Aizaya 44:24 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁴ Enẹ Ọrovwohwo tare, Ọtan wẹn, rọ mama owẹ nẹ evun rhe: Mẹvwẹ Ọrovwohwo, rọ ma emu ejobi rẹ ọye ọvo vwẹ idjuvwu na tan, rọ riẹn akpọ na phihọ–Kono vẹ ovwẹ gba herọ

Aizaya 44:24 Referans Kwoze

Aizaya 45:12

Mẹvwẹ re ma akpọ na, Me da ma ohwo phihọ enu rọye, obọ mẹ me vwọ riẹn idjuvwu na phihọ, Mẹvwẹ re vwẹ urhi kẹ otu rẹ herọ ejobi.

Aizaya 42:5

Enẹ Ọghẹnẹ tare, Ọrovwohwo na, rọ ma idjuvwu rọ da nabọ riẹn phihọ na, rọ riẹn akpọ na phihọ vẹ obo re djẹ no rhe ejobi, rọ vwẹ ẹnwẹn kẹ ihwo re dia evun rọye kugbe erhi kẹ ihwo re yan vwẹ evun rọye.

Aizaya 54:5

Kidie Oma rọ ma wẹ ọye ọshare wẹn, Ọrovwohwo rẹ otuofovwi na ọye odẹ rọye; Ọfuanfon Ọvuọvo rẹ Izrẹl na ọye Ọtan wẹn Ọghẹnẹ rẹ akpọ ejobi ọye e se.

Aizaya 45:18

Kidie enẹ Ọrovwohwo tare, rọ ma idjuvwu na (ọye Ọghẹnẹ) rọ mama otọ na rọ maro (ọye muro vi) ọ vwẹ ozighi ma-a, o marọ ra vwọ dia. Mẹvwẹ Ọrovwohwo na, o gbi vwo ọfa-a.

Aizaya 51:13

rẹ Ọrovwohwo chọẹro, Ọ rọ Ma wẹ, rọ riẹn odjuvwu phihọ rọ tọn uchivwo rẹ akpọ na phihọ, rọ djẹ oshọ kẹdẹ kẹdẹ fiki rẹ ophu rẹ ohwo ro shenyẹ ihwo na, ro phi oma rọye phihọ oghwọrọ? Ki tivo ophu rẹ ohwo ro shenyẹ na epha?

ỌBE RẸ JOB 9:8

Ọ rẹ ọye ọvo riẹn idjuvwu vwọ tan, ro chiyi ọgbogho rẹ urhie na muotọ.

Aizaya 44:2

Enẹ Ọrovwohwo rọ ma wẹ na tare, rọ mama owẹ nẹ evun rhe na kọ cha wẹ uko. Wọ djẹ oshọ-ọ, E Jekọp odibọ mẹ Jeshurun re me jẹreyọ.

Ẹvwọphia 5:9

ayen da so une ọkpokpọ, tanẹ, Wọwẹ hẹ ohwo ro fori rọ sa reyọ ọbe na ro de se rhie isiaphrẹ rọye, kidie e hwe we jovwo ọbara wẹn kọye wọ vwọ tan ihwo hirhe kẹ Ọghẹnẹ nẹ orua korua kugbe ephẹrẹ kugbe ihwo kugbe ẹgborho,

Aizaya 43:14

Enẹ Ọrovwohwo tare, Ọtan wẹn, Ọfuanfon Ọvuọvo rẹ Izrẹl na. Fiki wẹn Mi vwo ji ikọn kpo Babilọn ve vwirhi egbẹ rẹ itehru rayen, unuebo rẹ ihwo ri Kaldia cha rhoma hirhe phiyọ ovie.

Aizaya 40:22

Ọye ri tidia phihọ usikẹ rọ hẹ obenu rẹ akpọ na, ihwo re dia ejobi họhọ ebaka; ohwo rọ vwẹ odjuvwu tan kerẹ amwa, rọ vwe rọ tan kerẹ utughẹ ra dia;

Hibru 1:2

vwẹ asakiephana unu rẹ Ọmọ rọye kọye ọ wan ta ota kẹ avwanre, ọye o ve phihọ nẹ ọ reuku ri kemu kemu ejobi re hẹ akpọ na; oma rọye ọ wan mama akpọ na.

