Aizaya 51:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Mi de phi ota mẹ phihọ unu wẹn, mi de si we nu vwẹ uhoho rẹ obọ mẹ, Me da riẹn idjuvwu na phihọ ma da ton uchivwo rẹ akpọ na phihọ, ta ke Zayọn nẹ, Ovwan ihwo Mẹ.

Aizaya 51:16 Referans Kwoze

Aizaya 59:21

Vwọ kẹ vwẹ, Ọnana ọphọ re Me, vẹ ayen rere, eriyin Ọrovwohwo tare: erhi Mẹ rọ hẹ enu wẹ, kugbe eta Mẹ ri mi phi họ unu wẹn, che se nẹ unu wẹ-ẹn, eyẹ unu rẹ emọ wẹ-ẹn, eyẹ vwo nẹ unu rẹ ivwrọmọ wẹ-ẹn, eriyin Ọrovwohwo tare, nẹ ọke nana yanran rhiri bẹdẹ.

Aizaya 49:2

O de ru unu Mẹ dandan kerẹ ọlọkọ, vwẹ evun rẹ uhoho re obọ rọye o de si vwe nu, o de ru vwe kerẹ ubigẹ ra phọnre, vwẹ evun rẹ ako rọye o de si vwe nu.

Iyẹnrẹ Esiri ri Jọn 17:8

kidie eta na re wọ vwọ kẹ vwẹ na me vwẹ ayen vwọ kẹ ayen, ayen da reyọ ayen da riẹn vwẹ ọ rẹ uyota nẹ obọ wẹn mi nurhe; ayen de segbuyota nẹ wọwẹ ri ji vwe rhe.

Urhi Rivẹ 18:18

Me cha vwẹ ọmraro rọ họhọ owẹ kẹ ayen nẹ uherevie rẹ imoni rayen rhe; ki mi che phi ota mẹ phihọ unu rọye, obo re Me ta kẹ ejobi kọye ọ cha ta.

Jerimaya 31:33

Ẹkẹvuọvo ọnana hẹ ọphọ re me vẹ uwevwi rẹ Izrẹl cha re, ọke yena da wan nu, eriyin Ọrovwohwo tare: Ki mi che phi urhi mẹ phihọ evun rayen, mi ji che siọ phihọ udu rayen; ke me dia Ọghẹnẹ rayen, ayen ke dia ihwo mẹ.

Aizaya 66:22

Kirobo rẹ odjuvwu ọkpokpọ kugbe akpọ ọkpokpọ ri mi che ru cha dia vwẹ obaro Mẹ, eriyin Ọrovwohwo tare; eriyin uvwiẹ wẹn kugbe odẹ wẹn cha dia.

Zekaraya 13:9

Ki mi che phi ẹkẹn rerha nana phihọ erhanre, re ruo fon kirobo re ru idọnọ fuan ye, ka davwe ayen kirobo ra davwe oro na. Ayen se odẹ Mẹ, ki mi nyo ke ayen. Ke Me ta nẹ, Ayen ihwo mẹ, Kẹ ayen ta nẹ, Ọrovwohwo na Ọghẹnẹ Mẹ.

Aizaya 50:4

Ọrovwohwo Ọghẹnẹ kẹ vwe ẹrenvwe rẹ ihwo re yonori, rere Me vwo riẹn obo ra sa vwẹ ota yọnrọn ohwo rẹ oma rhọ Irhiọkẹ kirhiọkẹ o vwo vrẹn, ọ rhọvwọ erhọn mẹ rọ vwo nyo kere ihwo re yonori

Aizaya 48:13

Obọ Mẹ Me vwọ tọn uchivwo rẹ otọ na, obọrhe Mẹ re riẹn idjuvwu na phihọ ọke Mi vwọ sa ayen ayen de mudia kugbe.

2 Pita 3:13

Ẹkẹvuọvo kirobo rẹ ive rọye epha avwanre hẹrhẹ idjuvwu ekpokpọ kugbe akpọ rẹ ọvwata cha dia.

Aizaya 65:17

Kidie gbe nighe, Me ma idjuvwu ọkpokpọ vẹ akpọ ọkpokpọ, ekuakua rẹ awanre na a gbe karophihọ aye-en eyẹ iroro gbe ra-a.

Hibru 8:10

Ọnana hẹ ọphọ re me vẹ uwevwi rẹ Izrẹl cha re vwẹ ọke rẹ ẹdẹ yena da wan nu, eriyin Ọrovwohwo tare; ki mi che phi urhi mẹ phihọ udu rayen, ke si ayen phihọ ubiudu rayen, ke me dia Ọghẹnẹ rayen, ayen ke dia ihwo mẹ.

