Aizaya 55:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ ọtiọye ota Mẹ ro ne unu Mẹ rhe; che se fiabọ-ọ, ẹkẹvuọvo o ru obo ri mi jiro gba, obo mi jiro no ru ko yovwi.

Aizaya 55:11 Referans Kwoze

Matiu 24:35

Odjuvwu vẹ akpọ cha wan, ẹkẹvuọvo ota mẹ se she fia-a.

Aizaya 46:10

rọ dje oba na nẹ etuọhọ rọye rhe nẹ awanre rhe imu ri ji ru-u tanẹ, Iroro Mẹ ri che mudia, Mi che ru iroro Mẹ ejobi gba,

Ọbe ri Pọl si rhe Ihwo ri Rom 10:17

Ọtiọye na esegbuyota kẹ ẹme-enyo o nẹ cha, ẹme-enyo ke rha vwẹ iyẹnrẹ esiri ri Kristi re ghwoghwori na o nẹ cha.

Iyẹnrẹ Esiri ri Jọn 6:63

Erhi na re kẹ arhọ, uvwo fi erere ọvuọvoo; eta na re me ta kẹ ovwan na eye hẹ erhi kugbe arhọ.

Aizaya 45:23

Vwẹ oma mẹ ọvo mi vwo duvwu iyori, Unu Me ọye ọvwata na nurhe ota ro che se rhivwi-i: Mẹvwẹ igbo na ejobi che wurhu kẹ, ẹrenvwe ejobi che vwo duvwu iyori.

1 Kọrẹnt 1:18

Kidie ota rẹ agbagba na hẹ ugheghẹ kẹ otu re ghwọrọ kuẹfia, ẹkẹvuọvo kẹ ogangan rẹ Ọghẹnẹ kẹ avwanre re sivwẹ rhọ na.

1 Tẹsalonaika 2:13

Avwanre ke kpẹvwẹ Ọghẹnẹ kọke kọke fiki rẹ ọnana, nẹ ọke rẹ ovwan vwọ reyọ ota rẹ Ọghẹnẹ na ru we nyo miẹ avwanre na, ovwan reyerọ kerẹ ota rẹ ohwo rẹ akpọ-ọ ẹkẹvuọvo ovwan da reyọ kirobo rọ epha dẹn, ota rẹ Ọghẹnẹ, ro ruẹ iruo vwẹ oma rẹ ovwan otu ri sere gbuyota.

1 Pita 1:23

A rhoma vwiẹ ovwan ọkpokpọ, ọ dianẹ kẹ ọ rẹ omamọ rọ ghwọrọ-ọ ẹkẹvuọvo ọ ro jẹ ghwọrọ, vwẹ oma rẹ ota rẹ Ọghẹnẹ rẹ arhọ na rọ dia bẹdẹ na.

Jems 1:18

Ọhọre obọ rọye o vwọ reyọ avwanre ru emọ vwẹ oma rẹ ota rẹ uyota na, o de ru avwanre rere, avwanre vwọ dia oka rẹ emamọ rẹsosuọ rẹ ihwo rọ ka ma.

Hibru 6:7

Kidie otọ rọ da ame rẹ osio rọ rhọ phihọ, ro de yovwi emu kẹ otu ri voiro, ke mrẹ ebruphihọ nẹ obọ rẹ Ọghẹnẹ rhe.

Aizaya 54:9

Kidie Ọnana họhọ ọke ri Noa kẹ vwẹ: kirobo Mi duvwu iyori nẹ ame ri Noa gbi se phoro akpọ na ọfa-a na, kẹ eriyin Mi duvwu iyori nẹ Mi gbi mu ophu wẹ bẹdẹ-ẹ. Me gbe harhe owẹ-ẹ

Urhi Rivẹ 32:2

Jẹn uyono mẹ sun rhe kerẹ osio ota mẹ bru ighorigho kerẹ evwru, kerẹ eghwẹghwẹ rẹ osio ro tue kuẹ odi ọboba kugbe eghwẹghwẹ vwẹ enu rẹ ẹbe.

