Aizaya 44:25 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁵ ono re ta echa re evwọrọn efian na na, ro vwẹ otu re bọ epha na ru ẹkpa, rọ rhan ẹvwaghwanre rẹ ẹkpa kpo uko kugbe erianriẹn rayen ẹkpa.

Aizaya 44:25 Referans Kwoze

Une rẹ Ejiro 33:10

Ọrovwohwo hirhe umẹ rẹ ẹgborho na phihọ emu diọdi, ọ hra iroro rẹ ihwo na kufia.

Jerimaya 50:36

Ọlọkọ vwẹ enu rẹ ihwo re bọ epha, rere ayen vwọ mrasan hirhe phihọ ẹkpa! Ọlọkọ vwẹ enu rẹ egba ofovwi rọye, rere ayen vwọ mrasan ghwọrọ!

2 Samuẹl 15:31

Ohwo ọvo da ta kẹ Devid nẹ, Ahitofẹl ji hẹ usun rẹ ihwo re vẹ Absalọm gba ro ẹro riariẹ owẹ na. Devid da ta, E Ọrovwohwo me rẹ wẹ, rhẹriẹ iroro rẹ Ahitofẹl kpo ugheghẹn.

Jerimaya 51:57

Mi che ru isun vẹ evweagnwanre rọye re idi de mu ayen, osun vẹ olotu kugbe egbofovwi rọye, ayen cha vwerhẹ ovwerhẹ ri bẹdẹ ayen rha rhọvwọ-ọ, Ovie na tarọ, ọ rẹ odẹ rọye hẹ Ọrovwohwo rẹ otuofovwi na.

Aizaya 29:14

fiki rẹ ọtiọye na, nighe, me cha rhoma vwẹ ihwo nana ru emu rẹ igbunu, emu rẹ igbunu rode, aghwanre rẹ ọvwaghwanre rayen na ejobi ke guọghọ, evughe rẹ ihwo re mrẹ emu vughe ejobi ke che sionu.

Daniẹl 4:7

Etiyin otu rẹ egbẹnẹkẹ, vẹ idjene, ihwo ri Kaldia, Kugbe otu re fan otọ rẹ isio da rhe, me da ta evwerhẹ na kẹ ayen, ẹkẹvuọvo ayen sa vwẹ evwerhẹ na vẹ otọ rọye phia kẹ vwẹ-ẹ.

Daniẹl 1:20

Etiyin kemu kemu rẹ ovie na nọ vwẹ obọ rayen vwẹ oma rẹ ọhọ vẹ iroro ejobi, ọ da rhe mrẹ nẹ ayen riẹn nọ ighene rọye ejobi, re hẹ evun rẹ uvie rọye.

Jerimaya 49:7

Vwọ kpahe Idọm: Enẹ Ọrovwohwo rẹ otuofovwi na tare: Aghwanre gbe hẹ Tẹman? Iroroejẹ ghwru nẹ obọ rẹ obuiroro re? Aghwanre rayen ravwiẹnre?

2 Ikun rẹ Ivie 18:34

Ofovwi na da rhe rhorho vwẹ ẹdẹ yena, ovie rẹ Izrẹl da de dẹdẹ oma vwẹ evun rẹ akpẹrẹ rọye hirhe aro ku ihwo ri Siria na re te ovwọnvwọn; rẹ ọnre vwo she nu o de ghwu.

2 Ikun rẹ Ivie 18:11

Emraro na ejobi da mraro ọtiọye, ayen da ta, Yanran kpo Ramot-gilead re phio kparobọ; Ọrovwohwo che phio phihọ obọ rẹ ovie.

2 Samuẹl 17:23

Ọke rẹ Ahitofẹl rhe vwọ mrẹ nẹ iroro rọ jẹre e vwi ro ru emu-u, ọ da rhuẹrẹ ekẹtẹkẹtẹ rọye, o de vrẹn o de kpo uwevwi rọye, vwẹ obo orere rọye, ọ da rhuẹrẹ uwevwi rọye phihọ o de churu ghwu, e de sho phihọ ushi rẹ ọsẹ rọye.

2 Samuẹl 16:23

Ọke yena iroro rẹ Ahitofẹl jẹre, da họhọ obo rẹ ọboepha rẹ Ọghẹnẹ tare; ọtiọye iroro rẹ Ahitofel jẹ kẹ Devid kugbe Absalọm epha.

Ẹyano 9:11

Otu rẹ egbẹnẹkẹ na gbi se dede Mosis fiki rẹ iribẹ na-a, kidie iribẹ na ji mu ihwo rẹ eghẹnẹkẹ na vẹ ihwo rẹ Ijipt ejobi.

1 Ivie 22:37

Ọtiọye ovie na de ghwu, e de muo rhe Sameria; e de shi ovie na phihọ Sameria.

Hosia 9:7

Ẹdẹ rẹ ojẹriọ na rhire, ẹdẹ rẹ osa ẹ hwa tere Izrẹl cha riẹn. Ọmraro na vwonẹ ẹkpa, ohwo rẹ erhi rheri yọ mwa orhuẹ, fiki rẹ orukuruku rode wẹn kugbe omaetuo rode.

Maika 3:7

emrẹ na ka cha phọphọ ayen, otu re bọ epha oma kọ vo ayen; ayen ki che rhurhu ẹbẹrunu rayen, kidie ayen cha mrẹ ẹkpahọ nẹ obọ rẹ Ọghẹnẹ rhe-e.

Ukeri 23:23

Kidie o vwo ese ọvuọvo ro mu Jekọpu-u, o vwo aro ra sa mrẹ kpahe Izrẹl kaka-a; asakiephana ka cha ta kpahe Jekọp vẹ Izrẹl nẹ, Ọbo rẹ Ọghẹnẹ ruru!

Aizaya 19:3

Erhi re ihwo re ljipt na kọ rhan nẹ ayen oma, ki mi phi ozighi phihọ iroro rayen; ke ayen diotọ rọye vwẹ obọ rẹ ema vẹ ebọepha, vwẹ obọ rẹ irivwi vẹ erieda;

Zekaraya 10:2

Kidie ama ta ogbeta, emraro je mrẹ efian rhe, evwerhẹewerhẹ ta evwerhẹ re efian ọ me kẹ uchebro ofefe. Ọtiọye na ihwo na da hra kerẹ igegede; a wan ayen oma kidie ayen vwo osuigegede-e.