Aizaya 48:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Fiki rẹ odẹ Mẹ, fiki rẹ odẹ mẹ, Mi ruo. kidie e vwo gbe odẹ mẹ ẹgua? Urinrin mẹ Me sa vwọ kẹ ohwo ọfa-a.

Aizaya 48:11 Referans Kwoze

Aizaya 42:8

Mẹvwẹ Ọrovwohwo, ọye odẹ mẹ; urinrin mẹ me sa vwọ kẹ ohwo ọfa-a, eye ejiro me vwọ kẹ ema ra mare-e.

Izikiẹl 20:9

Ẹkẹvuọvo mi ruro fiki rẹ odẹ mẹ, rere ayen vwo jẹ ẹphọphọ vwẹ obaro rẹ ẹgborho na rẹ ayen dia ohri rẹ ayen na. Me da vwẹ oma mẹ kẹ ayen riẹn vwẹ obaro rẹ ayen re me vwọ reyọ ayen nẹ otọ rẹ Ijipt rhe.

Izikiẹl 20:14

Ẹkẹvuọvo mi ruro vwi fiki rẹ odẹ mẹ, rere e vwo je gbe ẹgua vwẹ obaro rẹ ẹgborho na, re me dia irharo rẹ ayen de si ayen nu na

Aizaya 37:35

Kidie mẹvwẹ ọvo re cha chochọ rẹ orere na vwo sivwo, fiki rẹ odẹ mẹ kugbe fiki re odibo mẹ Devid.

Izikiẹl 20:22

Ẹkẹvuọvo me da da obọ mẹ ji, mi de ru fiki rẹ odẹ mẹ, rere e vwo je ẹgua egbe vwẹ obaro rẹ ẹgborho na, re me dia irharo rẹ ayen da reyọ ayen rhe na.

1 Samuẹl 12:22

Kidie Ọrovwohwo cha sa djẹ ihwo rọye kufia-a, fiki rẹ odẹ rọye rode, fikiridie o je Ọrovwohwo rọ vwọ vwẹ ovwan ru ihwo kẹ oma rọye.

Aizaya 43:25

Mẹvwẹ, Mẹvwẹ Ọye ri vwi fiki mẹ phoro orukuruku wẹ nu, Me gbe karohọ imwemwu wẹ-ẹ.

Jerimaya 14:7

Owenẹ imwemwu re avwanre se oseri hwe avwanre dede, ru emu ọvo fiki rẹ odẹ wẹn E Ọrovwohwo; kidie esiohuko rẹ avwanre buru gangan, avwanre ru umwemwu kpahe owẹ.

Izikiẹl 20:44

Ku wọ riẹn nẹ mẹvwẹ Ọrovwohwo na, ri mi de nene uwe yeri fiki rẹ odẹ mẹ, ọ dianẹ fiki rẹ idjerhe omiomiovwi wẹ-ẹn, eyẹ kere uruemu ọbrabra wẹ-ẹn, E uwevwi rẹ Izrẹl, eriyin Ọrovwohwo Ọghẹnẹ tare.

Izikiẹl 20:39

Vwọ kẹ wẹ, E uwevwi rẹ Izrẹl, Enẹ Ọrovwohwo Ọghẹnẹ tare: Yanran re ohwo ọvuọvo ra gọ ẹdjọ rọye, asakiephana vẹ ọke rọ cha, ọ da dianẹ ovwan rha kerhọn mẹ-ẹ, ẹkẹvuọvo odẹ ọfuanfon mẹ na ovwan gbe vwẹ ekẹ wẹn kugbe ẹdjọ wẹn vwọ miovwo-o.

Ọbe ri Pọl si rhe Ihwo ri Rom 2:24

Kidie, kirobo re siro, otu ri Keferi na phọphọ odẹ rẹ Ọghẹnẹ fiki rẹ ovwan.

Iyẹnrẹ Esiri ri Jọn 5:23

rere ayen ejobi vwo mu ọghọ kẹ Ọmọ na, kirobo rẹ ayen ji mu ọghọ kẹ Ọsẹ na. Ohwo ro rhe mu ọghọ kẹ Ọmọ na-a yo ji mu ọghọ kẹ Ọsẹ na ro jiro rhe-e.

Aizaya 52:5

Asakiephana kidie Mi vwo vwẹ etinẹ, eriyin Ọrovwohwo tare, re di vwo mu ihwo Mẹ yanran ghevweghe? Isun rayen re beroma, eriyin Ọrovwohwo tare, kọke kọke ayen vwọ je odẹ Mẹ fia.

Aizaya 48:5

Mi dje ayen kẹ wẹ nẹ awanre rhe, tavwe re ke phia yi Mi ghwoghwo ayen keẹ wẹ nure, eyẹ wo da rha tanẹ, Oma mẹ ri ru ayen, oma re bru ona phihọ kugbe oma ra wranre ri ji urhi na kẹ ayen.

Une rẹ Ejiro 25:11

Fiki re odẹ wẹn na, E Ọrovwohwo, vwẹ abe mẹ ghovwo uvwe, kidie ọ rhoro gangan.

Une rẹ Ejiro 106:8

Dede na o ji sivwi ayen fiki rẹ odẹ rọye, rere ọ mrasan vwẹ ẹgba rọye rode na phia.

Une rẹ Ejiro 115:1

Ọ dia avwanre-e, E Ọrovwohwo ọ dia avwanre-e, ẹkẹvuọvo odẹ wẹn a vwẹ urinrin kẹ, fiki re ẹguọnọ wẹn ro jẹ rhẹriẹ na vẹ esegbuyota wẹn na!

Aizaya 48:9

Fiki rẹ odẹ mẹ ke Me nyẹ ophu mẹ, fiki re ejiro rẹ odẹ Mẹ Me vwọ daji kẹ wẹ, rere Mi vwo ju we ẹnyavwọ kuefia.

Daniẹl 9:17

Asakiephana E Ọghẹnẹ rẹ avwanre nyo ẹrhovwo rẹ idibo wẹn vẹ orẹ rayen, ji vwẹ ifiki wẹn, E Ọrovwohwo, jẹn opharo wẹn lo mu ẹshẹ wẹn, ra guọghọ fiotọ

Une rẹ Ejiro 25:7

Wọ karọhọ umwemwu rẹ ọkeemọ mẹ-ẹ, eyẹ ọgbeku mẹ na-a; kirobo re ẹguọnọ wẹn rọ rhẹriẹ-ẹ epha karohọ ovwẹ, fiki rẹ erhuvwu wẹn, E Ọrovwohwo!

Izikiẹl 36:22

Vwẹ ọtiọye na gba ta kẹ uwevwi rẹ Izrẹl, E nẹ Ọrovwohwo Ọghẹnẹ tare: O dia fiki wẹ-ẹn, E uwevwi rẹ Izrẹl, ọye mi che vwo ru ọnana-a, ẹkẹvuọvo fiki rẹ odẹ ọfuanfọn mẹ, ru wọ gbe ẹgua vwẹ ohri rẹ ẹgborho ru wọ ra re na.