Aizaya 45:21 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²¹ Dje ru wo gu ẹdjọ wẹn rhe jẹn ayen jẹ iroro kugbe Ono ri gbe ikun nana rhabae? Ono ri djere vwẹ ọke rẹ awanre? O dia Mẹvwẹ, rẹ Ọrovwohwo na? Yẹ Ọghẹnẹ ọfa gbe herọ ba vwẹ-ẹ, Ọghẹnẹ rẹ ọvwata kugbe Osivwi, ọfa gbe herọ vrẹn vwẹ-ẹ

Aizaya 45:21 Referans Kwoze

Aizaya 45:5

Mẹvwẹ Ọrovwohwo na, ọfa gbe herọ-ọ, Ọghẹnẹ ọfa rọ ba vwẹ gbe herọ-ọ; Me vwẹ amwa rhuo we, dede na wọ riẹn vwẹ-ẹ,

Aizaya 43:11

Mẹvwẹ, Mẹvwẹ Ọrovwohwo na, Osivwi ọfa gbe herọ nọ vwẹ-ẹ.

Aizaya 43:9

Jẹn ẹgborho na ejobi si koko, re ihwo na rhe ghwẹ koko. Ono vwẹ usun rayen na ri se dje Ọnana, Ono ri se dje imu re awanre? Jẹn ayen vwẹ iseri rayen rhe ro muẹro, re ayen nyo re ayen ta, Uyota o ruẹ.

Zẹfanaya 3:17

Ọrovwohwo na Ọghẹnẹ wẹn, ọ hẹ uherevie wẹn, ọgba rẹ ofovwi rọ kẹ ohwo obọẹkparọ, kọ ghọghọ aghọghọ riarie owe phihọ, kọ vwẹ ẹguọnọ rọye ru we phihọ ọkpọkpọ, kọ sọ une rẹ aghọghọ riariẹ owẹ phihọ

Aizaya 48:14

Ghwẹ oma koko, ovwan ejobi, re we nyo! Ono vwẹ usun rayen ri dje imu nana? Ọrovwohwo na guọnọ, o che ru obo ro rori na gba vwẹ oma ri Babilọn, igbabọ rọye cha riẹn kpahe ihwo ri Kaldia.

Aizaya 45:25

Vwẹ evun rẹ Ọrovwohwo ọye uvwiẹ re Izrẹl ejobi da kparobọ vwẹ urinrin.

Aizaya 45:18

Kidie enẹ Ọrovwohwo tare, rọ ma idjuvwu na (ọye Ọghẹnẹ) rọ mama otọ na rọ maro (ọye muro vi) ọ vwẹ ozighi ma-a, o marọ ra vwọ dia. Mẹvwẹ Ọrovwohwo na, o gbi vwo ọfa-a.

Aizaya 45:14

Enẹ Ọrovwohwo rẹ otuofovwi na tare. Efe rẹ Ijipt kugbe oghwa rẹ ineki rẹ Etiopia, kugbe ihwo ri Seba, eshare puma, ki bru we rhe ke dia ewẹn ki nenẹ uwe. ke rhe vẹ igoni vwẹ obọ rhi shiguẹ kẹ wẹ. Ayen ke rẹ wẹ tanẹ; Ọghẹnẹ vẹ owẹ ọvo re gba herọ, ọfa gbe herọ-ọ, Ọghẹnẹ ọfa rọ barọ gbe herọ-ọ.

Aizaya 43:3

Kidie Mẹvwẹ Ọrovwohwo Ọghẹnẹ wẹn, Ọfuanfon Ọvuọvo rẹ Izrẹl na, Osivwi wẹn Mi phi Ijipiti phihọ ijọpha kẹ wẹ. A vwe Etiọpia kugbe Seba vwo wene kẹ wẹ

Aizaya 63:1

Ona ono ro ne Idọm cha na, rọ vẹ iwun rẹ ododo gbe nẹ Bozrah cha, ro muẹ urinrin vwe evun rẹ irhuo rọye, ro chiyẹ cha vwe evun rẹ ogangan rọye rode? Mẹvwẹ, ri ghwoghwo ase ẹriọ, kugbe ẹgba rẹ esivwo.

