Aizaya 48:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Fiki rẹ odẹ mẹ ke Me nyẹ ophu mẹ, fiki re ejiro rẹ odẹ Mẹ Me vwọ daji kẹ wẹ, rere Mi vwo ju we ẹnyavwọ kuefia.

Aizaya 48:9 Referans Kwoze

Aizaya 37:35

Kidie mẹvwẹ ọvo re cha chochọ rẹ orere na vwo sivwo, fiki rẹ odẹ mẹ kugbe fiki re odibo mẹ Devid.

Une rẹ Ejiro 143:11

Fiki re odẹ wẹn, E Ọrovwohwo, sẹro rẹ arhọ mẹ! Vwe evun re ọvwata wẹn reyọ nẹ evun rẹ ukpokpogho!

Une rẹ Ejiro 106:8

Dede na o ji sivwi ayen fiki rẹ odẹ rọye, rere ọ mrasan vwẹ ẹgba rọye rode na phia.

Une rẹ Ejiro 79:9

Cha avwanre uko, E Ọghẹnẹ re esivwo rẹ avwanre, fiki re urinrin rẹ odẹ wẹn, sivwi avwanre, vwẹ imwemwu rẹ avwanre ghovwo avwanre, fiki rẹ odẹ wẹn!

Une rẹ Ejiro 78:38

Dede na, rọ vwọ dia ọgba rẹ ehrọre na, o da vwẹ orukuruku rayen vwo rhovwe ayen, ọ gbe ghwọrọ aye-en, ọ da da ophu rọye ji ọke ejobi, o rhe jẹ ivuemiovwo rọye kparọ-ọ.

Izikiẹl 20:44

Ku wọ riẹn nẹ mẹvwẹ Ọrovwohwo na, ri mi de nene uwe yeri fiki rẹ odẹ mẹ, ọ dianẹ fiki rẹ idjerhe omiomiovwi wẹ-ẹn, eyẹ kere uruemu ọbrabra wẹ-ẹn, E uwevwi rẹ Izrẹl, eriyin Ọrovwohwo Ọghẹnẹ tare.

Izikiẹl 20:22

Ẹkẹvuọvo me da da obọ mẹ ji, mi de ru fiki rẹ odẹ mẹ, rere e vwo je ẹgua egbe vwẹ obaro rẹ ẹgborho na, re me dia irharo rẹ ayen da reyọ ayen rhe na.

Izikiẹl 20:14

Ẹkẹvuọvo mi ruro vwi fiki rẹ odẹ mẹ, rere e vwo je gbe ẹgua vwẹ obaro rẹ ẹgborho na, re me dia irharo rẹ ayen de si ayen nu na

Jerimaya 14:7

Owenẹ imwemwu re avwanre se oseri hwe avwanre dede, ru emu ọvo fiki rẹ odẹ wẹn E Ọrovwohwo; kidie esiohuko rẹ avwanre buru gangan, avwanre ru umwemwu kpahe owẹ.

Aizaya 48:11

Fiki rẹ odẹ Mẹ, fiki rẹ odẹ mẹ, Mi ruo. kidie e vwo gbe odẹ mẹ ẹgua? Urinrin mẹ Me sa vwọ kẹ ohwo ọfa-a.

Aizaya 43:25

Mẹvwẹ, Mẹvwẹ Ọye ri vwi fiki mẹ phoro orukuruku wẹ nu, Me gbe karohọ imwemwu wẹ-ẹ.

Aizaya 30:18

Fiki rẹ ọtiọye na Ọrovwohwo vwọ hẹrhẹ rọ vwọ ni arodọvwẹ wẹ kọye ọ da vwẹ oma rọye kpenu ro vwo dje aruẹdọn rọye kẹ wẹ. Kidie Ọrovwohwo ọye Ọghẹnẹ rẹ ọsoso ebruba kẹ ayen ihwo re hẹrhereẹ.

Une rẹ Ejiro 25:11

Fiki re odẹ wẹn na, E Ọrovwohwo, vwẹ abe mẹ ghovwo uvwe, kidie ọ rhoro gangan.

1 Samuẹl 12:22

Kidie Ọrovwohwo cha sa djẹ ihwo rọye kufia-a, fiki rẹ odẹ rọye rode, fikiridie o je Ọrovwohwo rọ vwọ vwẹ ovwan ru ihwo kẹ oma rọye.

Izikiẹl 20:9

Ẹkẹvuọvo mi ruro fiki rẹ odẹ mẹ, rere ayen vwo jẹ ẹphọphọ vwẹ obaro rẹ ẹgborho na rẹ ayen dia ohri rẹ ayen na. Me da vwẹ oma mẹ kẹ ayen riẹn vwẹ obaro rẹ ayen re me vwọ reyọ ayen nẹ otọ rẹ Ijipt rhe.

Isẹ 19:11

Ohwo ro vwo ọhọ fobọ muẹ ophu-u, je vwẹ ọrho rode kẹ ro de kuaro fia kẹ oruchọ.

Joshua 7:9

Ihwo ri Kenan vẹ ihwo re dia otọ na ejobi ki che nyo, ke cha gba riariẹ avwanre, ki che phoro odẹ rẹ avwanre nẹ akpọ na; kidie wo ru fiki rẹ odẹ wẹn rode na?

Aizaya 65:8

Enẹ Ọrovwohwo tare: Kirobo ra mrẹ wain vwẹ eduru na, re ayen da tanẹ, Wọ ghwọrọ-ọ na, kidie erhovwo herọ, ọtiọye Mi ru fiki rẹ idibo Mẹ, Me rha ghwọrọ ayen ejobi-i.

Izikiẹl 36:21

Ẹkẹvuọvo odẹ ọfuanfon mẹ re davwẹ oja, ọ rẹ uwevwi rẹ Izrẹl nẹrhẹ e gbe ẹgua vwẹ ohri rẹ ẹgborho rẹ ayen ra re na.