Iyẹnrẹ Esiri ri Jọn 3:34

Kidie ohwo rẹ Ọghẹnẹ jiri ta ota rẹ Ọghẹnẹ, kidie Ọghẹnẹ vwanvwẹ Erhi na vwọ kẹ;

Aizaya 49:8

Enẹ Ọrovwohwo tare Vwe ọke re aroestri Me da jẹ wẹ reyọ, vwẹ ẹdẹ re esivwo Me da cha wẹ uko, Me sẹro wẹ Me da vwẹ owẹ ru kerẹ ọphọ vwọ kẹ ihwo na, re vwo rherhe otọ na vi, ra vwọ gharọ utetemute ughwẹ ra kua jovwo na,

Une rẹ Ejiro 92:13

A kọn ayen phihọ uwevwi rẹ Ọrovwohwo na ayen ra rhua vwẹ evun rẹ ọguan rẹ Ọghẹnẹ rẹ avwanre.

Urhi Rivẹ 33:27

Ọghẹnẹ ri bẹdẹ na ẹdia wẹn, abọ ri bẹdẹ na obotọ wẹn. Ọ da djẹ ọvweghrẹ nẹ obaro wẹn, ọ da ta, Ghwọrọ.

Ẹyano 33:22

ọke rẹ urinrin mẹ da wan vrẹn ki mi phi we phihọ unu rẹ oragha na, ke me vwẹ obọ mẹ rhurhu uwe bẹsiẹ re me vwọ wanvrẹn;

Ẹvwọphia 1:1

Ọbe rẹ ẹvwọphia ri Jesu Kristi, rẹ Ọghẹnẹ vwọ kẹ nẹ o vwọ phia kẹ odibo rọye vwọ kpahe obo re cha phia nanana; o de ji amakashe rọye bru Jọn odibo rọye ra rere o re dje imu na ejobi kẹ,

Zekaraya 8:8

ke Me reyọ ayen rhe vwọ dia uherevie ri Jerusalẹm ayen ke dia ihwo Mẹ ke Me je dia Ọghẹnẹ rayen, vwẹ uyota vẹ ọsoso.

Jerimaya 32:38

Ayen ke cha dia ihwo mẹ ke me cha dia Ọghẹnẹ rayen.

Aizaya 60:21

Ihwo wẹn ejobi ke cha dia evwata; ayen ki che vwo otọ na bẹdẹ, eyoro cha rẹ ekankọn Mẹ, iruo re abọ Mẹ, rere a mrasan vwe urinrin kẹ vwẹ.

Aizaya 45:18

Kidie enẹ Ọrovwohwo tare, rọ ma idjuvwu na (ọye Ọghẹnẹ) rọ mama otọ na rọ maro (ọye muro vi) ọ vwẹ ozighi ma-a, o marọ ra vwọ dia. Mẹvwẹ Ọrovwohwo na, o gbi vwo ọfa-a.

Une rẹ Ejiro 75:3

Ọke re akpọ na da gẹre ọchọn, vẹ ihwo re dia evun rọye ejobi, Mẹvwẹ ọye re kpọ ichivwo rọye viẹ

Aizaya 61:3

ra rhọvwe kẹ ihwo ri muomahọ vwi Zayọn– ra kẹ ayen ovwẹ vwẹ ẹdia rẹ iwurhie, evwri rẹ aghọghọ vwẹ ẹdia rẹ omaemuohọ, ukpo re ejiro vwẹ ẹdia rẹ erhi ro sherua, rere e vwo se ayen ehahe rẹ evwata, ekankọn rẹ Ọrovwohwo, rere e vwo jiro.

Ẹyano 4:15

Ku wọ cha ta ota kẹ, ki wo phi eta na phiyọ unu rọyen; ki mi nene unu wẹn dia kugbe unu rọyen, ki mi yono uwe obo rẹ wo ru.

Une rẹ Ejiro 91:4

kọ cha vwẹ udu rhurhu uwe, vwẹ otọ rẹ ibekpe rọye wọ de si oma nu, esegbuyota rọye ọye ekpọfia vẹ egbe.

Aizaya 57:19

Ufuoma, ufuoma, kẹ otu re kẹre kugbe otu ri sheri, eriyin Ọrovwohwo tare; ki Mi sivwo.

Jerimaya 1:9

Kẹsiẹye Ọrovwohwo ke riẹn obọ rọye rhe vwo te ugbunu mẹ; Ọrovwohwo ke ta kẹ vwẹ nẹ, nighe, mi phi ota mẹ phihọ ugbunu wẹn nure.

Jerimaya 24:7

Me kẹ ayen udu rẹ ayen vwọ riẹn nẹ mẹvwẹ Ọrovwohwo na; ayen cha dia ihwo mẹ ke me dia Ọghẹnẹ rayen, kidie ayen cha vwẹ udu rayen ejobi rhivwi bru uvwe rhe.