Aizaya 45:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ Kidie enẹ Ọrovwohwo tare, rọ ma idjuvwu na (ọye Ọghẹnẹ) rọ mama otọ na rọ maro (ọye muro vi) ọ vwẹ ozighi ma-a, o marọ ra vwọ dia. Mẹvwẹ Ọrovwohwo na, o gbi vwo ọfa-a.

Aizaya 45:18 Referans Kwoze

Une rẹ Ejiro 115:16

Idjuvwu na idjuvwu rẹ Ọrovwohwo na, ẹkẹvuọvo otọ na kọye ọ vwọ kẹ emọ rẹ ihwo.

Jerimaya 10:12

Ọye vwẹ ogangan rọye ma akpọ na ohwo rọ vwẹ aghwanrc rọye mu akpọ vi, je vwẹ ọhọ rọye riẹn idjuvwu na phihọ.

Aizaya 45:12

Mẹvwẹ re ma akpọ na, Me da ma ohwo phihọ enu rọye, obọ mẹ me vwọ riẹn idjuvwu na phihọ, Mẹvwẹ re vwẹ urhi kẹ otu rẹ herọ ejobi.

Aizaya 42:5

Enẹ Ọghẹnẹ tare, Ọrovwohwo na, rọ ma idjuvwu rọ da nabọ riẹn phihọ na, rọ riẹn akpọ na phihọ vẹ obo re djẹ no rhe ejobi, rọ vwẹ ẹnwẹn kẹ ihwo re dia evun rọye kugbe erhi kẹ ihwo re yan vwẹ evun rọye.

Jẹnẹsis 1:2

Akpọ na da de dia reghe reghe diodi, ebrin da enu rẹ akpọ na duvwu; Erhi rẹ Ọghẹnẹ kọye re yan vwẹ enu rẹ ame na.

Jẹnẹsis 1:26

Etiyin Ọghẹnẹ da ta, Gbe jẹn avwanre ma ohwo vwẹ oma rẹ avwanre, rọ họhọ avwanre, re ayen vwo ogangan vwẹ enu rẹ erin rẹ urhie, vwẹ enu rẹ ephran ri obenu, vwẹ enu rẹ uchuru, kugbe vwẹ enu rẹ akpọ na vẹ obo ri kpono vwẹ enu rẹ otọ na.

Jerimaya 51:15

Ọ rọ vwẹ ogangan rọye ma akpọ na, rọ vwẹ aghwanre rọye mu akpọ na vi, rọ vwẹ erianriẹn rọye na vwọ riẹn idjuvwu phihọ.

Jẹnẹsis 9:1

Ọghẹnẹ de bruphihọ kẹ Noa vẹ emọ rọye, ọ da ta kẹ ayen, We vwiẹ ri we bu phihọ, ru wa vọn akpọ na.

Jẹnẹsis 1:28

Etiyin Ọghẹnẹ da ta kẹ ayen, We vwiẹ ri we bun phihọ, re wa vọn akpọ na, ru we phio kparobọ, kugbe re we vwo ogangan vwẹ enu rẹ erin rẹ urhie, ephran ri obenu kugbe enu ri kemu kemu rọ yan vwe otọ na ejobi.

Jẹnẹsis 1:1

Nẹ otọ rhe Ọghẹnẹ vwọ ma odjuvwu vẹ akpọ.

Isẹ 30:4

Ono ri yeri kpo obo odjuvwu ro de wotọ rhire? Ono ri mu ọdju phihọ obọ rhurhu? Ono re phare ame phihọ ewun rọye? Ono mu etan re akpọ na vi? Mavọ e se odẹ rọye, didi odẹ rẹ ọmọ rọye? Uyota wọ riẹnrẹ!

Aizaya 44:24

Enẹ Ọrovwohwo tare, Ọtan wẹn, rọ mama owẹ nẹ evun rhe: Mẹvwẹ Ọrovwohwo, rọ ma emu ejobi rẹ ọye ọvo vwẹ idjuvwu na tan, rọ riẹn akpọ na phihọ–Kono vẹ ovwẹ gba herọ

Aizaya 48:13

Obọ Mẹ Me vwọ tọn uchivwo rẹ otọ na, obọrhe Mẹ re riẹn idjuvwu na phihọ ọke Mi vwọ sa ayen ayen de mudia kugbe.

Aizaya 51:13

rẹ Ọrovwohwo chọẹro, Ọ rọ Ma wẹ, rọ riẹn odjuvwu phihọ rọ tọn uchivwo rẹ akpọ na phihọ, rọ djẹ oshọ kẹdẹ kẹdẹ fiki rẹ ophu rẹ ohwo ro shenyẹ ihwo na, ro phi oma rọye phihọ oghwọrọ? Ki tivo ophu rẹ ohwo ro shenyẹ na epha?