Aizaya 53:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Fiki rẹ ọtiọye na ke Me ghare ẹkẹn te vwẹ usun rẹ ihwo ride, ọ vẹ egba keye gba ghare ughwẹ; kidie o ku ọbara rọye phihọ otọ kẹ ughwu, e de kere kugbe otu ri gburhi ku; yẹ ọye re ghwa umwemwu rẹ ihwo buebu, ọ da re orẹ vwọ kẹ otu ri gburhi ku.

Aizaya 53:12 Referans Kwoze

Iyẹnrẹ Esiri ri Luk 22:37

Kidie me ta kẹ, owẹ nẹ ọbe ọfuanfon nana cha gba vwẹ oma mẹ, E de kere kugbe igburhi; kidie obo re siri kpahe ovwẹ na rhe gbare.

Hibru 9:28

Vwẹ ọtiọye na ra vwọ vwi Kristi gọ iye ẹsiẹvo nure na rọ ghwa imwemwu rẹ ihwo buebu nu na, kọ je cha rhe vwẹ obọ rivẹ, ọ dianẹ kẹ umwemwu ọ cha ghwọrọ-ọ ẹkẹvuọvo ko che sivwi ayen otu re vwẹ erhiori hẹrhẹ.

1 Jọn 2:12

Emọ mẹ, mi siẹ ọbe nana rhe ovwan, fikiridie a vwẹ imwemwu rẹ ovwan ghovwo ovwan vwi fiki rọye.

Iyẹnrẹ Esiri ri Mak 15:27

Ayen da kanre igbulegbu ivẹ mu agbagba kugbe; ọvo hẹ obọrhe rọye, ọrivẹ hẹ obọhwẹre rọye.

Hibru 9:26

kọye o vwo dje oja na ẹriẹriọ nẹ ẹtuọhọ rẹ akpọ na rhe. Ẹkẹvuọvo kirobo rọ epha na, ọ vwẹ oma rọye gọ iye ẹsiẹvo nure ọ da rhe vwẹ oma phia vwẹ oba rẹ oge na re ọ vwọ ghwẹ imwemwu rẹ ihwo ejobi nu.

Ọbe ri Pọl si rhe Ihwo ri Rom 8:34

Kono e bruhwe? Ki Kristi Jesu, ro ghwuru, e, ra kpare nẹ ughwu rhe, rọ hẹ obọrhe rẹ Ọghẹnẹ, rọ ghene rẹ kẹ avwanre na?

Aizaya 53:6

Avwanre ejobi kerẹ igodẹ suoso ghwru, dohwo didjerhe rọye vwo gbe, Ọrovwohwo dẹ kru nyẹ oghwa rẹ orukuruku rẹ avwanre ejobi.

Taitọs 2:14

Ohwo rọ vwẹ oma rọye kẹ avwanre rọ vwọ tan avwanre nẹ orukuruku ejobi kugbe ro vwo ru avwanre fon kẹ oma rọye ihwo rẹ obọ rọye ri vwo oruru kẹ iruo esiri.

1 Jọn 2:1

Emọ mẹ, mi si eta nana rhe ovwan rere ovwan vwo jẹ umwemwu eruo; ẹkẹvuọvo ohwo de ru umwemwu, avwanre vwo obruche ọvo vwẹ obọ rẹ Ọsẹ, Jesu Kristi rẹ ọvwata na;

Hibru 12:2

avwanre gba tọn ẹro vi Jesu ọkobaro kugbe orugba rẹ esegbuyota rẹ avwanre, ohwo rọ vwi fiki rẹ aghọghọ rọ hẹ obaro kẹ chiri odjadja rẹ aghagha na, ọ davwerhọn rẹ omaẹvuọ na-a, o de rhi tidia obọrhe rẹ ekete rẹ Ọghẹnẹ.

Hibru 9:24

Kidie Kristi ro ẹshẹ ra vwẹ obọ ru-u, uhoho rẹ ọ rẹ omamọ na, ẹkẹvuọvo okpoyovwi rẹ odjivwu dẹn, asakiephana kọ phia vwẹ obaro rẹ Ọghẹnẹ rọ rẹ kẹ avwanre.

Kolose 2:15

Ọ da rhahọ rẹ ihwo ride vẹ ogangan na ejobi nẹ ovwan oma ọ da rhe phọphọ otu ri hwere na, ro vwo vrẹn nẹ ughwu nu.

Aizaya 53:8

Vwẹ oshenyẹ vẹ obruhwe a vwo reyọ yanran; vwọ kẹ uvwiẹ rọye, kono ro roiro nẹ e bruro kufia nẹ otọ rẹ ihwo ekpokpọ, a ghwiẹrẹ fiki rẹ ogbeku rẹ ihwo Mẹ.

