Aizaya 44:23 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²³ So ine, E idjuvwu, kidie Ọrovwohwo ruro nure; kperi, E ovwan ikokodo rẹ akpọ na, van so ine, E igbenu na, E egbo, kugbe urhe kurhe rọ herọ! Kidie Ọrovwohwo tan Jekọp nure, ka vwẹ urinrin kẹ vwẹ Izrẹl.

Aizaya 44:23 Referans Kwoze

Une rẹ Ejiro 69:34

Jẹn odjuvwu vẹ akpọ jirọ, te abadi kugbe obo re yan vwẹ evun rọye ejobi.

Jerimaya 51:48

Kẹsiẹye idjuvwu vẹ akpọ, vẹ obo re hẹ evun rayen ejobi, ke so une rẹ aghogho phihọ uyovwi ri Babilọn, kidie ẹghwọrọ che nẹ obọrhe ọnre cha vwo suọ, etiyin Ọrovwohwo tare.

Aizaya 49:3

Ọ da ta kẹ vwẹ, Wẹ odibo Mẹ, Izrẹl, oma we mi de vwo ejiro,

Aizaya 49:13

So ine rẹ aghọghọ, E idjuvwu, kparọ kpenu, E akpọ kperi phia, E igbenu na, re wa so ine! kidie Ọrovwohwo bru ihwo rọye uche, kọ re ehrọre rẹ otu re he ukpokpogho.

Ẹvwọphia 18:20

Ghọghọ vwẹ enu rọye, E odjuvwu, E ihwo efuanfon kugbe iyinkọn kugbe emraro, kidie Ọghẹnẹ brorhiẹ hwe kẹ wẹ!

Ẹvwọphia 12:12

Ghọghọ, E odjuvwu kugbe ovwan re dia evun rọye! Ẹkẹvuọvo eka kẹ ovwan, E akpọ kugbe abadi, kidie idẹbono wotọ bru ovwan rhire vwẹ evun rẹ ophu rode, fikiridie ọ riẹnre nẹ ọke rọye pha krẹkrẹ.

1 Pita 4:11

Kohwo kohwo rọ ta ota, ọ me ta kerẹ ọboepha rẹ Ọghẹnẹ; kohwo kohwo rọ gọ ẹga, ọ me ga vwẹ ogangan rẹ Ọghẹnẹ vwọ kẹ; rere vwi kemu kemu ejobi a sa vwẹ urinrin kẹ Ọghẹnẹ vwẹ oma ri Jesu Kristi. Ọye a vwẹ urinrin kẹ kugbe isuesun bẹdẹ bẹdẹ. Isẹ.

Ẹfesọs 3:21

ọye a vwẹ urinrin kẹ vwẹ evun rẹ ishọshi kugbe vwẹ evun ri Jesu Kristi ra ro uvwiẹ rẹ akpọ na ejobi, bẹdẹ bẹdẹ. Isẹ.

Izikiẹl 36:8

Ẹkẹvuọvo wẹ. E igbenu rẹ Izrẹl, eghọn wẹn che yoro rhe, re da rhe mọ emamọ wẹn kẹ ihwo mẹ Izrẹl, kidie ayen cha rhe uwevwi nanana.

Izikiẹl 36:1

Wẹ, ọmọ rẹ ohwo, mraro kẹ igbenu rẹ Izrẹl re wọ ta, E igbenu rẹ Izrẹl, nyo ota rẹ Ọrovwohwo na.

Aizaya 61:3

ra rhọvwe kẹ ihwo ri muomahọ vwi Zayọn– ra kẹ ayen ovwẹ vwẹ ẹdia rẹ iwurhie, evwri rẹ aghọghọ vwẹ ẹdia rẹ omaemuohọ, ukpo re ejiro vwẹ ẹdia rẹ erhi ro sherua, rere e vwo se ayen ehahe rẹ evwata, ekankọn rẹ Ọrovwohwo, rere e vwo jiro.

Aizaya 60:21

Ihwo wẹn ejobi ke cha dia evwata; ayen ki che vwo otọ na bẹdẹ, eyoro cha rẹ ekankọn Mẹ, iruo re abọ Mẹ, rere a mrasan vwe urinrin kẹ vwẹ.

