Aizaya 51:17 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁷ Jẹjẹ oma wẹn, Jẹjẹ oma wẹn, Vrẹn mudia, E Jerusalẹm, we rọ da evun vọn vwẹ obọ rẹ Ọrovwohwo uko re ophu rọye, rọ darọ da ekete udjokpo re egele na.

Aizaya 51:17 Referans Kwoze

Aizaya 52:1

Vrẹn, vrẹn, ku ogangan wẹn phihọ, E Zayọn, ku iwun iyoyovwi wẹn na phihọ, E Jerusalẹm, orere ọfuanfon na; kidie ayen gbe cha vwẹriẹ owẹ ọfa-a otu re upheruphe na kugbe ihwo igbegbe na .

Ẹvwọphia 14:10

kọ je da udi rẹ ophu rẹ Ọghẹnẹ, ra guare-e re ku phihọ uko rẹ ivuemiovwo rọye, kọ mrẹ odjadja rẹ erhanre kugbe ibiosio rẹ erhanre vwẹ irharo rẹ emakashe efuanfon na kugbe irharo rẹ Omogodẹ na.

1 Kọrẹnt 15:34

Nabọ vwẹ udu kpotọ, wo gbi ruẹ imwemwu ọfa-a. Kidie ẹvo vwọ erianriẹn rẹ Ọghẹnẹ na-a. Me ta ọnana rere oma vwọ vo ovwan.

Aizaya 51:9

Vrẹn vrẹn, ku ogangan wẹn phihọ, E igbabọ rẹ Ọrovwohwo; vrẹn, kerẹ ọke rẹ awanre, kerẹ orua ro kri otọ re. Ọ dia owẹ re nyavwe Rahab ibribro, wẹ ri duvwu dragọn fi wan?

Une rẹ Ejiro 60:3

Wẹ re nẹrhẹ ihwo wẹn re oja rẹ imu egangan; wẹ re kẹ avwanre udi da ro gele avwanre na.

ỌBE RẸ JOB 21:20

Jẹn ẹro rayen ọvo mrẹ ẹguọghọ rayen, jẹn ayen je da ophu rẹ Ọrovwoẹgba na.

Ẹvwọphia 18:6

Ru kẹ kirobo rẹ okpuyovwi rọye ru kẹ ihwo efa, hwa osa kpahe kẹ fiki robo ro ruru; uko rọ je vọn na jẹ ọtiọye ọhwọhwivẹ kẹ.

Ẹfesọs 5:14

Vwẹ ọtiọye na kọye ọ vwọ ta, We rọ vwerhẹ, rhọvwọ, ọ ro ghwuru, varhe, Kristi kọ kẹ wẹ orẹmrẹ.

Zekaraya 12:2

Nighere, mi muegbe mi vwo ru Jerusalẹm vwọ dia uko ro kpogho kẹ ihwo ejobi re yarierẹ phihọ; o ji mu kpahe Juda ro vwo se ogodogo riariẹ Jerusalẹm.

Une rẹ Ejiro 75:8

Kidie vwẹ obọ rẹ Ọrovwohwo uko herọ, ẹe udi ro gbe iphughẹ, ra nabo gua, ko che ku udi na no, ihwo imwemwu rẹ akpọ na ejobi ke cha da re duvwu ikiẹn

Une rẹ Ejiro 11:6

Osio rẹ ibieragha vẹ erhanre cha rhọ phihọ enu rẹ oruimwemwu; odju vẹ uvo rọ torhẹ re cha dia ẹkẹn ukọ rayen.

Ẹvwọphia 16:19

Orere rode na da bẹre ẹbẹre erha, irere rẹ ẹgborho na de ghwie she, Ọghẹnẹ da rhe karohọ Babilọn orere rode na, a da vwẹ uko rẹ ophu rọye kẹ da.

