Aizaya 47:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Ivun re ihwo Mẹ miovwo uvwe, Mi gbe ọriuku Mẹ ẹgua; Mi de phi ayen phihọ owẹ obọ, wo nẹ arodọvwẹ kẹ aye-en, wo de mu urhekpe ọhọhọhọ nye emare.

Aizaya 47:6 Referans Kwoze

Zekaraya 1:15

Ẹgborho re hẹ ofuvwegbe na ivun rayen miovwo uvwe gangan, kidie ọke re ivun de ghwe miovwo uvwe emerha ẹgborho efa ki di hwe ayen.

2 Ikun rẹ Ivie 28:9

Ẹkẹvuọvo ọmraro rẹ Ọrovwohwo ọvo hẹ etiyin, re se odẹ rọye Ọbẹd; ọ da ra vwa unuofowi na rọ ro Sameria, ọ da ta kẹ ayen, Nighe, fiki rẹ obo rẹ Ọrovwohwo, Ọghẹnẹ rẹ esẹ rẹ ovwan, vwo mu ophu kpahe Juda, ọye o vwo phi ayen phihọ obọ rẹ ovwan, ẹkẹvuọvo wa da vwẹ ophu hwe ayen rẹ oviẹ rayen de re te odjuvwu.

Urhi Rivẹ 28:50

ẹgborho ro si opharo phihọ, ro nẹ aro rẹ ọkpako-o ọ je kerhọn rẹ egheie-e

Ọbe rẹ Ọmraro Ọbadaya Obadaya 1:10

Fiki rẹ ozighi wo gbe kẹ oniọvo wẹn Jekọp, omaẹvuọ ko rhurhu we opharo, ke che bru we kufia bẹdẹ.

Jems 2:13

Kidie ohwo ro ni arodọvwẹ-ẹ ọ je cha mrẹ arodọvwẹ vwe ọke re de brorhiẹ rọye-e.

Une rẹ Ejiro 69:26

Kidie ayen kpokpo ohwo ro wọ ghwiẹ nure, ohwo ru wọ woma nure, kọye ayen kpokpo phihọ.

Ọbe rẹ Ọmraro Ọbadaya Obadaya 1:16

Kidie kirobo wọ dare vwẹ ugbenu ọfuanfon me na, ẹgborho re riariẹ owẹ na ke cha da, ayen ke da, ki gele, ke họhọ ihwo re je dia dẹvo-o.

Aizaya 14:17

ro hirhe akpọ na vwọ aton rọ guọghọ irere rọye, rọ rhọvwe siobọ nẹ i re muru kpo-o?

Aizaya 10:6

Orere ro jẹ Ọghẹnẹ ẹriẹn mi ji ro ra ihwo rẹ ophu rẹ ayen mu vwe me vuẹ rẹ na rọ reyọ emuọre re gborho ekuakua, re chiyi ayen pẹtẹ pẹtẹ kerẹ ibehre rẹ irhuvwu.

Matiu 7:2

Kidie oghẹre rẹ orhiẹn ru we bru kẹ ihwo, ọye e ji bru kẹ ovwan. Uchunu wọ vwọ vwavwe kẹ ihwo, ọye a je vwọ vwavwe kẹ ovwan.

Izikiẹl 28:16

Vwẹ evun rẹ eki obuebu ru wọ chua na wọ da rhe vọn vẹ ozighi, wọ de rhi ru umwemwu; Me da djẹ wẹ kufia kirobo ri tuoma nẹ ugbenu rẹ Ọghẹnẹ, shẹrub ro sun we da djẹ wẹ kufia nẹ uherevie rẹ ibieragha rẹ erhanre na.

Izikiẹl 24:21

Ta kẹ uwevwi rẹ Izrẹl, E nẹ Ọrovwohwo Ọghẹnẹ tare: Nighe mi che gbe ẹshẹ mẹ na ẹgua, eheri ọgangan wẹn na, obo ri je ibiẹro wẹn na kugbe obo rẹ ẹnwẹn wẹn guọnọ na; te emeshare wẹn te emetẹ wẹn ru wọ yan jovwo vwẹ obuko na ka vwẹ ọlọkọ nyavwe ayen hwe.

Uvwerhe 2:2

Ọrovwohwo rhe vwo arodọvwẹ vwẹ ọke rọ vwọ guọghọ ẹdia ri Jakọp ejobi-i; vwẹ ọphu rọye ọ da guọghọ te otọ ogba ọgangan rẹ ọmọtẹ ri Juda, o siro ghwiotọ vẹ ophọphọvwe uvie kugbe isun rọye.

