Aizaya 44:26 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁶ Ono ri ru ota rẹ odibo rọye gan, ro ru iroro rẹ iyinkọn rọye, ono re ta kpahe Jerusalẹm, nẹ, A cha rhoma dia kugbe irere ri Juda nẹ, A cha rhoma bọn ayen, ke me kpare igbẹhẹ ri sheri na vrẹn mudia;

Aizaya 44:26 Referans Kwoze

Zekaraya 1:6

Ẹkẹvuọvo eta mẹ vẹ iji Me, ri mi ji kẹ idibo mẹ emraro na, o rhe mu ese re ovwan? Eriyin ayen de kurhẹriẹ ta, kirobo rẹ Ọrovwohwo rẹ otuofovwi rori nẹ ọye ru avwanre fiki rẹ idjerhe vẹ uruemu rẹ avwanre na, ọtiọye o ghine ru avwanre.

Aizaya 60:10

Erhorha keye che fi igbẹhẹ wẹn kẹ wẹ, ivie rayen ki che gbe odibo kẹ wẹ, kidie vwẹ ophu Mẹ Me da ghwiẹ wẹ, ẹkẹvuọvo vwẹ evun esiri Me da re ehrọre wẹ.

Jerimaya 33:7

Me cha vwẹ oyovwe ri Juda vẹ oyovwe rẹ Izrẹl rhivwi rhe ayen, ke me rhoma bọn ayen kirobo rẹ ayen epha vwẹ ẹsosuọ.

Jerimaya 30:18

Enẹ Ọrovwohwo tare: Nighe, me vwẹ erhieyovwo rhivwi rhe itughẹ ri Jekọp, Ke me re ehrọre kẹ ẹdia rọye; a cha rhoma bọn orere na phihọ ugbenu rọye, ighẹn ke dia asan rọ dia jovwo.

Aizaya 42:9

Nighere, imu rẹ awanre na e wanvrẹn nure, imu ekpokpọ keye me vwọ phia na, tavwe re ke re phia, ye me ta ayen kẹ ovwan nure.

Nehemaya 1:3

Ayen da ta kẹ vwẹ, ihwo ri ghwu chekọ vwe ubrakpọ yena re dje vabọ rẹ imu na e hẹ evun re ukpokpogho ve omẹvuọ, igbẹhẹ ri Jerusalẹm ekpoiro she, a je vwẹ erhanre torhẹ inurhoro rọye.

Ezra 2:70

Irherẹn na, ihwo ri Livae, kugbe evo vwẹ isun rẹ ihwo na da dia Jerusalẹm vẹ irere re riarie rẹ. Ibuine na, erhẹrẹchẹ na, idibo rẹ uwevwi rẹ ẹga na kugbe Izrẹl ejobi da ra dia irere rayen.

Matiu 26:56

Ẹkẹvuọvo enana ejobi ruru rere ebẹ ọfuanfo na vwọ gba. Idibo na ejobi da yan jovwo, ayen da djẹ.

Matiu 5:18

Uyota me ta kẹ ovwan, bẹsiẹ rẹ odjuvwu vẹ akpọ vwọ wan, umuku rẹ ota mẹ ọvuọvo se she fia-a, rhiri bẹsiẹ rẹ imu na ejobi vwọ gba,

Zekaraya 12:6

Vwẹ ẹdẹ yena ki mi ru orua ri Juda họhọ ochẹ rọ vwara vwẹ uherevie rẹ erhanre, họhọ urhukpẹ rọ la vwe ohri rẹ ekrẹbe; ayen ke guọghọ ihwo re yariẹ obọrhe vẹ obọhwẹre ejobi phihọ yẹ a je dia Jerusalẹm kirobo rọ epha jovwo .

Zekaraya 2:4

ọ da ta kẹ, Djẹ, ra vuẹ emeghene yena, A cha dia Jerusalẹm kerẹ ẹko ri jẹ igbẹhẹ evwo, fiki rẹ otu rẹ ihwo vẹ uchuru re herọ.

Emọs 9:14

Ke Me cha rhoma reyọ ughwẹ rẹ ihwo mẹ Izrẹl rhivwi rhe ayen, irere ri sheri na ka rhoma bọn ayen ka dia ayen; kẹ ayen kọn ogba ri vain, kẹ ayen da udi rọye, kẹ ayen kọn ogba ayen ke re ibi rọye.

