Aizaya 5:27 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁷ Oma cha ghwọrọ ọvuọvo-o ọvuọvo che she-e, ọvuọvo che go ovwerhẹ-ẹ eyeẹ gba vwerhẹ-ẹ amwa rẹ ehun cha ba-a, ufi re isabato che vwrẹ-ẹ,

Aizaya 5:27 Referans Kwoze

ỌBE RẸ JOB 12:18

Ọ rhan ufi rẹ ivie na, o mi rhe churu ukpaghwa si ayen ehu.

ỌBE RẸ JOB 12:21

O ku omẹvuọ kuẹ emọ re ivie, ọ me rhan umuehu rẹ ọgba na.

Daniẹl 5:6

Etiyin oma rẹ ovie na da rhẹriẹ, iroro rọye da dje oshọ muo; abọ vẹ awọ rọye ke ghwrọghrọ, Igbo rọye ki gbe luelue.

Aizaya 45:5

Mẹvwẹ Ọrovwohwo na, ọfa gbe herọ-ọ, Ọghẹnẹ ọfa rọ ba vwẹ gbe herọ-ọ; Me vwẹ amwa rhuo we, dede na wọ riẹn vwẹ-ẹ,

Aizaya 45:1

Enẹ Ọrovwohwo tare kẹ ọmọ rọye rọ vwẹ evwri ghworo na Sairọs, re me yọnrọn obọrhe rọye na, re mi phi irere na kua kẹ na re Me ban ivie phihọ keẹ, re mi rhie ẹchẹ phihọ hẹrhẹ rere e je ẹchẹ yena ehuho,

Aizaya 11:5

Ọvwata kọye cha dia umuamwa ro vwo mu ehun, esegbuyota kọye dia umuamwa ro vwo fiẹbe,

Une rẹ Ejiro 93:1

Ọrovwohwo na ria uvie; ọ vwẹ ọrho rhuo oma riariẹ, Ọrovwohwo na rhuori, ọ vwe ogangan chobiẹ. E, akpọ na ọ tọnrọ phihọ, o gbi che ghwie ọfa-a,

Une rẹ Ejiro 18:32

Ọghẹnẹ rọ vwẹ ogangan rhuo vwe, ro ru idjerhe mẹ fuefu

1 Ivie 2:5

Ọ rọmarho wọ je riẹn obo ri Joab ọmọ ri Zẹruya ru vwe, obo ro ru kẹ inotu rẹ ofovwi rẹ Izrẹl ivẹ, Abna rẹ ọmọ ri Nar, kugbe Amasa rẹ ọmọ ri Jẹtẹr, ro hweri, obo rọ reihri vwẹ ọke rẹ ufuoma ọbara rẹ ihwo re hweri vwẹ ofovwi, ọ da vwe ọbara rẹ eku te umuehu mẹ, kugbe lsabato ri mi ku phihọ awọ.

Urhi Rivẹ 32:25

Vwẹ uphephẹ kẹ ọlọkọ nyavwe ayen oshọẹdjẹ kọ dia ivun na, rọ guọghọ imighele rẹ eshare vẹ ọmọtobẹ, te ọmọ ri viẹ evie kugbe ọmare.

Matiu 3:4

Jọn ku ewun rẹ ophiẹn ri kamẹl phihọ, ọ da vwẹ umuamwa rẹ ophiẹn mu ehu; ọ da re ebaka kugbe enyọn re djoma.

Isẹ 3:23

Ko wọ sa yan idjerhe wẹn ejobi vwẹ egbemọphẹ wọ gbe sa kprọ owọ wẹ-ẹn.