Aizaya 45:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Ekan kẹ ohwo ro nene ọ rọ marọ pharhe, ema ra mare vẹ ọmema. Ophiẹn kọ ta kẹ ọmema nẹ, Die wọ vwọ ma vwẹ? eyẹ nẹ, Iruo wẹn vwo obọ-ọ?

Aizaya 45:9 Referans Kwoze

Aizaya 64:8

Yẹ ẹkẹvuọvo, E Ọrovwohwo, wẹ hẹ Ọsẹ rẹ avwanre; avwanre ophiẹn, wẹ kẹ ọmema re avwanre; avwanre ejobi ke iruo rẹ obọ wẹn.

Jerimaya 18:6

E uwevwi rẹ Izrẹl, me gbe sa vwẹ ovwan ru kirobo rẹ omaiche nana ruru na? eriyin Ọrovwohwo tare. Nighe, obo rẹ ọphiẹn na epha vwẹ obọ ọmechẹ, eriyin ovwan e pha vwẹ obọ mẹ, E uwevwi rẹ Izrẹl.

Aizaya 29:16

Wa gare erọvwọ vi otọ! Ke se ọmema na nẹ ọphie o ruẹ, re obo ra mare da ta kẹ ọ rọ marọ nẹ; O ma vwẹ-ẹ eyẹ obo ra mare da ta kẹ ọ rọ marọ nẹ, wo vwo obọ-ọ?

Aizaya 10:15

Kẹ ushurhe yan eyan kẹ ọro vwo she urhe, eye isara rhe mu oma kpenu kẹ oro yọnherọ? Kerẹ ẹsiẹ rẹ ophiaphiẹ da fa ohwo rọ yọnherọ, eyẹ kerẹ ẹsiẹ rẹ ọkpọ da rhoma mu ohwo rọ yọnherọ nẹ otọ!

Isẹ 21:30

O vwo aghwanre-e, o vwo ẹruọ-ọ, o vwo iroro-o o se ru emuọvo kpahe Ọrovwohwo-o.

Jerimaya 50:24

Me kpahe ufi kẹ wẹ o de mu we, E Babilọn, ye wọ riẹnre-e; a mrẹ we e de mu we, fikiridie wo nene Ọrovwohwo họnra.

1 Kọrẹnt 10:22

Kẹ avwanre kpare ophu rẹ Ọrovwohwo rere ọ rioma? Avwanre gan oma nọ?

ỌBE RẸ JOB 9:12

Nighe, o frẹ reyọ, kono re sa daji? Kono re cha ta kẹ nẹ, Die wo ruẹ?

ỌBE RẸ JOB 33:13

Die sorọ wo vwo nene họnra, tanẹ, Ọ rha kpahe phihọ ota mẹ ọvuọvo-o?

ỌBE RẸ JOB 40:2

Kẹ oduota sa guọnọ ota rẹ Ọrovwoẹgba na? Ohwo ro nene Ọghẹnẹ phraphro, gbe jẹn ọ kpahe kẹ.

Aghwoghwo 6:10

Emu rọ herọ na, ọ herọ vẹrhe nu re ki ji mu odẹ kẹ, a da riẹn obo rẹ ohwo epha nu, o rhe fo rere ọ vẹ ohwo rọ goma nọ phro aphro-o.

Aizaya 45:10

Ekan kẹ ohwo rọ ta kẹ ọsẹ rọye nẹ, Die wo vwo vwiẹ? eyẹ vwọ kẹ aye nẹ, Die wọ vwọ chuẹ uvwiẹ?

Jerimaya 36:29

Ku wọ ta kpahe Jehoiakim ovie ri Juda, Enẹ Ọrovwohwo tare, Die nẹrhe wo si phihọ nẹ ovie ri Babilọn ghine cha rhe ọ me rhe ghwọrọ otọ nana, ro de si ohwo vẹ eranvwe no?

Daniẹl 4:35

Ihwo re dia akpọ na ejobi e kere ayen kerẹ emu diodi; obo ri jere ọye o ruẹ vwẹ ohri rẹ otu rẹ obo odjuvwu vẹ ohri rẹ ihwo re dia akpọ na; o vwo ohwo ọvuọvo rọ sa da obọ rọye jẹ-ẹ yẹrẹ ta kẹ nẹ, die wọ ruẹ?

ỌBE RẸ JOB 9:4

Ọ ghware vwẹ udu, ọgba vwẹ ogangan, ono re ga udu rọye kpahọ, rọ da kparobọ?

ỌBE RẸ JOB 10:9

Karohọ nẹ ọphiẹn wọ vwọ ma vwẹ; ku wọ rhọma hirhe uvwe kpo ekpẹn?

Aizaya 64:7

O gbi vwo ohwo ọvuọvo ro se odẹ wẹ-ẹn, ro kpogho oma nẹ ọye gbanọ owẹ ba oma-a, kidie wo si opharo wẹn nu kẹ avwanre, wo de si avwanre ra ro obọ rẹ orukuruku rẹ avwanre.