Ẹfesọs 3:9

Rere ihwo ejobi vwọ mrẹ obo rẹ iroro rẹ igbunu re sinu rhabae epha vwẹ evun rẹ Ọghẹnẹ rọ ma emu ejobi.

Iyẹnrẹ Esiri ri Jọn 1:3

oma rọye a wan mama imu na ejobi, ọ gbe dia ọye-e emu ọvuọvo ra mare na a gbe mama-a.

Jerimaya 51:15

Ọ rọ vwẹ ogangan rọye ma akpọ na, rọ vwẹ aghwanre rọye mu akpọ na vi, rọ vwẹ erianriẹn rọye na vwọ riẹn idjuvwu phihọ.

Aizaya 48:13

Obọ Mẹ Me vwọ tọn uchivwo rẹ otọ na, obọrhe Mẹ re riẹn idjuvwu na phihọ ọke Mi vwọ sa ayen ayen de mudia kugbe.

Aizaya 44:6

Enẹ Ọrovwohwo tare nẹ, Ovie rẹ Izrẹl vẹ Ọtan rọye Ọrovwohwo rẹ otuofovwi na: Mẹvwẹ ọ rẹ ẹsosuọ Mẹvwẹ ọ rọ ka oba Ọghẹnẹ ọfa gbe herọ vrẹn vwẹ-ẹ.

Aizaya 43:1

Ẹkẹvuọvo Asakiephana enẹ Ọrovwohwo tare, ọ rọ ma wẹ, E Jekọp, ọ rọ mama owẹ, E Izrẹl. Wọ dje oshọ-ọ, kidie Me tan wẹ nure, Mẹvwẹ ri mu odẹ se we, wọwẹ ọmẹ.

Une rẹ Ejiro 104:2

We rọ vwẹ orẹmrẹ phopho oma kerẹ ewun, we re riẹn odjuvwu na phihọ kerẹ ibọkpọ,

ỌBE RẸ JOB 26:7

Ọ riẹn obenu na phihọ enu rẹ odiodi, ọ da vwẹ akpọ na ya enu rẹ odiodi.

Galesha 1:15

Ẹkẹvuọvo ohwo rọ sanọ ovwẹ nẹ evun rẹ oni mẹ rhe jovwo na, ro se vwe vwẹ ẹserọphẹ rọye,

Aizaya 63:16

Kidie we he Ọsẹ rẹ avwanre, dede na nẹ Ebraham riẹn avwanre-e , Izrẹl je mrẹ avwanre vughe-e, we, E Ọrovwohwo, ọye Ọsẹ rẹ avwanre, Ọtan rẹ avwanre nẹ ọke rẹ awanre rhe ọye odẹ wẹn.

Aizaya 49:1

Kerhọn mẹ, E erhuru na, wa kerhọn, ovwan ihwo ri nẹ ogboko rhe na. Ọrovwohwo ri se vwe nẹ evun rhe, nẹ obo evun rẹ oni Mẹ o de mu odẹ kẹ vwẹ.

Jerimaya 50:34

Ọ rọ tan ayen hirhe na ogba ọgangan, Ọrovwọhwo rẹ otuofovwi na ọye odẹ rọye. O che mie ayen unu vwo gun, rere ọ vwọ mrasan kẹ akpo na omerovwo, ẹkẹvuọvo ọdjorho kọye dia kẹ ihwo ri Babilọn.

Une rẹ Ejiro 71:6

Wẹ me vwẹ oma rẹrẹ nẹ ọke re vwo vwiẹ vwẹ rhe; wọwẹ re reyọ ovwẹ nẹ evun rẹ oni mẹ rhe. Ejiro mẹ kọ wẹn ọ dia kọke kọke.

Aizaya 60:16

Wo che viẹ ame ivie rẹ ẹgborho na, ku wo viẹ ivie rẹ ivie; ku wọ riẹn nẹ Mẹvwẹ, Ọrovwohwo na, Osivwi wẹn Ọtan wẹn, Ọgba Ọvuọvo ri Jekọp na.

Aizaya 59:20

Kọ cha rhe Zayọn kerẹ Ọtan, bru otu ri Jekọp ri kurhẹriẹ nẹ ogbigbiru, eriyin Ọrovwohwo tare.

