẹ.

Isẹ 8:32

Asakiephana, emọ mẹ, kerhọn mẹ, aghọghọ kẹ ihwo ri nene idjerhe mẹ.

Urhi Rivẹ 11:13

Ọ da dianẹ wa yọnrọn irhi mẹ ri mi ji kẹ ovwan nonẹ na, wa da guọnọ Ọrovwohwo Ọghẹnẹ rẹ ovwan na, vwọ vwẹ udu rẹ ovwan ejobi kugbe ẹnwẹn rẹ ovwan ejobi ga,

Ẹyano 15:26

tanẹ, Wọ da vwẹ oma kpotọ nyo ota rẹ Ọrovwohwo Ọghẹnẹ wẹn, wo de ru obo ri shephihọ vwẹ ẹro rọye, wọ da kerhọ rẹ iji rọye wọ da yọnrọn ayen, emiavwe ri mi vwo mu ihwo rẹ Ijipt na gbi che mu we-e, kidie Mẹvwẹ Ọrovwohwo, osivwi wẹn.

Aizaya 44:20

Ọ ria iwurhie; udu ra phienre sunro ghwru nure, o gbi se sivwi oma rọye-e tanẹ. O gbi rhe vwo efian vwẹ obọrhe mẹ na-a?

Isẹ 7:23

Bẹsiẹ rẹ edada vwo kporo ro efẹn rọye, kerẹ ọphran rọ họrhọ ro ufi, ọ rha riẹn nẹ arhọ rọye che ghwru nene-e.

Isẹ 1:33

ẹkẹvuọvo ohwo rọ kerhọn mẹ oma ko fuo, oma ko fuo, ọ gbe djẹ oshọ rẹ umiovwo-o.

Matiu 5:6

Ebruba kẹ ihwo rẹ owẹvwe rẹ ọvwata hwe; kidie evun cha vọn ayen.

Iyẹnrẹ Esiri ri Jọn 6:27

Ovwan wian owian fiki rẹ emuọre rọ ghwọrọ-ọ; ẹkẹvuọvo fiki rẹ emuọre rọ tọn re te arhọ ri bẹdẹ, rẹ Ọmọ rẹ ohwo cha vwọ kẹ ovwan; kidie enu rọye ọye Ọghẹnẹ Ọsẹ na ka oka rọye phihọ.

Aizaya 10:27

Vwẹ ẹdẹ yena oghwa rọye ko she nẹ igabọ wẹn, ka ka guọghọ urhekpe rọye nẹ ohọre wẹn. O vrẹn nẹ Rimmọn re,

Aizaya 62:8

Ọrovwohwo vwẹ obọrhe rọye duvwu iyori nure vẹ igbabọ rẹ Ọgba rọye na Me gbe sa vwẹ ọka wẹn ru emuọre kẹ ivwighrẹ wẹn ọfa-a, erhorha gbe sa da udi wẹn ru wọ wian phihọ na ọfa-a,

Aizaya 62:9

ẹkẹvuọvo ihwo ri woro ayen koko keye re re ayen ayen ki jiri Ọrovwohwo, ihwo re ghwẹ ayen koko ke da ayen vwẹ ọguan rẹ ẹshẹ mẹ na.

Aizaya 65:23

Ayen gbe wian kufia-a, eyẹ ayen gbi vwiẹ emọ kẹ ughwu-u, kidie ayen ke dia uvwiẹ rẹ ebruphihọ rẹ Ọrovwohwo, te ayen kugbe emọ rayen.

Jerimaya 12:13

Ayen kọn eka ayen de vu inwe, ayen lagha oma ye ayen mrẹ erere ọvuọvo-o Oma re ọrho rayen cha vo ayen vwẹ obọ fiki rẹ ophu otuatua rẹ Ọrovwohwo.

Jerimaya 17:24

Ẹkẹvuọvo Ọrovwohwo tare nẹ, ọ da dianẹ ovwan kerhọn mẹ, re wa gbe ghwa oghwa wan anurhoro na vwẹ ẹdidjala-a, ẹkẹvuọvo wọ da yọnrọn ẹdidjala na fuanfọn, ru we gbi ru iruo vwọ-ọ,