Aizaya 49:21 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²¹ Ọke yena ko wọ ta vwẹ udu wẹn Konọ vwiẹ enana kẹ vwẹ? Ihwo Mẹ ghwuru Me ke rha dia ẹga, e mu ayen ighuvwu a dje ayen kufia, ẹkẹvuọvo kono rha rhoma vwiẹ enana? Nighe, Mẹvwẹ obo ri chekọ, ki tivo enana rhe nurhe?

Aizaya 49:21 Referans Kwoze

Galesha 3:29

O da dianẹ ovwan ọ ri Kristi, yẹ ovwan kẹ uvwiẹ rẹ Ebraham ọreuku kirobo rẹ ive epha.

Ọbe ri Pọl si rhe Ihwo ri Rom 11:24

A da vwẹ owẹ re si nẹ urhe ọfa toto rhe na vwọ tamu uvi rẹ ọliv na, komavọ ọphẹre te ra vwọ vwẹ ekpuyovwi rẹ eghọn rẹ ọliv dẹn na vwọ tamuo.

Aizaya 64:10

Irere efuanfon wẹn na rhe rhoma hirhe phihọ aghwa, Zayọn rhi hirhe phihọ aghwa, Jerusalẹm rhe kua fiotọ.

Aizaya 62:4

E gbi se we ọfa nẹ Ọ rasere-e, otọ wẹn e gbi se ọfa nẹ Ọ ra kuanu-u, ẹkẹvuọvo ke se we nẹ Ojevwe Me hẹ evun rọye, otọ wẹn kẹ Orọvwe, kidie ivun wẹn vwerhe Ọrovwohwo, otọ wẹn ka rọvwọ.

Aizaya 60:15

Kirobo ra sen wẹ re tuoma wẹ jovwo na, re ohwo ọvuọvo wan wẹ vrẹn jovwo-o na, ki Mi ru we rhuarho bẹdẹ, aghọghọ nẹ oge re te oge.

Aizaya 52:2

Phorho iwurhie nẹ oma wẹn, vrẹn; E oghuvwu Jerusalẹm; rhan ọghrọrọ nẹ ohọre wẹn, E oghuvwu ọmọtẹ ri Zayọn.

Aizaya 5:13

Fiki rẹ ọtiọye na ihwo mẹ vwo kpo ijọpha fiki rẹ ughẹghẹn rayen, ihwo ri vwo ọghọ vwẹ usun rayen owẹvwe ro hwe ayen ghwẹ, ibuebu rayen yamu fiki rẹ urhuru rẹ ame.

Aizaya 3:26

Inurhoro rọye ke cha viẹ ki muomahọ, a da ghwọrọ nure kọ broma phihọ otọ.

Aizaya 1:8

Ọmọtẹ ri Zayọn kọye ri chekọ kerẹ utughẹ vwe evun rẹ udju ri vain, kerẹ ohẹrhẹ vwẹ udju rẹ oyaọ, kere orere rọ hẹ imu

Iyẹnrẹ Esiri ri Luk 21:24

Ka vwẹ ọlọkọ nyavwe ayen she, ke mu ayen ighuvwn vwẹ ohri rẹ ẹgborho na; Keferi ki chiyi Jerusalẹm muotọ, bẹsiẹ rẹ ọke ri Keferi cha vwọ gba.

Aizaya 27:10

Kidie orere ra gba ogba phihọ ro hirhe phihọ ofefe, orere ra kuanu ra senre, kerẹ aghwa; etiyin upene rẹ erhuẹn da ria odi, etiyin o sherhẹ phihọ rọ da savwan abọ rọye ria.

Aizaya 29:23

Kidie ọke rọ vwọ mrẹ emọ rọye, iruo re obọ mẹ, vwẹ uherevie rọye, kẹ ayen ru odẹ mẹ fon; ke ayen ru Ọfuanfon Ọvuọvo ri Jekọp na fon, ke ayen mudia vẹ udidi vwẹ obaro rẹ Ọghẹnẹ rẹ Izrẹl na.

Aizaya 60:8

Ena amono re rhan kerẹ ikoro na, kerẹ inekuku re rhan kpo evakpo rayen na?