Aizaya 55:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Asan rẹ inwe epha jovwo ọwangha kọ dia etiyin, asan re ebẹ epha jovwo ke odi ghevweghe; kọ dia ke Ọrovwohwo ẹkarohọ ri bẹdẹ, kọ dia oka ri bẹdẹ ro je phoro.

Aizaya 55:13 Referans Kwoze

Aizaya 41:19

Ki mi phi igẹdu phihọ evun rẹ aghwa, te ighwẹrughẹ, te ihophe, kugbe oliv, ki Mi che phi owangha phihọ evun rẹ atọn, tẹ iriẹ te egọrọ.

Jerimaya 33:9

O nana kọ dia odẹ rẹ aghọghọ kẹ vwẹ, kugbe ejiro vẹ urinrin vwẹ obaro rẹ irere rẹ akpo na ri che nyo erhuvwu ri mi che ru kẹ ayen, oshọ ko mu ayen rẹ ayen de kpogho vwi fiki rẹ erhuvwu vẹ oyovwe ejobi re me rhuẹrẹ hẹrhẹ na.

Aizaya 61:3

ra rhọvwe kẹ ihwo ri muomahọ vwi Zayọn– ra kẹ ayen ovwẹ vwẹ ẹdia rẹ iwurhie, evwri rẹ aghọghọ vwẹ ẹdia rẹ omaemuohọ, ukpo re ejiro vwẹ ẹdia rẹ erhi ro sherua, rere e vwo se ayen ehahe rẹ evwata, ekankọn rẹ Ọrovwohwo, rere e vwo jiro.

2 Kọrẹnt 5:17

Vwẹ ọtiọye na, ọ da dianẹ ohwo hẹ evun ri Kristi, ohwo yena kẹ ẹma ọkpokpọ; ọ rẹ awanre wanvrẹn re, nighere ọkpokpọ na rhire.

Aizaya 60:13

Urinrin ri Lẹbanọn ko bru we rhe, Te owangha te afon, te ubioriẹn, ke cha vwẹ erhuvwu vwọ keẹ ẹshẹ Mẹ, ki Mi ru asan Me ghwẹ awọ phihọ vwo vwo urinrin.

Ọbe ri Pọl si rhe Ihwo ri Rom 6:19

Ọnana ephẹrẹ okokodo me jẹ kẹ ovwan na. Kidie kirobo rẹ ovwan vwọ reyọ oma rẹ ovwan vwo ru obo ri je ovwan, rẹ ovwan vwọ dia eviẹn rẹ umwemwu jovwo na, ọtiọye vwẹ asakiephana ovwan gba vwẹ oma rẹ ovwan kẹ ọvwata vẹ ẹfuọn.

1 Pita 4:11

Kohwo kohwo rọ ta ota, ọ me ta kerẹ ọboepha rẹ Ọghẹnẹ; kohwo kohwo rọ gọ ẹga, ọ me ga vwẹ ogangan rẹ Ọghẹnẹ vwọ kẹ; rere vwi kemu kemu ejobi a sa vwẹ urinrin kẹ Ọghẹnẹ vwẹ oma ri Jesu Kristi. Ọye a vwẹ urinrin kẹ kugbe isuesun bẹdẹ bẹdẹ. Isẹ.

Jerimaya 50:5

Ayen cha nọ ekpẹn rẹ idjerhe ra wan kpo Zayọn, vẹ opharo re hirhe kuo tanẹ, Wa mọ re kuoma gbe Ọrovwohwo vwẹ ọphọ ẹriọ ri bẹdẹ ro je ẹro ẹchọrọ bẹdẹ.

Iyẹnrẹ Esiri ri Jọn 15:8

Vwẹ oma rẹ ọnana kọyẹ a vwọ vwẹ urinrin kẹ Ọsẹ mẹ rere ovwan vwọ mọ ibi buebu, ọtiọye kọye e vwo dje phia nẹ ovwan idibo mẹ.

Iyẹnrẹ Esiri ri Luk 2:14

Urinrin kẹ Ọghẹnẹ ro kpenu, ufuoma kẹ akpọ evun esiri kẹ ihwo ri vwo udu esiri.

Jerimaya 13:11

Kidie obo rẹ otehun ta muẹ ehun rẹ ohwo ye, ọtiọye mi ru uwevwi rẹ Izrẹl ejobi kugbe uwevwi ri Juda ejobi ne tamu uvwe, eriyin Ọrovwohwo tare, rere ayen vwọ dia ihwo mẹ vwẹ odẹ, ejiro, kugbe urinrin, ẹkẹvuọvo ayen kerhọ-ọn.

Aizaya 63:12

ono ri ru igbabọ rẹ urinrin na nẹ o kpo oborhe ri Mosis, rọ hẹriẹ ame na kẹ ayen wan rọ vwọ re odẹ re rara kẹ oma rọye,

Aizaya 60:21

Ihwo wẹn ejobi ke cha dia evwata; ayen ki che vwo otọ na bẹdẹ, eyoro cha rẹ ekankọn Mẹ, iruo re abọ Mẹ, rere a mrasan vwe urinrin kẹ vwẹ.

