Aizaya 52:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Yanran, yanran, yanran nẹ etiyin, wọ vwẹ obọ te emu ogbegbe-e; yan ne uherevie rọye, ru oma wẹn fon, ovwan ihwo re ghwa ekuakua rẹ Ọrovwohwo.

Aizaya 52:11 Referans Kwoze

2 Kọrẹnt 6:17

Fiki rẹ ọtiọye na gbe vrẹn nẹ ohri rẹ ayen, gba hẹriẹ oma nẹ ayen, eriyin Ọrovwohwo tare, Wọ vwẹ obọ te emu ogbegbe-e; ki mi dede ovwan reyọ

Aizaya 48:20

Yanran nẹ Babilọn, dje nẹ Kaldia, dje ọna phia vẹ aghọghọ, ghwoghwo, jọ yanran kpo oba re akpọ na; tanẹ, Ọrovwohwo na tan odibo rọye Jekọp nure!

Ẹfesọs 5:11

We vwo obọ vwẹ iruo ofefe re ruẹ vwẹ ebri na-a, ẹkẹvuọvo kpe rẹ ọyena we tue ayen phia.

Aizaya 1:16

Hworhẹ oma wẹn, ru oma wẹn fon; si uruemu ọbrabra wẹn nu oma sio ne obaro mẹ; siobọ nẹ umwemwu,

Livitikọs 10:3

Etiyin Mosis da ta kẹ Erọn nẹ, Ọnana obo rẹ Ọrovwohwo tare, Mi dje oma mẹ phia fuanfon vwẹ ohri rẹ ihwo ri si kẹrẹ ovwẹ, kugbe obaro rẹ ihwo ejobi a da vwẹ urinrin kẹ vwẹ. Erọn de fotovwi gbiẹi.

Ẹvwọphia 18:4

Etiyin mi de nyo urhuru ọfa ro nẹ odjuvwu rhe tanẹ, Vrẹn no rhe, ihwo mẹ, wo de rhe vwo obọ vwẹ imwemwu rọye, wọ da rha ghare vwẹ ọtiekọ rọye;

1 Pita 2:11

Imoni re me guọnọre, me rẹ ovwan kerẹ erhorha kugbe otu re hẹ imu re we sioma nẹ urhuru sivwe rẹ ugboma ro nene ẹnwẹn họnra na.

Ọbe ri Pọl si rhe Ihwo ri Rom 14:14

Me riẹnrẹ o ji mu vwe ẹro nẹ vwẹ oma rẹ Ọrovwohwo Jesu, o vwo emu ọvuọvo ro jẹfuọ-ọn; ẹkẹvuọvo kọ dia gbegbe kẹ wẹ ọ da dianẹ wo sere ogbegbe.

Iruo rẹ Iyinkọn na 10:28

Ọ da ta kẹ ayen, Ovwan riẹn kẹ oma rẹ ovwan jovwo nẹ oshehọ urhi rere ohwo ri Ju vwo kuoma kugbe eyẹrẹ o vwo wo ohwo rẹ ẹgborho ọfa-a; ẹkẹvuọvo Ọghẹnẹ da vwọ nẹ vwẹ nẹ mi se ohwo ọvuọvo ohwo ghevweghe-e eyẹ ogbegbe-e.

Iruo rẹ Iyinkọn na 10:14

Ẹkẹvuọvo Pita da ta, Ejọ, Ọrovwohwo; kidie me je re oghẹre eyẹ emu ogbegbe tiọna dẹvo-o.

Izikiẹl 44:23

Ayen ki yono ofẹnẹ rọ herọ kẹ obo re tete oma kẹ vẹ obo re vwo gbotọ, ke dje kẹ ayen ofẹnẹ rọ herọ ke obo re fonro kugbe obo ri gberi.

Jerimaya 51:45

We vrẹn nẹ uherevie rọye, ihwo mẹ! Dohwo darhọ rọye sivwi nẹ ophu ọgangan rẹ Ọrovwohwo na!

Jerimaya 51:6

Djẹ nẹ uherevie ri Babilọn, jẹn dohwo darhọ rọye sivwi! Wo je bru uwe kufia vwẹ ehwe rọye na-a, kidie ọnana ọke rẹ ihriẹriọ rẹ Ọrovwohwo, osa rọ hwa kẹ.

Jerimaya 50:8

Djẹ nẹ uherevie ri Babilọn, we nẹ otọ rẹ ihwo ri Kaldia na, re wa dia kerẹ ẹvwe rẹ eshare vwẹ obaro rẹ igegede na.

