Aizaya 50:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Ono vwẹ usun rẹ ovwan na re dje oshọ rẹ Ọrovwohwo ro mu ọghọ kẹ urhuru rẹ idibo rọye, re yan vwẹ evun rẹ ebri ri vwo urhukpẹ-eẹ, dede na yẹ ayen vwẹ ẹro so odẹ rẹ Ọrovwohwo re vwẹ oma da Ọghẹnẹ rọye?

Aizaya 50:10 Referans Kwoze

Iyẹnrẹ Esiri ri Jọn 12:46

Me rhere kerẹ urhukpẹ vwẹ evun rẹ akpọ na, rere ohwo kohwo ro se vwe gbuyota vwo jẹ ebri ẹdia.

Iyẹnrẹ Esiri ri Jọn 8:12

Jesu da rhoma ta kẹ ayen, tanẹ, Mẹvwẹ hẹ urhukpe rẹ akpọ na; ohwo ro nene uvwe ọ gbe sa yan vwẹ evun rẹ ebrii, ẹkẹvuọvo ko vwo urhukpe rẹ arhọ.

Une rẹ Ejiro 23:4

Owenẹ me yan vrẹn iyara rẹ uhoho rẹ ughwu, Me djẹ oshọ rẹ emu umwemwu-u; kidie wọ vẹ ovwẹ herọ ọkpọ kugbe ugbọphogho wẹn sa vwẹ ufuoma kẹ vwẹ.

Hibru 5:9

re vwo ruo gba nu kọ rhe dia esiri rẹ esivwo ri bẹdẹ na vwọ kẹ ayen ejobi ri mu ọghọ kẹ.

Aizaya 9:2

Ihwo re yan vwẹ evun rẹ ebri jovwo rhe mrẹ urhukpẹ rode, ihwo re dia otọ rẹ ebri hwi, ayen urhukpẹ la mu.

Une rẹ Ejiro 25:14

Ugbeyan re Ọrovwohwo eye ihwo re djẹ oshọ rọye, kọ cha vwẹ ọphọ rọye phia kẹ ayen.

1 Pita 5:7

Vwẹ ẹnwan wẹn ejobi vwọ ya, kidie ọye re vwẹ ẹro te we.

Une rẹ Ejiro 42:11

Die oma vwọ rhọ wẹ, E ẹnwẹ mẹ, kugbe die oma vwọ vwranvwran owẹ vwẹ evun mẹ? Phiẹro phihọ Ọghẹnẹ, kidie me cha rhoma jiro, ọchuko mẹ kugbe Ọghẹnẹ mẹ

Une rẹ Ejiro 28:7

Ọrovwohwo ogangan mẹ kugbe ekpọfia mẹ; ọye udu mẹ vwẹ ẹro so, ọtiọye na ka cha vwẹ uko, udu mẹ ko ghọghọ, une mẹ kọye me vwọ kpẹvwẹ.

Malakae 3:16

Etiyin ayen otu re djẹ oshọ rẹ Ọrovwohwo na kẹ ta kẹ ohwohwo, Ọrovwohwo na da kerhọn o de nyo ayen, o de si ọbe rẹ ekarophihọ vwẹ obaro rọye kpahe ayen ihwo re djẹ ọshọ rẹ Ọrovwohwo na ri roro iroro rẹ odẹ rọye na.

Aizaya 53:11

kọ cha mrẹ omamọ rẹ uvwiẹ ẹchuẹ rẹ erhi rọye evun kọ vọn, vwẹ erianriẹn rọye ọye ọvwata mẹ na, odibo mẹ, vwo ru ihwo buebu phihọ ọvwata; ko mu oghwa rẹ orukuruku rayen.

Aizaya 50:4

Ọrovwohwo Ọghẹnẹ kẹ vwe ẹrenvwe rẹ ihwo re yonori, rere Me vwo riẹn obo ra sa vwẹ ota yọnrọn ohwo rẹ oma rhọ Irhiọkẹ kirhiọkẹ o vwo vrẹn, ọ rhọvwọ erhọn mẹ rọ vwo nyo kere ihwo re yonori

Une rẹ Ejiro 25:12

Ono he ohwo rọ dje oshọ rẹ Ọrovwohwo? ọye ọ che yono phihọ idjerhe rọye rọ jẹreyọ.