Daniẹl 9:25

gba mrẹ vughe rọ je ro wẹ nẹ, eyanran rẹ ota na ro phio phihọ edia kugbe erhuẹrẹ phihọ ri Jerusalẹm re te ẹcha rẹ osun na, ọ ra vwẹ ori te na, ẹdidjana ighwrẹn re cha dia. Edidjana ujorha gbe ivẹ ka cha rhuẹrẹ tọn phihọ vẹ irhuvwu rọye ra ka ugbo phihọ, ke dia ọke rẹ ukpokpogho.

Izikiẹl 38:17

E nẹ Ọrovwohwo Ọghẹnẹ tare: Wẹ ohwo rẹ me ta ota rọye vwẹ ọke rẹ awanrẹ vwẹ oma rẹ idibo mẹ emraro rẹ Izrẹl, ihwo re mraro vwẹ ọke yena vwẹ ikpe buebu tanẹ: Me cha reyọ owẹ vwọ so ayen?

Izikiẹl 36:10

Me kẹ wẹ ihwo buebu, uwevwi rẹ Izrẹl na ejobi, ayen ejobi tototo, irere na ka rhoma dia ayen asan ifefe na ka rhoma bọn ayen.

Nehemaya 2:3

Me da ta kẹ ovie na, Jẹn ovie re rhiri bẹdẹ Die mi vwo je opharo emuophihọ, vwẹ ọke re orere na, asan re ishi rẹ ese me hẹ epha, vwọ ghwọrọ kufia, ra da vwẹ erhanre guọghọ anurhoro rọye?

Iyẹnrẹ Esiri ri Luk 24:44

Etiyin ọ da ta kẹ ayen, Enana eta mẹ re me ta kẹ ovwan, re me vẹ ovwan vwọ herọ, nẹ kemu kemu re siri kpahe ovwẹ vwẹ evun re urhi ri Mosis kugbe emraro na vẹ ine rẹ ejiro na cha gba.

Jerimaya 32:44

A cha vwẹ igho de idju vwọ vwobọ ọbe rẹ eshashẹ ka ghwẹ obọ phihọ ji se oseri kpahọ vwẹ otọ ri Benjamin, vwẹ asan re yariẹ Jerusalẹm phihọ kugbe irere ri Juda, vwẹ irere rẹ obọ igbenu na, vwẹ irere re obi Shefela, kugbe evun rẹ irere rẹ obi Nẹgẹb na; kidie me cha vwẹ oyovwe rayen rhivwi rhe ayen, eriyin Ọrovwohwo tare.

Jerimaya 32:15

Kidie enẹ Ọrovwohwo rẹ otuofovwi, Ọghẹne rẹ Izrẹl tare Iwevwi vẹ idju kugbe ogba ri vain a je cha rhoma de ayen vwẹ otọ nana.

Jerimaya 31:4

Me je rhọma bọn wẹ, ka je bọn wẹ, E ọmọtobẹ Izrẹl! Wọ cha rhoma vwẹ eshẹghẹshẹghẹ rhuẹrẹ oma wẹn, wọ cha ro ehegbe rẹ otu re ghọghọ.

Aizaya 58:12

Iwevwi rẹ awanre ri sheri ejobi ka rhoma bọn ayen, ku wọ vwẹ uchivwo rẹ uvwiẹ buebu vwo chivwi otọ; ke se we nẹ ọrhuẹrẹ iphrophro, ọrhuẹrẹ rẹ irhuvwu re i ja dia.

Aizaya 54:3

Kidie wo cha hẹre kpo obọrhe vẹ ọbọhwere, uvwiẹ wẹn ki che vwo ẹgborho na ihwo ke vọn irere ra kua fiotọ.

Une rẹ Ejiro 147:2

Ọrovwohwo re bọn Jerusalẹm; o si ihwo rẹ Izrẹl ra djẹ kufia koko.

Aizaya 61:4

Ayen ke cha bọn iwevwi re awanre ri tuegheri, asan re vẹre na ka rhoma mu ayen vi, ayen ke rhuẹrẹ irere re ghwọre na, re vẹre vwe ọke rẹ orua buebu re.

Une rẹ Ejiro 69:35

Kidie Ọghẹnẹ se sivwi Zayọn ọ me rhoma bọn irere ri Juda; idibo rọye ke dia etiyin kẹ ayen vwo,

Aizaya 40:9

Yanran kpo enu rẹ ugbenu ro kpenu, E Zayọn, aghwoghwo rẹ ikun esiri na, kpare urhuru wẹn kpenu vẹ ogangan, E Jerusalẹm, aghwoghwo rẹ ikun esiri na, vrẹn mudia, wọ dje oshọ-ọ, ta ke irere ri Juda, Nighere Ọghẹnẹ wẹn na.

