Aizaya 45:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ Uyota, wẹ Ọghẹnẹ ro siẹ oma wẹn nẹ; E Ọghẹnẹ rẹ Izrẹl, Osivwi na.

Aizaya 45:15 Referans Kwoze

Aizaya 8:17

Me hẹrhẹ Ọrovwohwo, ro si opharo rọye nu kẹ uwevwi ri Jekọp, ki mi phi ẹro phihọ.

Une rẹ Ejiro 44:24

Die wo vwo si opharo wẹn nẹ? Diẹ osọnọ vẹ oshẹnyẹ rẹ avwanre vwọ chọrọ owẹ ẹro?

Aizaya 57:17

Fiki rẹ orukuruku rẹ ubiupho rẹ imu rẹ ihwo efa ọye ivun vwo miovwo uvwe, Me da ghwiẹ, Mi si opharo nu kẹ ivun de miovwo uvwe, ẹkẹvuọvo o jiji siẹ hẹ obuko vwẹ idjerhe re udu rọye.

Aizaya 46:13

Mi bi esivwo Mẹ kẹre, o sheri-i, esivwo Mẹ che kri-i, Mi phi esivwo phihọ Zayọn vwọ kẹ Izrẹl urinrin Mẹ.

Une rẹ Ejiro 77:19

Idjerhe wẹn na abadi ọ wan vrẹn, ada wẹn kẹ ame rode ọ wanre; dede na ichiyotọ wẹn a mrẹrẹ-ẹ.

Iyẹnrẹ Esiri ri Jọn 4:22

Wọ ga obo wo jẹ riẹn, avwanre ga obo rẹ avwanre riẹnre, kidie esivwo vwenẹ obọ ri Ju o nurhe.

Aizaya 45:17

Ẹkẹvuọvo Izrẹl Ọrovwohwo ri sivwiro vẹ esivwo ri bẹdẹ, wọ cha mrẹ omaẹvuọ-ọ eyẹ ozighi-i rhiri bẹdẹ.

Aizaya 43:11

Mẹvwẹ, Mẹvwẹ Ọrovwohwo na, Osivwi ọfa gbe herọ nọ vwẹ-ẹ.

Aizaya 43:3

Kidie Mẹvwẹ Ọrovwohwo Ọghẹnẹ wẹn, Ọfuanfon Ọvuọvo rẹ Izrẹl na, Osivwi wẹn Mi phi Ijipiti phihọ ijọpha kẹ wẹ. A vwe Etiọpia kugbe Seba vwo wene kẹ wẹ

Aizaya 12:2

Nighere, Ọghẹnẹ esivwo mẹ; ọye me vwẹ ẹro so, oshọ gbi mu vwe-e; kidie Ọrovwohwo Ọghẹnẹ ọye ogangan mẹ kugbe une mẹ, ọ rha rhoma hirhe esivwo mẹ re.

Une rẹ Ejiro 68:26

Bruba kẹ Ọghẹnẹ vwẹ evun rẹ ukoko rode na, Ọrovwohwo, E wẹ ro nẹ ogbugbu rẹ Izrẹl rhe na!

2 Pita 3:18

Ẹkẹvuọvo gba rho vwẹ evun rẹ ẹserọphẹ kugbe erianriẹn rẹ Ọrovwavwanre kugbe Osivwi rẹ avwanre Jesu Kristi. Ọye a vwẹ urinrin kẹ vwẹ asakiephana rhiri re te ẹdẹ ri bẹdẹ na. Isẹ.

Iruo rẹ Iyinkọn na 13:23

Ẹkuoma rẹ uvwiẹ rẹ ohwo nana, ọye Ọghẹnẹ wan vwẹ osivwi ọvo kẹ Izrẹl, Jesu, kirobo ro veri.

Iruo rẹ Iyinkọn na 5:31

Ọghẹnẹ da kparo kpenu phihọ obọrhe rọye rere ọ dia Osun kugbe Osivwi, vwọ kẹ Izrẹl fiki rẹ ekuorhẹriẹ kugbe evwoghovwo rẹ imwemwu.

Iyẹnrẹ Esiri ri Jọn 4:42

Ayen da ta kẹ aye na, Ọ gbe dianẹ fiki rẹ ota wẹn ọvo avwanre vwo segbuyota-a, kidie avwanre vwẹ erhọn rẹ avwanre nyo rhe, avwanre gbine riẹn vwẹ ọ rẹ uyota nẹ ọnana hẹ Osivwi rẹ akpọ na.

Aizaya 60:16

Wo che viẹ ame ivie rẹ ẹgborho na, ku wo viẹ ivie rẹ ivie; ku wọ riẹn nẹ Mẹvwẹ, Ọrovwohwo na, Osivwi wẹn Ọtan wẹn, Ọgba Ọvuọvo ri Jekọp na.

Iyẹnrẹ Esiri ri Jọn 13:7

Jesu da kpahe kẹ, Ọbo ri mi ruẹ na wọ sa riẹn vwẹ asakiephana-a, ẹkẹvuọvo esiẹfa vwobọ ọ cha ro owẹ.

Aizaya 1:15

Ọke ri wọ da bẹre abọ wẹn, Ki mi si ẹro mẹ nu kẹ wẹ ọ da dianẹ wọ nẹ ẹrhovwo buebu dede, Me kerhọ-ọn; abọ wẹn vọnre vẹ ọbara.

Aizaya 19:20

Kọ dia oka vẹ iseri kẹ Ọrovwohwo rẹ otuofovwi na vwẹ otọ rẹ Ijipt ọke rẹ ayen de che kperi se Ọrovwohwo fiki rẹ oshenyẹ kọ vwẹ osivwi rhe ayen, kọ chochọ rayen o mi sivwi ayen.

ỌBE RẸ JOB 10:13

Imu nana ejobi na wo si nu vwẹ udu wẹn, me riẹnre nẹ ọnana iroro wẹn.

ỌBE RẸ JOB 23:3

E, mane ke me riẹn asan re me da guọnọ mrẹ vwonẹ, ri mi de te asan rọ tidia phihọ dẹn!

ỌBE RẸ JOB 23:9

me guonerọ vwẹ obọhwẹre, ẹkẹvuọvo me sa mrẹ-ẹ; me rhẹriẹ oma kpo obọrhe, ẹkẹvuọvo me sa mrẹ-ẹ.