Aizaya 51:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Kerhọn Mẹ, ihwo Mẹ, rhie erhọn wẹ kẹ vwẹ, egborho mẹ, kidie urhi che nẹ obọ Mẹ rhe ọsoso Mẹ kọ dia urhukpẹ kẹ ihwo na.

Aizaya 51:4 Referans Kwoze

1 Pita 2:9

Ẹkẹvuọvo ovwan uvwiẹ ra jẹreyọ, uvwiẹ rẹ irherẹn, ẹgborho ọfuanfon, ihwo robọ rẹ Ọghẹnẹ, rere ovwan vwo se dje iruo rẹ igbunu rẹ ohwo ro se ovwan nẹ ebri rhe vwo kpo urhukpẹ rẹ igbunu rode na.

1 Kọrẹnt 9:21

Vwọ kẹ ihwo rẹ hẹ otọ rẹ urhi-i mi de ru oma mẹ kerẹ ohwo rọ hẹ otọ rẹ urhi-i, ọ dianẹ kẹ otọ rẹ urhi rẹ Ọghẹnẹ mi jẹ dia-a ẹkẹvuọvo otọ rẹ urhi ri Kristi– rere mi vwo ku ihwo ri jẹ otọ rẹ urhi ẹdia rhẹriẹ.

Aizaya 2:3

ihwo buebu ke cha rhe, ayen me ta: Yanrhe, e je kpọ ugbenu rẹ Ọrovwohwo na, kpo uwevwin rẹ Ọghẹnẹ ri Jekọp, rere o yono avwanre idjerhe rọye re avwanre nene ada rọye, kidie evun ri Zayọn ọye urhi che nurhe, ota rẹ Ọghẹnẹ ko nẹ Jerusalẹm rhe.

Aizaya 49:6

ọ da ta, Emu ọphapharhe rere wọ vwọ dia odibo mẹ ra vwọ kpare uvwiẹ ri Jekọp vrẹn kugbe rere a vwọ sẹro rẹ uchekotọ rẹ Izrẹl; Me vwẹ owẹ ru urhukpẹ kẹ ẹgborho na, rere esivwo Mẹ rhi vwo te oba rẹ akpọ na.

Aizaya 42:6

Mẹvwẹ Ọrovwohwo, vwẹ evun rẹ ọvwata mẹ mi de se we, Me yọnrọn owẹ obọ mẹ da sẹro wẹ, Me da vwẹ owẹ kerẹ ọphọ vwọ kẹ ihwo na, urhukpẹ vwọ kẹ ẹgborho na,

Maika 4:2

ẹgborho buebu ke cha rhe, ayen ke ta: Yanrhe, e je kpo obo ugbenu rẹ Ọrovwohwo na, kpo uwevwi rẹ Ọghẹnẹ ri Jekọp; rere o yono avwanre idjerhe rọye rere avwanre yan nene ada rọye. Kidie evun ri Zayọn ọye urhi che nurhe, ota rẹ Ọrovwohwo mi rhe nẹ Jerusalẹm rhe.

Une rẹ Ejiro 78:1

Kerhọn, E ihwo mẹ, vwọ ke uyono mẹ; rhie erhọn phihọ kẹ eta rẹ unu mẹ!

Iyẹnrẹ Esiri ri Luk 2:32

urhukpẹ rọ la kẹ ihwo ri keferi kugbe urinrin rẹ ihwo wẹn Izrẹl.

Aizaya 26:2

Rhie inurhoro na, rere orere rẹ ọvwata rọ yọnrọn urhi na vwọ ro uwevwi.

Isẹ 6:23

Kidie urhi na ọye urhukpẹ, eyono ke rha orẹmrẹ, eghwọkuo re vwo si ohwo orhọn ye kọye idjerhe rẹ arhọ,

Une rẹ Ejiro 147:20

O nene ẹgborho ọfa yeri ọtiọna dẹvo-o; ayen riẹn urhi rọye-e. Jiri Ọrovwohwo na.

Une rẹ Ejiro 106:5

rere me vwọ mrẹ erhuvwu re ihwo ru wọ jẹreyọ rere me ghọghọ vwe omavwerhe rẹ ẹgborho wẹn, rere me vẹ ireuku wẹn ghọghọ.

Une rẹ Ejiro 50:7

Nyo, E ihwo mẹ, me cha ta ota, E Izrẹl, Mi che se oseri hwe we. Mẹvwẹ Ọghẹnẹ, Mẹvwẹ Ọghẹnẹ wẹn.

Une rẹ Ejiro 33:12

Ebruba kẹ orere rẹ Ọghẹnẹ rọye dia Ọrovwohwo, ihwo rọ jẹreyọ nẹ e dia ireuku rọye!

Ẹyano 33:13

Asakiephana, me rẹ wẹ, ọ da dianẹ me mrẹ aroesiri wẹn, gbe dje idjerhe wẹn kẹ vwẹ rere me vwọ riẹn wẹ re me vwọ mrẹ aroesiri wẹn. Roro mrẹ tanẹ, ẹgborho nana ihwo wẹn.

Ẹyano 19:6

ku wọ cha dia uvie rẹ irherẹn kẹ vwẹ orho ọfuanfon. Enana keye eta ru wọ ta kẹ emọ rẹ Izrẹl na.

Urhi Rivẹ 18:18

Me cha vwẹ ọmraro rọ họhọ owẹ kẹ ayen nẹ uherevie rẹ imoni rayen rhe; ki mi che phi ota mẹ phihọ unu rọye, obo re Me ta kẹ ejobi kọye ọ cha ta.

Aizaya 1:27

Uyota kọye a vwọ tan Zayọn hirhe, ihwo re herọ ri kurhertiẹ, Ọvwata kọye avwọ ta ayen.

Aizaya 26:8

Vwẹ obẹnẹ rọ orhiebro wẹ E Ọrovwohwo, avwanre da hẹrhẹ owẹ; ekarọphihọ rẹ odẹ wẹn ọye ẹguọnọ rẹ erhi rẹ avwanre.

Aizaya 33:22

Kidie Ọrovwohwo na oguẹdjọ re avwanre, Ọrovwohwo osun re avwanre, Ọrovwohwo na ovie re avwanre, o se sivwi avwanre

Aizaya 42:21

Ivun vwerhe Ọrovwohwo fiki rẹ ọvwata rọye, ro ru urhi rọye rho ro nu urinrin.

Aizaya 55:3

Rhie erhọn wẹn, ri wo bru vwe rhe; nyo, re erhi wẹn vwọ rhọ; ke Me vẹ owẹ re ọphọ re rara, omamọ rẹ uvi rẹ ẹguọnọ ro jẹrhẹriẹ ri mi vwo kẹ Devid.

Aizaya 63:8

Kidie ọ tare, Uyota ihwo mẹ ayen ruẹ, emọ ri jẹ ogbarogba eruo, ke ọye rhe dia Osivwi rayen.