Aizaya 49:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ So ine rẹ aghọghọ, E idjuvwu, kparọ kpenu, E akpọ kperi phia, E igbenu na, re wa so ine! kidie Ọrovwohwo bru ihwo rọye uche, kọ re ehrọre rẹ otu re he ukpokpogho.

Aizaya 49:13 Referans Kwoze

Aizaya 44:23

So ine, E idjuvwu, kidie Ọrovwohwo ruro nure; kperi, E ovwan ikokodo rẹ akpọ na, van so ine, E igbenu na, E egbo, kugbe urhe kurhe rọ herọ! Kidie Ọrovwohwo tan Jekọp nure, ka vwẹ urinrin kẹ vwẹ Izrẹl.

Aizaya 51:3

Kidie Ọrovwohwo se bru Zayọn uche, ko bru asan ra ghwọre ejobi na uche, ko ru aghwa rọye kerẹ Idẹn, aghọghọ vẹ omavwerhe keye a mrẹ vwọ, ẹkpẹvwẹ kugbe urhuru rẹ ine.

Aizaya 52:9

We koko va so ine, ovwan asan ifefe ri Jerusalẹm, kidie Ọrovwohwo bru ihwo rọye uche, ọ tan Jerusalẹm hirhe.

Aizaya 55:12

Kidie kọ yan phia vẹ aghọghọ, ke suo phia vwẹ ufuoma, te ugbenu ride vẹ itete ke ka obaro kẹ weẹ vẹ ine ẹsuọ irhe rẹ aghwa na ke cha fabọ rayen.

Aizaya 12:1

Wọ cha ta vwẹ ẹdẹ yena. Me sa kpẹvwẹ owẹ, E Ọrovwohwo, owenẹ ivun mẹ miovwo uwe dede, ophu wẹn na bi wan re, we ọvo na rhoma bru vwe uche.

2 Kọrẹnt 7:6

Ẹkẹvuọvo Ọghẹnẹ, ro brẹ otu re chiyi muotọ uche, ọ da vwẹ ẹcha ri Taitọs bru avwanre uche,

Iyẹnrẹ Esiri ri Luk 15:10

Ọtiọye ọ epha, me ta kẹ ovwan nẹ, aghọghọ herọ vwẹ obaro rẹ emakashe rẹ Ọghẹnẹ vwẹ enu rẹ oruimwemwu ọvo ro kurhẹriẹ.

Jerimaya 31:13

Kẹsiẹye emete na ke cha ghọghọ vwẹ ehegbe, oma je cha vwerhe imighene re eshare vẹ ekpako na. Me rhẹriẹ uvweri rayen phihọ aghọghọ, me sasa ayen oma, ukpe rẹ uvweri ke me kẹ ayen omavwerhovwẹ.

1 Ikun rẹ Ivie 16:31

Jẹn idjuvwu ghọghọ, rere oma vwerhe akpọ, jẹn ayen ta vwẹ ohri rẹ ẹgborho na, Ọrovwohwo re uvie.

Une rẹ Ejiro 69:34

Jẹn odjuvwu vẹ akpọ jirọ, te abadi kugbe obo re yan vwẹ evun rọye ejobi.

Une rẹ Ejiro 71:21

Wọwẹ ri ru ọghọ mẹ buphihọ, wọ rhoma rhi bru vwe uche.

Une rẹ Ejiro 148:9

Igbenu ride vẹ itete, irhe re mọ emamọ vẹ igedu ejobi!

Aizaya 14:1

Ọrovwohwo ko ni ehrọre ri Jekọp kọ rhoma jẹn Izrẹl reyọ, kọ rhoma vwẹ ayen kpo otọ rẹ obọ rayen, erhorha ki kuomagbe ayen, kẹ ayen churu oma mu uwevwi ri Jekọp.

Aizaya 48:20

Yanran nẹ Babilọn, dje nẹ Kaldia, dje ọna phia vẹ aghọghọ, ghwoghwo, jọ yanran kpo oba re akpọ na; tanẹ, Ọrovwohwo na tan odibo rọye Jekọp nure!

Aizaya 49:14

Ẹkẹvuọvo Zayọn da ta, Ọrovwohwo sen vwẹ, Ọrovwovwe gbe karohọ ovwẹ-ẹ.

Aizaya 51:12

Mẹvwẹ, Mẹvwẹ he ohwo ro bru we uche, ono owẹ rọ djẹ oshọ rẹ ohwo rẹ akpọ ro ghwẹ, re ọmọ re ohwo ra mare kerẹ odi ghevweghe,

Aizaya 54:7

Kidie ọmọke krẹ Me vwọ sen wẹ, ẹkẹvuọvo vwẹ ehrọre rode Me vwọ ghwẹ wẹ koko.

Aizaya 54:8

Vwẹ ophu mẹ rọ mwavwa hwẹ vwẹ ọmọke Mi de si opharo nu kẹ wẹ, ẹkẹvuọvo vwẹ ẹguọnọ ri bẹdẹ ke Me re ehrọre wẹ, eriyin Ọrovwohwo tare, Ọtan wẹn.

Jerimaya 51:48

Kẹsiẹye idjuvwu vẹ akpọ, vẹ obo re hẹ evun rayen ejobi, ke so une rẹ aghogho phihọ uyovwi ri Babilọn, kidie ẹghwọrọ che nẹ obọrhe ọnre cha vwo suọ, etiyin Ọrovwohwo tare.

Izikiẹl 35:14

E nẹ Ọrovwohwo Ọghẹnẹ tare, rọ vwo dia aghọghọ kẹ akpọ na ọye me vwọ kua wẹ fiotọ na.

Une rẹ Ejiro 65:13

Aton na ejobi vwẹ igegede rhuẹrẹ oma, iyara na ejobi vwẹ eka rhuẹrẹ oma, ayen kperẹ ayen koko so ine rẹ aghọghọ.

Une rẹ Ejiro 89:13

Wọwẹ ri vwẹ ugbobọ re ẹgba, obọ wẹn ganre, obọrhe wẹn kpenu gangan.