Aizaya 44:27 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁷ onọ re ta kẹ ikokodo na nẹ, Kpọ, yamu, ki mi ru irhie wẹn na kpọ fiotọ,

Aizaya 44:27 Referans Kwoze

Jerimaya 51:36

Ọtiọye na enẹ Ọrovwohwo tare; Nighe, mi mie we unu vwo gu me reihri kẹ wẹ ki mi che se abadi rọye kpọ mi de ru ogbugbu rọye ya,

Jerimaya 50:38

Ekpakpọ vwẹ enu rẹ ame rọye, rere ayen vwọ mrasan kpọ yamu! Kidie otọ rẹ ema o ruẹ, ayen mworhuẹ rẹ edjọgọ.

Aizaya 42:15

Ke me guọghọ igbenu rẹ itete vẹ iride, ke me ya ẹbe rayen mu, ki mi hirhe irhie rayen phihọ ibrotọ, etẹrhe rayen ejobi ke yamu.

Ẹvwọphia 16:12

Amakashe resan de ku udjokpo rọye phihọ urhie rode na Yufretis, ame rọye da kpọ yamu, rere ivie re hẹ obaro ọnre vwọ mrasan wan.

Jerimaya 51:32

ayen reyọ asan ushuame na nure, a vwẹ erhanre torhẹ edaji na nure, Uguegue mu otu rẹ ofovwi na.

Aizaya 51:15

Kidie Mẹvwẹ Ọrovwohwo Ọghẹnẹ wẹn, ro kpogho abadi rọ ke họnra– Ọrovwohwo rẹ otuofovwi na ọye he odẹ rọye.

Aizaya 43:16

Enẹ Ọrovwohwo tare, rọ gbẹn idjerhe phiyọ abadi, rọ jẹ obẹlẹ phiyọ ame rode na,

Une rẹ Ejiro 74:15

Wọwẹ re nẹrhẹ ogbugbu kugbe ẹtẹrhe varhe, wọwẹ re nẹrhẹ utọ rọ djẹ ọkere kpọ ya.

Jẹnẹsis 8:1

Ẹkẹvuọvo Ọghẹnẹ da rhe karohọ Noa vẹ eranvwe rẹ aghwa na ejobi kugbe uchuru ejobi re vẹ ọye gba ro evun rẹ okọ na Ọghẹnẹ da vwẹ odju rhe nẹ o gbe dju enu rẹ akpọ na, ame na de rhi rhirẹn,

Aizaya 50:2

Mavọ, ọke Me vwọ rhe, ohwo gbe herọ-ọ? Ọke Mi vwo se, o rhe vwo ohwo ro nyori-i? Obọ Mẹ krẹnọ, ro vwo je ohwo ẹtan? Gbine Mi vwo ogangan re vwo sivwẹ-ẹ? Nighere, vwẹ ẹghwọ re unu mẹ abadi na kọ kpọ, Mi ru urhie na phihọ aton, iyeri rayen ki gbo kidie ame herọ-ọ i mu ghwu fiki r;pe urhuru rẹ ame.

Ẹyano 14:21

Mosis da riẹn obọ rọye phihọ abadi na; Ọrovwohwo da djẹ abadi na kpo uko vwẹ odju ọgangan ro dju nẹ obaro ọnre rhe vwẹ ason na ejobi, o de ru abadi na kpọ yamu, ame na da ghare.

Aizaya 63:12

ono ri ru igbabọ rẹ urinrin na nẹ o kpo oborhe ri Mosis, rọ hẹriẹ ame na kẹ ayen wan rọ vwọ re odẹ re rara kẹ oma rọye,

Zekaraya 10:11

Ayen cha wan urhie rẹ Ijipt vrẹn, ka teye ọgbogho rẹ urhie na, ru ikokodo rẹ Nile ejobi yamu. A vwẹ eheri rẹ Asiria totọ, ọkpọ rẹ uvie rẹ Ijipt gbe dia-a.