Aizaya 51:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Kerhọn Mẹ, ovwan ihwo re riẹn ọvwata, ihwo re urhi Mẹ dia evun rayen, wa dje oshọ rẹ ẹghwọ rẹ ihwo rẹ akpọ-ọ, we jẹ ofu dje ovwan rẹ ayen da harhe owẹ-ẹ.

Aizaya 51:7 Referans Kwoze

Une rẹ Ejiro 37:31

Urhi rẹ Ọghẹnẹ rọye ọ hẹ evun rẹ udu rọye ichiyi rọye sa ghworiẹ-ẹ.

Matiu 5:11

Ebruba kẹ ovwan, vwẹ ọke rẹ ihwo da ghwọ ku ovwan, rẹ ayen de mu ovwan, rẹ ayen da ta ota ọbrabra kpahe ovwan fiki mẹ.

Izikiẹl 2:6

Wẹ rhe, ọmọ rẹ ohwo, wọ djẹ oshọ raye-en, eyẹ wọ djẹ oshọ rẹ eta raye-en, owenẹ ekpia vẹ odjigbẹ keke uwe wo de tidia phihọ enu rẹ akpakpasimagha; wọ djẹ oshọ rẹ eta raye-en, eyẹ ofu rẹ opharo rayen dje we-e, kidie uwevwi rẹ okpetu ayen ruẹ.

1 Pita 4:14

A da ghwọ ku ovwan fiki rẹ odẹ ri Kristi, yẹ e bruba kẹ ovwan, fikiridie erhi rẹ urinrin kugbe ọ rẹ Ọghẹnẹ vẹ ovwan herọ.

Aizaya 51:1

Kerhọn Mẹ, ovwan re vwọ tua esivwo ovwan re guọnọ Ọrovwohwo; gbe ni oragha re she we nurhe, kugbe ọgọdọ ra tọn wẹ nurhe.

1 Pita 4:4

Ko gbe ayen unu nẹ asakiephana ovwan gbi rhe nene ayen do edo yangha yangha na-a, kẹ ayen harha ovwan;

Filipae 3:8

Mrẹmrẹ mi kere ayen kirobo ri ghwruru fiki rẹ obo rọ rhonọ emu re me vwọ riẹn Kristi Jesu nẹ ọye hẹ Ọrovwovwe. Fiki rọye mi vwo ku emu na ejobi kufia, mi de ni ayen kerẹ isọn, rere mi se vwo Kristi

2 Kọrẹnt 3:3

ovwan dje phia nẹ ovwan hẹ ọbe ro nẹ obọ ri Kristi rhe rẹ avwanre vwọ kẹ ovwan, ra vwẹ amu si-i ẹkẹvuọvo vwẹ Erhi rẹ Ọghẹnẹ ro jeghwo na, ọ dia enu rẹ ọphapha rẹ oragha-a ẹkẹvuọvo vwẹ enu rẹ ophapha rẹ udu rẹ ihwo.

Iruo rẹ Iyinkọn na 5:41

Etiyin ayen de vrẹn nẹ ẹguare na, re ghọghọ fiki robo re vwo kere ayen phihọ ihwo re reoja rẹ ophọphọvwe fiki rẹ Odẹ na.

Jerimaya 1:17

Ẹkẹvuọvo wẹ, chobiẹ amwa wẹn vrẹn, re wọ ta emu kemu ri mi ji iji rọye kẹ wẹ. Wo jẹ ofu rẹ ayen dje we-e, me da rha vwẹ ofu dje we vwẹ obaro rayen.

Une rẹ Ejiro 40:8

Me vwo omavwerhe ru ọhọre wẹn, E Ọghẹnẹ mẹ; urhi wẹn ọ hẹ evun re udu mẹ

Hibru 10:16

Ọnana hẹ ọphọ re me vẹ ayen cha re rẹ ẹdẹ yena da wan nu Ọrovwohwo re tare; ki mi phi urhi mẹ phihọ udu rayen, ki mi sio phihọ iroro rayen,

Filipae 3:10

rere me vwọ riẹn vẹ ogangan rẹ evrẹnushi rọye, rere me je ghare ẹkẹn reyọ vwẹ oja rọye, re me vwọ họhọ vwẹ evun rẹ ughwu rọye,

Iyẹnrẹ Esiri ri Luk 6:22

Ebruba kẹ ovwan vwẹ ọke rẹ ihwo de tuoma rẹ ovwan, rẹ ayen da hẹriẹ ovwan nẹ oma re ayen da ghwọ ku ovwan, rẹ ayen de mu odẹ umwemwu kẹ ovwan, fiki rẹ Ọmọ rẹ ohwo!

Matiu 10:28

Ovwan djẹ oshọ rẹ ohwo ro se hwe ugboma-a, ẹkẹvuọvo wa djẹ oshọ rẹ ohwo rọ se hwe ẹnwẹn.

Aizaya 25:8

Ko mu ughwu rọ bẹdẹ, Ọrovwohwo rẹ Ọghẹnẹ kọ ririe oviẹ nẹ opharo rayen, ehwẹjẹ rẹ ihwo rọye ko sio nẹ akpọ na ejobi, kidie Ọrovwohwo tarọ nure.

Aizaya 33:22

Kidie Ọrovwohwo na oguẹdjọ re avwanre, Ọrovwohwo osun re avwanre, Ọrovwohwo na ovie re avwanre, o se sivwi avwanre

Aizaya 54:4

Wọ djẹ oshọ-ọ, kidie oma cha vo we-e; wo jẹ iroro wẹn tighẹ-ẹ, kidie wọ sa mrẹ omaẹvuọ-ọ, kidie omaẹvuọ rẹ ọke-emọ wẹn cha chọrọ owẹ ẹro ehwẹjẹ rẹ ayeuku wẹn wọ gbe sa karo phihọ-ọ.

Urhi Rivẹ 6:6

Eta nana ri mi jiji kẹ wẹ nonẹ na, Me dia evun rẹ udu wẹn;

Aizaya 37:6

Aizaya da ta kẹ ayen, Ta kẹ onini rẹ ovwan, Enẹ Ọrovwohwo tare Wọ djẹ oshọ vwi fiki rẹ eta nana ru wo nyori na-a, rẹ idibo rẹ ovie rẹ Asiria rhe vwọ bọphiẹ ovwẹ-e.