ỌBE RẸ JOB 29:3

rẹ urhukpẹ rọye vwo lo vwẹ enu rẹ uyovwi mẹ ye, re me da vwẹ urhukpẹ rọye wan ebri na vrẹn;

Une rẹ Ejiro 128:1

Ebruphihọ kẹ ohwo kohwo rọ djẹ oshọ rẹ Ọrovwohwo na, rọ yan phihọ idjerhe rọye!

Une rẹ Ejiro 111:10

Oshọẹdjẹ rẹ Ọrovwohwo ọye ẹsosuọ rẹ ẹghwanre; omamọ rẹ ẹruọ ọye rhe ihwo ri vwiro ru iruo. Ejiro rọye dia bẹdẹ!

Une rẹ Ejiro 62:8

Vwẹ ẹro suọ vwẹ ọke ejobi, E ihwo; ku udu wẹn ejobi phihọ otọ vwẹ obaro rọye; Ọghẹnẹ ọye odjahọ rẹ avwanre.

Une rẹ Ejiro 145:21

Unu mẹ kọ ta ota rẹ ejiro rẹ Ọrovwohwo, re jẹn uvwo ejobi bruba kẹ odẹ ọfuanfon rọye rhiri bẹdẹ bẹdẹ.

2 Ikun rẹ Ivie 20:20

Ayen de vrẹn vwẹ irhiọke ride ayen da yanran kpo aton ri Tekoa; rẹ ayen vwọ yanran re, Jehoshafat de mudia ọ da ta, Nyo vwe, Juda kugbe ihwo ri Jerusalẹm! Se Ọrovwohwo Ọghẹnẹ wẹn gbuyota, kọ vwẹ owọ wẹn muotọ; se emraro rọye gbuyota, ku wọ kparobọ.

Aizaya 42:1

Nighere, odibo mẹ, re me vwẹ obọ mẹ yọnre, ọ re me jereyọ, ọ re erhi mẹ guọnọre; Mi phi erhi mẹ phihọ oma, kọye che brorhiẹ rẹ ọsoso kẹ ẹgborho na.

Aghwoghwo 12:13

Oba rẹ ota na ejobi, re nyori na ọ na. Djẹ ọshọ rẹ Ọghẹnẹ, rere wọ yọnrọn irhi rọye; kidie ọnana ọye iruo ro te ohwo.

ỌBE RẸ JOB 13:15

Nighe, o che hwe vwe ghwu, mi gbi vwo iphiẹrohọ-ọ dede na mi mudia gu ẹkunu mẹ kẹ nyo.

2 Ikun rẹ Ivie 20:12

E Ọghẹnẹ re avwanre, wo rhe brorhiẹ hwe aye-en? Kidie avwanre vwo ogangan ro te urogho rode nana re kpare ohọnre bru avwanre cha na-a. Avwanre riẹn obo rẹ avwanre ru-u, ẹkẹvuọvo ẹro rẹ avwanre ri ni we.

1 Ikun rẹ Ivie 5:20

Ayen rhe vwọ mrẹ ọchuko kpahe ivwighrẹ rayen, emọ rẹ Hag kugbe ihwo re vẹ ayen gba hẹ obọ ejobi e de phi ayen phihọ ayen obọ, kidie ayen kperi se Ọghẹnẹ vwẹ ọke ofovwi na, o de nyo orẹ rayen fikiridie ayen vwẹ ẹro vwọ suọ.

1 Samuẹl 30:6

Oma da ghwọrọ Devid gangan; kidie ihwo na ayen che phio, fikiridie ivun re ghwie ihwo vwẹ udu rayen, ohwo ọvuọvo fiki rẹ emọ rọ rẹ eshare vẹ emetẹ. Ẹkẹvuọvo fiki rẹ Ọrovwohwo Ọghẹnẹ rọye udu rẹ Devid da gan.