Aizaya 26:15

Ẹkẹvuọvo wẹ ri ru irere na bu, E Ọrovwohwo, wẹ ri ru irere na bu, wẹ ọye e jiri, wẹ re hẹre ughwru rẹ otọ na.

Une rẹ Ejiro 148:7

Jiri Ọrovwohwo na nẹ akpọ na rhe wẹ ikperanvwe rẹ abadi vẹ ikokodo ejobi,

Izikiẹl 39:13

Ihwo rẹ otọ na ejobi ri che shi ayen, ke che phiẹba ọghọ rẹ ayen vwẹ ẹdẹ re me da cha vwẹ urinrin mẹ phia, eriyin Ọrovwohwo Ọghẹnẹ tare.

Ẹfesọs 4:9

(Ra vwọ ta nẹ, O yeri kpenu, kidie ọ rha epha rha nọ nẹ o ke wotọ kpo orho rẹ igbephẹre?

1 Ikun rẹ Ivie 16:31

Jẹn idjuvwu ghọghọ, rere oma vwerhe akpọ, jẹn ayen ta vwẹ ohri rẹ ẹgborho na, Ọrovwohwo re uvie.

Une rẹ Ejiro 65:13

Aton na ejobi vwẹ igegede rhuẹrẹ oma, iyara na ejobi vwẹ eka rhuẹrẹ oma, ayen kperẹ ayen koko so ine rẹ aghọghọ.

Une rẹ Ejiro 148:9

Igbenu ride vẹ itete, irhe re mọ emamọ vẹ igedu ejobi!

Aizaya 12:5

So ejiro kẹ Ọrovwohwo, kidiẹ o ru emu rẹ urinrin; jẹn a riẹn ọnana vwẹ akpọ ejobi re.

Aizaya 43:1

Ẹkẹvuọvo Asakiephana enẹ Ọrovwohwo tare, ọ rọ ma wẹ, E Jekọp, ọ rọ mama owẹ, E Izrẹl. Wọ dje oshọ-ọ, kidie Me tan wẹ nure, Mẹvwẹ ri mu odẹ se we, wọwẹ ọmẹ.

Aizaya 43:7

kohwo kohwo ra vwẹ odẹ mẹ se, re me mare vwọ kẹ urinrin mẹ, re me mamare re Me mare

Aizaya 46:13

Mi bi esivwo Mẹ kẹre, o sheri-i, esivwo Mẹ che kri-i, Mi phi esivwo phihọ Zayọn vwọ kẹ Izrẹl urinrin Mẹ.

Aizaya 52:9

We koko va so ine, ovwan asan ifefe ri Jerusalẹm, kidie Ọrovwohwo bru ihwo rọye uche, ọ tan Jerusalẹm hirhe.

Jerimaya 31:11

Kidie Ọrovwohwo tan Jekọp nure, ọ je tan nẹ abọ rẹ ọ rọ gan nọ.

Izikiẹl 35:14

E nẹ Ọrovwohwo Ọghẹnẹ tare, rọ vwo dia aghọghọ kẹ akpọ na ọye me vwọ kua wẹ fiotọ na.

Ẹyano 18:9

Oma da vwerhe Jẹtro fiki rẹ emu esiri ejobi rẹ Ọrovwohwo ru kẹ Izrẹl, ro vwo si ayen nẹ obọ rẹ ihwo rẹ Ijipt.

1 Ikun rẹ Ivie 16:32

Jẹn urhie do vẹ obo re vọnrọ, jẹn aghwa ghọghọ, vẹ obo re vọnrọ ejobi!

1 Ikun rẹ Ivie 16:33

Kẹ irhe rẹ aghwa na so ine rẹ aghọghọ vwẹ obaro rẹ Ọrovwohwo, kidie o che guẹdjọ rẹ akpọ na.

Une rẹ Ejiro 69:35

Kidie Ọghẹnẹ se sivwi Zayọn ọ me rhoma bọn irere ri Juda; idibo rọye ke dia etiyin kẹ ayen vwo,

Une rẹ Ejiro 89:13

Wọwẹ ri vwẹ ugbobọ re ẹgba, obọ wẹn ganre, obọrhe wẹn kpenu gangan.