Ukeri 23:19

Ọghẹnẹ dia ohwo, rọ vwọrọ ofia-an, eyẹ ọmọ rẹ ohwo, ro se kuẹrhẹriẹ-ẹ ọ ta nure, o gbi rhe ruo? Eyẹ rọ vwọ ta nu na, o gbi rhe se ruo gba?

Aizaya 40:8

Odi vwioro, ododo phoriẹ, ẹkẹvuọvo ota rẹ Ọghẹnẹ rẹ avwanre mudia bẹdẹ.

Aizaya 53:10

Dede na yo je Ọrovwohwo nẹ ọ ghwiẹ, o da vwẹ oja riọ, vwẹ ọke rọ vwọ reyọ vwo ze izobo rẹ umwemwu nu, kọ cha mrẹ uvwiẹ rọye, ko ru ẹdẹ rọye yovwi, ọhọre rẹ Ọrovwohwo ko che yovwi vwẹ obọ rọye,

Aizaya 59:21

Vwọ kẹ vwẹ, Ọnana ọphọ re Me, vẹ ayen rere, eriyin Ọrovwohwo tare: erhi Mẹ rọ hẹ enu wẹ, kugbe eta Mẹ ri mi phi họ unu wẹn, che se nẹ unu wẹ-ẹn, eyẹ unu rẹ emọ wẹ-ẹn, eyẹ vwo nẹ unu rẹ ivwrọmọ wẹ-ẹn, eriyin Ọrovwohwo tare, nẹ ọke nana yanran rhiri bẹdẹ.

Jerimaya 23:20

Ophu rẹ Ọrovwohwo se rhivwi-i bẹsiẹ ro vwo brorhiẹ rẹ imu re hẹ udu rọye re nu. Vwẹ ẹdẹ rẹ okuko na wa cha riẹn phephe.

Izikiẹl 24:14

Mẹvwẹ rẹ Ọrovwohwo ta nure; ọke de rhi te, ki mi ruo; mi gbi rhivwi kpo uko-o, mi che ju we vwo-o, mi che kurhẹriẹ-ẹ; ki mi gu ẹdjọ wẹ, kirobo rẹ idjerhe wẹn vẹ uruemu wẹn epha, eriyin Ọrovwohwo Ọghẹnẹ tare.

Emọs 6:11

Kidie nighere, Ọrovwohwo tare, uwevwi rode na ka guọghọ te otọ, kugbe uwevwi otete na ka guọghọ vworovworo.

1 Samuẹl 3:19

Samuẹl da rho, Ọrovwohwo vẹ ọye da herọ o gbi jẹ ota rọye ọvuọvo she kufia-a.

Jerimaya 1:11

Ota rẹ Ọrovwohwo de ji bru vwe rhe, tanẹ, Jerimaya, did emu wọ mrẹre Me da ta, Me mrẹ ọkpọ rẹ orhomrẹ.

Jerimaya 1:12

Ọrovwohwo ke rha ta kẹ vwẹ nẹ, Wọ riẹn mrẹ, kidie me rhẹrẹ ota mẹ rere evwo ruo.

Jerimaya 1:13

Ota rẹ Ọrovwohwo ki bru vwe rhe obọ rivẹ, nẹ, Didi emu wọ mrẹre na? Me da ta, Me mrẹ itaso rọ họrhọ, ro hirhe opharo ku obọhwẹre ọnre na.

Jerimaya 25:13

Mi che ru otọ yana kiroho re me ta kpahọ na ejobi, emu kemu re siri vwẹ ọbe nana ọ ri Jerimaya mraro rọye kpahe irere na ejobi.

Zekaraya 1:6

Ẹkẹvuọvo eta mẹ vẹ iji Me, ri mi ji kẹ idibo mẹ emraro na, o rhe mu ese re ovwan? Eriyin ayen de kurhẹriẹ ta, kirobo rẹ Ọrovwohwo rẹ otuofovwi rori nẹ ọye ru avwanre fiki rẹ idjerhe vẹ uruemu rẹ avwanre na, ọtiọye o ghine ru avwanre.