Aizaya 43:28

Ọtiọye na Mi de gbe isun rẹ ẹshẹ na ẹgua, Mi de siobọ nẹ Jekọp kẹ ẹghwọrọ Izrẹl vwọ ehwẹjẹ.

Aizaya 13:16

Emọboba na ka vwẹ ayen fa otọ hwe vwẹ irharo rayen; ke gborho uwevwi rayen ka gba eya rayen du.

2 Samuẹl 24:14

Etiyin Devid da ta kẹ Gad, Mi hẹ evun rẹ ukpokpoma rode; ju vwe she phihọ obọ rẹ Ọrovwohwo, kidie ehrọre rọye ọrhuarho; ẹkẹvuọvo wo ju vwe she phihọ obọ rẹ ohwo rẹ akpọ-ọ.

Aizaya 14:6

rọ vwẹ ophu ghwiẹ ihwo she vwẹ ubiedje ro je fue na, rọ vwẹ ophu suẹn irere na vẹ omukpahe ro je fue.

Jerimaya 50:42

Ayen yọnrọn umurhabọ vẹ ubiri, Ayen ihwo ọkon, inẹ aruẹdọ-ọ Edo rayen họhọ ohonre rẹ abadi, ayen gua vwẹ enu rẹ iyesi, ayen rhuẹrẹ oma phihọ kerẹ ohwo ro kpo ofovwi vwọ so owẹ. E ọmọtẹ ri Babilọn!

Uvwerhe 1:14

Ogbeku mẹ da họhọ urhekpe ra gba mu vwe, obọ rọye a vwọ gba koko; e de mu ayen nyẹ ohọre mẹ; Ọ da nẹrhẹ ogangan mẹ lọhọ, Ọrovwohwo phi vwe hẹ abọ rẹ otu re gan nọ vwẹ.

Uvwerhe 1:21

Gbe nyo obo re me guan, o vwo ohwo ọvuọvo ro bru uvwe uche-e. Ivwighrẹ mẹ ejobi nyo ukpokpogho mẹ, ayen da ghọghọ nẹ wọwẹ ri ruro. Gba vwẹ ẹdẹ ru wo ghwoghwori na rhe rere e dia kere obo re me pha na.

Uvwerhe 5:12

A gba abọ rẹ isun si enu, e gbi rhe mu ọghọ kẹ ekpako-o.

2 Ikun rẹ Ivie 10:11

Asakiephana, rẹ ọsẹ mẹ vwo mu urhukpẹ ọhọhọhọ nyẹ ovwan na, ke me vwọ ba urhekpe na. Uphiaphẹ ọsẹ mẹ vwọ fa ovwan, ẹkẹvuọvo akpakpasimagha kọye me vwọ fa ovwan.

2 Ikun rẹ Ivie 36:17

Fiki rẹ ọtiọye na ọ da reyọ ovie ri Kaldia rhe vwọ so ayen, rọ vwẹ oda nyavwe imighene rayen hwe vwẹ evun rẹ ẹshẹ rayen, o rhe nẹ arodọvwẹ kẹ imighene na-a emeshare eyẹ emetobẹ, ekpako eyẹ emare; o de phi ayen ejobi phihọ obọ rọye.

2 Ikun rẹ Ivie 36:20

Ihwo re vabọ rẹ oda ejobi o de mu ayen kpo Babilọn, ayen da rhe dia eviẹn kẹ vẹ emọ rọye bẹsiẹ uvie ri Pẹsha rhe vwo ghwotọ,

Ezra 5:12

Ẹkẹvuọvo fiki robo rẹ esẹ rẹ avwanre vwo ru Ọghẹnẹ rẹ odjuvwu emu rẹ ophu, kọye o de mu ayen phihọ obo ri Nebukadreza ovie rẹ Babilọn, ohwo ri Kaldia, rọ guọghọ uwevwi nana ọ de mu ihwo na kpo Babilọn.

Uvwerhe 4:16

Okpuyovwi rẹ Ọrovwohwo ọvo cha hra ayen ejobi, o gbi che se ayen gbe emuọvo ọfa-a, ọghọ gbe herọ kẹ irherẹn na-a, ẹroesiri gbe herọ kẹ ekpakọ na-a.

Zekaraya 1:12

Ọye amakashe re Ọrovwohwo da ta, E Ọrovwohwo rẹ otuofovwi mavọ okrite wo ki ni arodọvwẹ ri Jerusalem vẹ irere ri Juda ri wo mu ophu kpahe ikpe ujorha gbe ihwe re na?