Aizaya 54:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Kidie Ọrovwohwo se we nure kerẹ aye ra senre rẹ ivun miovwẹ vwẹ obo erhi, kerẹ aye rẹ ọke-emọ ra djẹ kufia, eriyin Ọghẹnẹ wẹn tare.

Aizaya 54:6 Referans Kwoze

Aizaya 62:4

E gbi se we ọfa nẹ Ọ rasere-e, otọ wẹn e gbi se ọfa nẹ Ọ ra kuanu-u, ẹkẹvuọvo ke se we nẹ Ojevwe Me hẹ evun rọye, otọ wẹn kẹ Orọvwe, kidie ivun wẹn vwerhe Ọrovwohwo, otọ wẹn ka rọvwọ.

Aghwoghwo 9:9

Wọ vẹ aye wọ guọnọre ghọghọ kugbe, vwẹ ẹdẹ wẹn ejobi vwẹ otọ rẹ ọnre na, fikiridie ọye ẹkẹn rẹ akpọ ro te we vwẹ evun rẹ owian ru wọ wianre vwẹ otọ rẹ ọnre na.

Isẹ 5:18

Jẹn ebruba dia kẹ ogbugbu wẹn, rere wọ ghọghọ vwẹ oma rẹ aye rẹ ọke emọ wẹn.

Malakae 2:14

Wọ da nọ nẹ, Die sorọ o vwo jẹ reyọ? fikiridie Ọrovwohwo na oseri rẹ ọphọ re wọ vẹ aye wẹn rẹ ọke-emọ rere, aye yena wo gbe ọfanrhiẹ rhurhu dede na ọye otu wẹn kugbe aye rẹ ọphọ wẹn.

Matiu 11:28

Bru vwe rhe ihwo rẹ owian kugbe oghwa bẹn, Me kẹ ovwan ufuoma.

2 Kọrẹnt 7:6

Ẹkẹvuọvo Ọghẹnẹ, ro brẹ otu re chiyi muotọ uche, ọ da vwẹ ẹcha ri Taitọs bru avwanre uche,

Hosia 2:19

Ke me rhoma sa wẹ otọ kẹ oma mẹ bẹdẹ; me sa wẹ otọ vwẹ ọ rẹ ọvwata vẹ ọsoso, vẹ ẹguọnọ esiri ro jẹrhẹriẹ vẹ arodọvwẹ.

Jerimaya 30:17

Kidie me cha vwẹ omakpokpọ rhivwi rhe ovwan, mi ji sivwi era rẹ ovwan, eriyin Ọrovwohwo tare, fikiridie ayen se ovwan erasere, ọye Zayọn rẹ ohwo ọvuọvo vwẹ ẹro te-e!