Aizaya 48:3

Emu ri jovwo na Me tare rhabae rhe, i nẹ unu mẹ rhe Me da vwẹ ayen phia, kpregede na Mi de ru ayen i de ghine rhi ru.

Aizaya 41:26

Ono ri djere nẹ otọ rhe, rere ma vwọ riẹn, vẹrhe, rere ma vvọ tanẹ, Ọye re gbare? O vwo ohwo ọvuọvo ro djere-e, o vwo ohwo ro ghwoghwiro-o, ohwo ọvuọvo nyo eta wẹ-ẹn.

Une rẹ Ejiro 96:10

Ta vwe ohri re ẹgborho na neẹ, Ọrovwohwo ria uvie! E, akpọ na a tonro phihọ, e gbi se ghwie bẹvwẹdẹ-ẹ, o che guẹdjọ re ihwo na abavo.

Une rẹ Ejiro 26:7

vẹ ine ẹsuọ vẹ ẹkpẹvwẹ vwo gbe ikun rẹ uruemu rẹ igbunu wẹn.

Zekaraya 9:9

Ghọghọ gangan, E ọmọtẹ ri Zayọn! Kperi gan, E ọmọtẹ ri Jerusalẹm! nighe, ovie wẹn bru uwe cha ohwo ro phi kparobọ rẹ omavwerha, dẹndẹn ọ gua ekẹtẹkẹtẹ, upene ọmọ rẹ ekẹtẹkẹtẹ.

Jerimaya 50:2

Djẹ phia vwẹ ohri rẹ ẹgborho na wo ghwoghwo, vwẹ aphiana tan wo ghwoghwo, wo sionẹ-ẹ, re wo tanẹ: A reyọ Babilọn nure, oma vo Bẹl nure, ofu dje Mẹrodak nure. A vwẹ ema rọye jehwẹ, ofu dje edjọ rọye.

Zẹfanaya 3:5

Ọrovwohwo rọ hẹ evun rọye na ọvwata o ruẹ, o ruẹ obo re chọrẹ-ẹ; kirhiọke kirhiọke o vwo dje ọsoso rọye phia, ọke rọ rhieri chọ obọ-ọ; ẹkẹvuọvo ohwo rọ dia ọsosọ-ọ riẹn omaẹvuọ-ọ.

Iruo rẹ Iyinkọn na 15:18

Ọrovwohwo na re tarọ, ọ rọ nẹrhẹ a riẹn ọnana nẹ awanre rhe.

Une rẹ Ejiro 83:18

Jẹn ayen riẹn nẹ wọwẹ ọvo kpoi, rẹ odẹ rọye Ọrovwohwo na, ri Me Kpenu vwẹ enu rẹ kpọ na ejobi.

Aizaya 19:20

Kọ dia oka vẹ iseri kẹ Ọrovwohwo rẹ otuofovwi na vwẹ otọ rẹ Ijipt ọke rẹ ayen de che kperi se Ọrovwohwo fiki rẹ oshenyẹ kọ vwẹ osivwi rhe ayen, kọ chochọ rayen o mi sivwi ayen.

Aizaya 60:16

Wo che viẹ ame ivie rẹ ẹgborho na, ku wo viẹ ivie rẹ ivie; ku wọ riẹn nẹ Mẹvwẹ, Ọrovwohwo na, Osivwi wẹn Ọtan wẹn, Ọgba Ọvuọvo ri Jekọp na.

Hosia 13:4

Mẹvwẹ Ọrovwohwo rẹ Ọghẹnẹ wẹn nẹ otọ rẹ Ijipt rhe; wọ riẹn Ọghẹnẹ ọfa vrẹn vwẹ-ẹ ọ dia omẹvwẹ-ẹ osivwi ọfa gbe herọ-ọ.

Zekaraya 14:7

Ọke rha fobọ she-e, Ọrovwohwo riẹnre ọ dia uvo-o, ọ je dia aso-on kidie urhukpẹ cha dia vwẹ ọke rẹ ovwọnvwọn.

Zekaraya 14:9

Ọrovwohwo kọ dia ovie rẹ akpọ na ejobi, vwẹ ẹdẹ yena Ọrovwohwo kọ dia ọvo odẹ rọye kọ dia ọvo.