Aizaya 54:8

Vwẹ ophu mẹ rọ mwavwa hwẹ vwẹ ọmọke Mi de si opharo nu kẹ wẹ, ẹkẹvuọvo vwẹ ẹguọnọ ri bẹdẹ ke Me re ehrọre wẹ, eriyin Ọrovwohwo tare, Ọtan wẹn.

Aizaya 49:26

Mi ru otu ri shenyẹ wẹn vwọ re uvwo rẹ omobọ rayen, ọbara rẹ omobọ rayen ko che mu ayen kere udi. Etiyin ihwo ejobi ke riẹn nẹ Mẹvwẹ Ọrovwohwo Osivwi wẹn, Ọtan wẹn, Ọgba Ọvuọvo ri Jekọp.

Aizaya 49:7

Enẹ Ọrovwohwo tare, Ọtan rẹ Izrẹl kugbe Ọfuanfon Ọvuọvo rọye na, vwọ ke ọvo ra jẹfia gangan, ro tu ẹgborho na oma, odibo rẹ isun na. Ivie ke mrẹ ki vrẹn; isun, kugbe ayen ki she diguẹ; fiki rẹ Ọrovwohwo, rẹ ohwo rẹ uyota, Ọfuanfon Ọvuọvo rẹ Izrẹl na, rọ je wẹn reyọ na.

Aizaya 48:17

Enẹ Ọrovwohwo tare, Ọtan wẹn, Ọfuanfon Ọvuọvo rẹ Izrẹl na. Mẹvwẹ Ọrovwohwo Ọghẹnẹ wẹn, ro yono uwe vwọ mrẹ erere, ro sun we vwẹ idjerhe ru wọ cha wan na.

Aizaya 43:7

kohwo kohwo ra vwẹ odẹ mẹ se, re me mare vwọ kẹ urinrin mẹ, re me mamare re Me mare

Une rẹ Ejiro 78:35

Ayen da karohọ nẹ Ọghẹnẹ oragha rayen, nẹ Ọ ro Me Kpenu ọye ọtan rayen.

ỌBE RẸ JOB 31:15

Ọ dia ọ rọ ma vwẹ phihọ evun na re je ma? Ọ dia ohwo ọvuọvo na re ma avwanre phihọ evun na?

ỌBE RẸ JOB 37:18

Ku wọ sa vwẹ ẹro kere ru wọ da riẹn irharheghe na vwọ hwa, rọ gan kpohro kerẹ ughegbe ro djeri?

Une rẹ Ejiro 136:6

vwọ kẹ ohwo rọ riẹn akpọ na phihọ enu rẹ ame na, kidie ẹguọnọ rọye rọ jẹ rhẹriẹ na dia rhiri bẹdẹ,

Aizaya 41:14

Wọ djẹ oshọ-ọ, we ri Jekọp re ohori, ovwan ihwo rẹ Izrẹl! Me sa cha we uko, eriyin Ọrovwohwo tare, Ọtan wẹn ọye Ọfuanfon Ọvuọvo rẹ Izrẹl na.

Zekaraya 12:1

Ota rẹ Ọrovwohwo kpahe Izrẹl: Enẹ Ọrovwohwo tare, ohwo rọ ma enu rọ mama akpọ na ro phi erhi phihọ ohwo oma.

Aizaya 45:7

Mẹvwẹ re ma orẹmrẹ kugbe ebri, Mẹvwẹ rẹ ma efe mẹvwẹ re ma okpetu, Mẹvwẹ Ọrovwohwo na, rọ ma imu nana ejobi na Ọrovwohwo hẹ Ọmẹna

Aizaya 45:8

Eghwẹghwẹ, E idjuvwu, jo tue nẹ obenu rhe, jẹn obenu na rhọ osio rẹ ọvwata phihọ otọ na; jẹn otọ na rhie phihọ, rere esivwo va nẹ otọ na rhe, ro jẹn ọvwata va djẹ nẹ otọ na rhe, Mẹvwẹ Ọrovwohwo na re marọ

Jerimaya 10:12

Ọye vwẹ ogangan rọye ma akpọ na ohwo rọ vwẹ aghwanrc rọye mu akpọ vi, je vwẹ ọhọ rọye riẹn idjuvwu na phihọ.