Jerimaya 25:27

Kẹsiẹye wọ ke ta kẹ ayen, Enẹ Ọrovwohwo rẹ otuofovwi na, Ọghẹnẹ rẹ Izrẹl tare, Wa da re idi mu ovwan we geri, we she we gbi vrẹn ofa-a, fiki rẹ ọlọkọ re me vwọ cha ọhri rẹ ovwan na.

Une rẹ Ejiro 75:10

Ighoro rẹ ohwo umwemwu ejobi ka nyavwe ayen kufia, ẹkẹvuọvo ighoro re ọvwata ka kparo kpenu.

Iguẹdjọ 5:12

Vrẹn, vrẹn Dẹbora! Vrẹn, vrẹn wo so ine Vrẹn, Barak, wo sun ighuvwu wẹn yanran E ọmọ rẹ Abinoam.

Urhi Rivẹ 28:34

ughe rẹ ẹro wẹn cha mrẹ cha nẹrhẹ owẹ mwa orhuẹ.

Urhi Rivẹ 28:28

Ọrovwohwo cha vwẹ orhuẹ vẹ aruerhuo kugbe ibeghe rẹ iroro teyọ ovwan;

Matiu 20:22

Ẹkẹvuọvo Jesu da kpahe ọ da ta kẹ nẹ, Wọ riẹn obo wọ nọre na-a. Ovwan sa da uko re me cha da na? Ayen da rhọvwe nẹ, ayen sa da.

Aizaya 29:9

Ru oma wẹn phihọ ẹkpa ru wọ dia mimi, rhu ẹro wẹn ru wo rhuẹro. Jẹn oma mu we, ẹkẹvuọvo ọ dia udi-i, gele, ẹkẹvuọvo ọ dia ọ rẹ udi ọganga-an.

Aizaya 51:21

Fiki rẹ ọtiọye na, gbe nyo ọnana, ovwan re he ukpokpogho rẹ udi muẹ, ẹkẹvuọvo ye wa da udi-i:

Aizaya 51:22

E nẹ Ọrovwohwo wẹn tare, Ọrovwohwo na, Ọghẹnẹ wẹn ro mie we unu vwo guẹ kẹ ihwo rọye: Nighere, Me reyọ udjokpo rẹ egele mie we obọ; udjokpo rẹ ophu Mẹ wọ gbe cha da ọfa-a,

Aizaya 63:6

Mi chiyi ihwo na muotọ vwẹ ophu Mẹ, Me da vwẹ udi hwe ayen vwẹ ophu Mẹ, Mi de ku ọbara rẹ arhọ rayen ku otọ.

Jerimaya 13:13

Ku wọ ta kẹ ayen, Enẹ Ọrovwohwo tare: Nighe, idi che muẹ ihwo rẹ otọ na ejobi, ivie ri tidia vwẹ ekete ri Devid, irherẹn, emraro, vẹ ihwo ri Jerusalẹm ejobi.

Jerimaya 25:18

Jerusalẹm vẹ irere ri Juda, ivie vẹ isun rọye, re e vwo ru ayen ofefe ra vwọ ghwọrọ ayen, ru ayen unuefiọn vẹ ekan, kirobọ rọ epha nọne na.

Jerimaya 44:6

Vwẹ ọtiọye na ophu mẹ vẹ ivuemiovwo mẹ ko hwe ku irere ri Juda vẹ irhuvwu ri Jerusalẹm kọ je la mu ayen, ayen ke rhe dia ẹghwọrọ vẹ ofefe, ọtiobo rọ epha nonẹ na.

Une rẹ Ejiro 60:5

Rere a vwọ mrasan sivwi ọ ro wọ guọnọre na, vwẹ obọrhe wẹn kẹ obọẹkparọ ru wo nyo avwanre!

Aizaya 40:2

Ta ota dẹndẹn kẹ Jerusalẹm, ru wo kperi kẹ tanẹ ofovwi rọye rere, nẹ a vwẹ orukuruku rọye ghovwo, nẹ ọ reyọ osa mie Ọrovwohwo ọhwọhwọ ivẹ fiki rẹ umwemwu rọye.