Aizaya 42:19

Kono ri rhuẹro jokpa rẹ odibo Me, eyẹ ono ri dierhọn kere ọyinkọn Mẹ ri mi ji uwevwi? Ono ri rhuẹro kerẹ ohwo ri mi ru fon na, eye ọ ro rhuẹro kere odibo rẹ Ọrovwohwo?

Aizaya 49:8

Enẹ Ọrovwohwo tare Vwe ọke re aroestri Me da jẹ wẹ reyọ, vwẹ ẹdẹ re esivwo Me da cha wẹ uko, Me sẹro wẹ Me da vwẹ owẹ ru kerẹ ọphọ vwọ kẹ ihwo na, re vwo rherhe otọ na vi, ra vwọ gharọ utetemute ughwẹ ra kua jovwo na,

Aizaya 52:9

We koko va so ine, ovwan asan ifefe ri Jerusalẹm, kidie Ọrovwohwo bru ihwo rọye uche, ọ tan Jerusalẹm hirhe.

Aizaya 55:11

ọtiọye ota Mẹ ro ne unu Mẹ rhe; che se fiabọ-ọ, ẹkẹvuọvo o ru obo ri mi jiro gba, obo mi jiro no ru ko yovwi.

Jerimaya 1:10

Nighe, nonẹ na me vwẹ owẹ mu vwẹ enu rẹ ẹgborho kugbe enu rẹ ivie, wọ vwọ kọnre wọ je guọghọ te otọ, wọ vwọ ghwọrọ wo vwo phi kua, wọ vwọ bọn wọ je vwọ kọn.

Daniẹl 9:12

O ru eta rọye na gba, rọ ta kpahe avwanre vẹ isun ri suẹn avwanre, rọ vwọ reyọ ukpokpogho rode vwo rhe avwanre, kidie vwẹ otọ rẹ ọnre na ejobi obọ re ru ke Jerusalẹm na e ji ruo dẹvo-o.

Hegae 1:13

Etiyin Hegae, ọyinkọ rẹ Ọrovwohwo na da vuẹ ihwo na ovuẹ rẹ Ọrovwohwo na nẹ, Me vẹ owẹ herọ, eriyin Ọrovwohwo na tare.

Zekaraya 1:17

Rhoma kperi, E nẹ Ọrovwohwo rẹ otuofovwi tare, irere mẹ cha rhoma vọn vẹ oyouvwe, Ọrovwohwo cha rhoma vwẹ uchebro kẹ Zayọn ọ je cha rhoma je Jerusalẹm reyọ.

Ivie rẹ Ivẹ 7:16

Etiyin ihwo na da ro uphephẹn ayen da ra kua erhọn rẹ ihwo ri Siria na. Ọtiọye na a da rhe shẹ ovwanvwọn rẹ emuọre shekẹl ọvo, a da rhe shẹ evwanvwọn ivẹ ri bali shekẹl ọvo, kirobo rẹ Ọrovwohwo tare.

Ivie rẹ Ivẹ 7:18

Kidie ọke rẹ ohwo rẹ Ọghẹnẹ na vwọ ta kẹ ovie na, A cha shẹ ovwanvwọn rẹ eka ivẹ shekẹl ọvo, ovwanvwọn rẹ emuọre shekẹl ọvo vwẹ ọke ọtiọna rẹ odẹ rọ cha vwẹ anurhoro ri Sameria,

Ivie rẹ Ivẹ 7:20

Etiyin ọ ghine phia kẹ, kidie ihwo chiyiro muotọ vwẹ unu rẹ anurhoro na o de ghwu.

Une rẹ Ejiro 69:36

emọ rẹ idibo rọye ke cha vwọ reuku, otu re guọnọ odẹ rọye ke cha dia evun rọye.

Une rẹ Ejiro 102:17

o che mu ọghọ kẹ ẹrhovwo re ọvwuvwohwo, ọ gbe cha jẹ ọre rayen fia-a.

Aghwoghwo 3:3

Ọke re vwo hwe, vẹ ọke re vwo sivwẹ, ọke ra vwọ guọghọ te otọ, vẹ ọke ra vwọ bọn kpenu,

Jerimaya 28:9

Yẹ ọmraro rọ mraro rẹ ufuoma, ọke rẹ ota rẹ ọmraro yena de ghine ru gba, ke vughe nẹ Ọrovwohwo ghine ji ọmraro na.