Aizaya 54:10

Kidie igbenu na sa hẹriẹ igbenu rẹ itete na se ghwie, ẹkẹvuọvo ẹguọnọ rọ jẹrhẹriẹ mẹ na sa hẹriẹ nẹ uwe ọma-a ọphọ mẹ rẹ ufuoma na se ju we vwo-o eriyin Ọrovwohwo tare, ọ rọ re ehrọre wẹ.

Aizaya 43:21

ihwo re Me mare kẹ oma mẹ rere ayen vwo ghwoghwo ejiro mẹ phia

Maika 7:4

Ọ ro me yovwi vwẹ usun rẹ ayen họhọ ebẹn, ọ rọ ma dia ọvwata vwẹ ohri rẹ ayen họhọ ogba rẹ inwe. Ẹdẹ rẹ ọrhẹrotọ rayen, ẹdẹ rẹ ehwe rayen, o te nure; Asakiephana ozighi rayen kẹrẹ otọ re.

Aizaya 5:6

Ki mi miovwo, e gbi che fro-o eyẹ a gbe gua-a okpia vẹ idjigbẹ ke cha djẹ rhe vwọ, ki mi ji urhi kẹ enu na nẹ osio gbe rhọ phihọ-ọ.

Une rẹ Ejiro 96:12

jẹn udju kpare oma kpenu, vi kemu kemu rọ herọ ejobi! Etiyin irhe re egbo ejobi ke so une re aghọghọ

Aizaya 7:11

Nọ ekpẹn rẹ oka vwẹ obọ rẹ Ọrovwohwo rẹ Ọghẹnẹ wẹn; gbe je okodo prẹ kerẹ erivwi eyẹ okpenu kerẹ odjuvwu.

Aizaya 7:19

Ayen ejobi ke cha rhe ri wo phihọ ikpotọ chochohri na, ọ vẹ igbogho rẹ eragha na, ọ vẹ aghwa re inwe na, kugbe enu rẹ odi na.

Aizaya 7:24

Umurhabọ vẹ Ibigẹ kọye ihwo cha ghwa kpo etiyin, kidie otọ na ejobi cha vọn vẹ ekpia kugbe idjigbẹ;

Aizaya 19:20

Kọ dia oka vẹ iseri kẹ Ọrovwohwo rẹ otuofovwi na vwẹ otọ rẹ Ijipt ọke rẹ ayen de che kperi se Ọrovwohwo fiki rẹ oshenyẹ kọ vwẹ osivwi rhe ayen, kọ chochọ rayen o mi sivwi ayen.

Aizaya 32:13

kidie otọ rẹ ihwo mẹ, o rhi di vọn vẹ inwe kugbe ebe; uyota, fiki re lwevwi re aghọghọ ejobi re he evun rẹ orere re aghọghọ na.

Aizaya 35:1

Aghwa na kugbe otọ ọyaya na ke cha ghọghọ, aton na cha ghọghọ rọ de di ẹbe gbidigbidi, kerẹ igbodigbo,

Aizaya 35:2

kọ cha ghwẹ ẹbe phihọ gbidigbidi, oma kọ vwerhọn vẹ aghọghọ kugbe ine ẹsuọ. Urinrin ri Lebanọn ka cha vwọ kẹ, orhuarho ri Kamẹl kugbe Sharọn. Kẹ ayen cha mrẹ urinrin rẹ Ọrovwohwo na, orhuarho rẹ Ọghẹnẹ rẹ avwanre na.

Aizaya 56:5

ki Mi phi phihọ evun rẹ uwevwi Mẹ kugbe evun rẹ igbẹhẹ Mẹ emama re ẹkarohọ kugbe odẹ ri yovwi nọ emọ re eshare ve emetẹ, ki Mi mu odẹ ri bẹdẹ kẹ ayen re jẹ sa nyavwe kufia.

Aizaya 63:14

Kere uchuru re djẹ rọ iyara, Erhi rẹ Ọrovwohwo da ke ayen urovwoma Ke ọtiọye wo sun ihwo wẹn, re wọ vwọ re odẹ re urinrin kẹ oma wẹn.

Izikiẹl 28:24

Vwọ kẹ uwevwi rẹ Izrẹl ebẹ gbe dia rọ bẹre ohwo ọfa-a eyẹ odjigbe ro duvwu ohwo gbe dia ọfa-a vwẹ ohri rẹ ihwo re dia kẹrẹ re reyọ ayen vwọ jehwẹ. Etiyin ayen ke riẹn nẹ mẹvwẹ ọye Ọrovwohwo na.

Zekaraya 1:8

Me mrẹ ọshare ọvo vwẹ ason, nighe ọ gua iyesi ọvwavware ọvo! O mudia vwẹ ohri rẹ irhe vwẹ iyara ọhwahwa na; iyesi evwavware, iri mune-mune vẹ efuanfon he obuko rọye.

Aizaya 60:17

Vwẹ ẹdia re odje ke Me kẹ wẹ oro, vwẹ ẹdia re utehru ke Me kẹ wẹn idọnọ, vwẹ ẹdia rẹ urhe, odje, vwẹ ẹdia re oragha, utehru. Ki Mi ru olori rẹ ovwan ufuoma onotu rẹ ovwan kẹ ọvwata.