Aizaya 59:9

Fiki rẹ ọtiọye na ọsoso vwo sheri kẹ avwanre, ọvwata rha sa djẹ mu avwanre-e, avwanre rhẹro rẹ urhukpẹ, nighere, kẹ ebri a mrẹre, elo, ẹkẹvuọvo kẹ egho avwanre da yan.

Uvwerhe 3:2

Ọ djẹ vwẹ ọ da reyọ ovwẹ phihọ evun rẹ ebri ro jẹ orẹmrẹ evwọ;

Ẹfesọs 5:8

Kidie ebri ovwan epha jovwo, ẹkẹvuọvo vwẹ asakiephana ovwan kẹ urhukpẹ vwẹ evun rẹ Ọrovwohwo; wa gba yan kerẹ emọ rẹ Urhukpe.

Aizaya 10:20

Vwẹ ẹdẹ yena umuku ri chekọ vwẹ Izrẹl kugbe iri ghwu chekọ vwẹ uwevwi ri Jekọp gbe cha vwẹ oma rere ohwo rọ ghwiẹ ayen na-a, ẹkẹvuọvo kẹ ayen vwẹ oma rẹrẹ Ọrovwohwo, Ọfuanfon Ọvuọvo re Izrẹl na, vwẹ ọ re uyota.

Aizaya 12:2

Nighere, Ọghẹnẹ esivwo mẹ; ọye me vwẹ ẹro so, oshọ gbi mu vwe-e; kidie Ọrovwohwo Ọghẹnẹ ọye ogangan mẹ kugbe une mẹ, ọ rha rhoma hirhe esivwo mẹ re.

Aizaya 26:9

Urhuru wẹn re si ẹnwẹn mẹ vwẹ ason, ẹnwẹn mẹ nabọ vwẹ oma kpotọ guọnọ owẹ Kidie ọke rẹ ọrhiebro da hẹ evun rẹ akpọ na re, ihwo rẹ akpọ na ki yono ọvwata.

Daniẹl 3:28

Nẹbukadreza da ta, Ebruba kẹ Ọghẹnẹ ri Shadrak, Mẹshak vẹ Abẹdnigo, rọ ji amakashe rhe rhi sivwi idibo rọye, re vwẹ ẹro suọ ayen da jẹ ota rẹ ovie fia, ayen phi oma rayen phihọ otọ ra ga eghẹnẹ efa-a jọkpa rẹ Ọghẹnẹ rayen ọvo.

Zẹfanaya 3:12

Kidie ki mi che ji ihwo evo vwẹ uherevie rẹ ovwan ihwo dẹndẹn re vwẹ oma kpotọ. Ayen ke cha djẹ sioma nu vwẹ ọde rẹ Ọrovwohwo na,

Hegae 1:12

Etiyin Zerubabẹl rẹ ọmọ ri Sealtiẹl, kugbe Joshua rẹ ọmọ ri Jehozadak, rẹ orherẹn na, vẹ umuku rẹ ihwo ri chekọ na ejobi, de mu ọghọ kẹ urhuru rẹ Ọrovwohwo Ọghẹnẹ rayen, kugbe eta ri Hegae rẹ ọmraro na, kirobo rẹ Ọrovwohwo Ọghẹnẹ rayen jiro, oshọ rẹ Ọrovwohwo na de mu ihwo na.

2 Samuẹl 22:29

E wẹ hẹ urhukpẹ mẹ E Ọrovwohwo, kugbe Ọghẹnẹ mẹ, phi orẹmrẹ phihọ ebri mẹ.

Aizaya 8:17

Me hẹrhẹ Ọrovwohwo, ro si opharo rọye nu kẹ uwevwi ri Jekọp, ki mi phi ẹro phihọ.

Nahum 1:7

Ọrovwohwo na yoma, asan odjahọ vwẹ ẹdẹ rẹ ukpokpogho; ọ riẹn ihwo re djẹ sioma nu vwẹ evun rọye.