Livitikọs 11:47

rere e vwo dje ofẹnẹ rẹ obo ri jẹfuọn vẹ e re fonro kugbe re a vwọ riẹn eranvwe ra re vẹ e re jẹriọ.

1 Pita 2:5

Ekpuyovwi rẹ ovwan ke họhọ eragha ri jeghwo ra vwọ họn uwevwi rẹ erhi, uvwie rẹ irherẹn fuanfon, re gọ iye rẹ erhi rẹ Ọghẹnẹ miere vwẹ oma ri Jesu Kristi.

Livitikọs 11:45

Kidie Mẹvwẹ Ọrovwohwo rọ reyọ ovwan nẹ otọ rẹ Ijipt rhe, rọ dia Ọghẹnẹ rẹ ovwan; vwẹ ọtiọye na ovwan ke dia fuanfon kidie Me pha fuanfon.

Ẹyano 30:19

ọ rẹ Erọn vẹ emọ rọye vwọ hworhẹ abọ rayen vẹ awọ rayen.

Ukeri 8:6

Reyọ ihwo ri Livae nẹ uherevie rẹ ihwo rẹ Izrẹl rere wo ru ayen fon.

Ukeri 16:26

Ọ da ta kẹ ukoko na, We bi nẹ etiyin, me rẹ ovwan, nẹ ltughẹ rẹ ihwo umwemwu nana, wa vwẹ obọ te emu ọvuọvo ro dia ọraye-en, e de rhe hwerhe ovwan vẹ imwemwu rayen kufia.

Ukeri 19:11

Ohwo rọ vwẹ obọ te orivwi rẹ ohwo kohwo yo gbe ẹgua, ọ me dia etiyin ẹdẹ ighwrẹn;

Ukeri 19:16

Kohwo kohwo rọ hẹ otafe rọ vwẹ obọ te ohwo ra vwẹ ọlọkọ hwe, eyẹ orivwi, eyẹ ubeku re ohwo, eyẹ ushi, kọ dia vwi jẹfuọn ẹdẹ ighwrẹn.

Aizaya 66:20

Ayen ke cha reyọ imoni wẹn nẹ ẹgborho na ejobi rhe kerẹ ẹkpẹvwẹ kẹ Ọrovwohwo, vwe enu re iyesi, kugbe ekpẹrẹ rẹ ofovwi, vwẹ enu re eranvwe, kugbe enu ri lama, iyesi rẹ eshare, vwo kpo ugbenu ọfuanfon Mẹ Jerusalẹm, eriyin Ọrovwohwo tare, kirobo rẹ ihwo rẹ Izrẹl reyọ ẹkpẹvwẹ rẹ ọka phihọ orọvwọ phẹphẹ vwọ cha uwevwi rẹ Ọrovwohwo na.

Jerimaya 31:21

Ka eka phihọ idjerhe kẹ oma wẹn, ru obo ri sun we kẹ oma wẹn; nabọ roro idjerhe rode na, idjerhe wọ wan yaran na. Rhivwi, E ọmọtobẹ rẹ Izrẹl, rhivwi rhe irere wẹn nana.

Livitikọs 21:6

Ayen gba dia fuanfon vwọ kẹ Ọghẹnẹ rayen, re ayen vwo jẹ odẹ rẹ Ọghẹnẹ rayen emiovwo; kidie ayen ihwo re vwẹ erhanre ze izobo kẹ Ọrovwohwo, emuọre rẹ Ọghẹnẹ rayen vwẹ ọtiọye na kẹ ayen dia fuanfon.

1 Ikun rẹ Ivie 15:12

ọ da ta kẹ ayen, ovwan ilori rẹ iwevwi rẹ esẹ na ihwo ri Livae na; we ru oma rẹ ovwan fon, ovwan vẹ imoni rẹ ovwan re we mu ekpeti rẹ Ọrovwohwo rẹ Ọghẹnẹ rẹ Izrẹl na kpo asan re me rhuẹrẹ kẹ.

Zekaraya 2:10

So une wọ ghọghọ, E ọmọtẹ ri Zayọn; kidie gbe nighe, Me rhere Me rhe dia uherevie wẹn, Ọrovwohwo tare.

Zekaraya 2:11

Ẹgborho buebu che kuoma rayen gbe Ọrovwohwo vwẹ ẹdẹ yena, ke cha dia ihwo Mẹ; ke Me dia uherevie wẹn ko wọ riẹn nẹ Ọrovwohwo rẹ otuofovwi na re cha vwe ji uvwe bru uwe rhe.