Une rẹ Ejiro 22:14

A kpare ovwẹ ku kerẹ ame, ibeku mẹ ejobi nẹ ẹka; udu mẹ epha kerẹ orhọrhe, rọ wrare vwẹ evun mẹ;

Une rẹ Ejiro 2:8

Nọ vwẹ ọhọ me, ke me vwẹ egborho na ghare owẹ ughwẹ, oba rẹ akpọ na ejobi kọ dia ọwẹn.

Hibru 7:25

Vwẹ ọtiọye na ko se sivwi kohwo kohwo rọ wan oma rọye sikẹrẹ Ọghẹnẹ, fikiridie ọ herọ kọke kọke rọ vwọ rẹ kẹ ayen.

Iruo rẹ Iyinkọn na 26:18

Wo che rhie ẹro rayen, rere ayen kurhẹriẹ nẹ ebri kpo urhukpẹ vwo nẹ ogangan rẹ Idẹbọnọ vwo bru Ọghẹnẹ, rere ayen mrẹ evwoghovwo rẹ imwemwu kugbe ẹdia vwẹ ohri rẹ ihwo rẹ esegbuyota ru fon vwẹ evun mẹ.

Iyẹnrẹ Esiri ri Luk 23:25

O de siobọ nẹ ohwo re mu họ uwodi fiki rẹ ozighi egbe kugbe ozighẹ, rẹ ayen nọre; ẹkẹvuọvo o de siobọ nẹ Jesu kẹ ayen nẹ ayen gbe ru obo ri je ayen.

Matiu 26:42

Obọ rivẹ o da rhoma yanran ra nẹ ẹrhovwo ta nẹ, E Ọsẹ mẹ, ọnana sa chọ vwẹ ra-a, jokpa nẹ me darọ, gbe ru ẹguọnọ wẹn.

Daniẹl 2:45

kirobo wọ mrẹre nẹ e bru oragha ọvo nẹ ugbenu ọvo rhe jo dia obọ rẹ ohwo rẹ akpọ ruro-o, ọ da guọghọ utehru na ibribro, ẹrovwo, ọphiẹn, idọnọ ofuanfon vẹ oro na. Ọghẹnẹ rọ rhọro vwẹ obo re cha phia vwẹ obaro nẹ ovie nure. Evwerhẹ na muẹro, otọ rọye efan ji muẹro.

Aizaya 52:15

eriyin ko gbe buebu unu; ivie ki rhurhu unu fiki rọye, kidie obo ra je ta kẹ aye-en kọye ayen cha mrẹ, obo rẹ ayen ji nyo jovwo-o, kẹ ayen cha mrẹ vughe.

Aizaya 52:13

Nighe, odibo Mẹ ko che yovwi, ke muo kpenu phelephele, ko kpenu gangan.

Jẹnẹsis 3:15

Ki mi phi eghrẹ phihọ uvwre wẹn vẹ ọ rẹ aye na, Te uvwre rẹ emọ wẹn vẹ erẹ aye na, kọ ghwiẹ wẹ uyovwi, ku wọ rhovwọ uchukowọ.

Filipae 2:17

Ọ da tobọ dianẹ e bru uvwe ku iye vwi fiki rẹ esegbuyota dede, oma vwerhe ovwẹ me vẹ ovwan ejobi ke ghọghọ.

Iyẹnrẹ Esiri ri Mak 15:28

Ebẹ ọfuanfon re siri da gba nẹ, e kere kugbe iruimwemwu.

2 Kọrẹnt 5:21

Fiki rẹ avwanre ọye e vwo ruo vwọ dia oruimwemwu ohwo ro vwo umwemwu vwẹ oma-a, rere avwanre sa rhe wan oma rọye rhe dia ovwata rẹ Ọghẹnẹ.

Ẹyano 15:9

Ivwighrẹ na da ta, Me vwọ tua, re me korẹ, me ghare ughwẹ na, ẹguọnọ mẹ kọ wan oma rayen gba. Mi che yoro ọlọkọ mẹ obọ mẹ kọ guọghọ ayen.

ỌBE RẸ JOB 30:16

Asakiephana erhi mẹ kọ mwavwa hwẹ vwẹ evun mẹ, ẹdẹ rẹ ukpokpogho gba vwẹ koko hwẹn.

Aizaya 49:4

Ẹkẹvuọvo Me da ta, Me wian kufia, Me ghwọrọ ogangan mẹ kufia ghevweghe, dede na uyota uyoyovwi mẹ rhe Ọrovwohwo, osa ẹhwa mẹ rhe Ọghẹnẹ mẹ.