Aizaya 44:20 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁰ Ọ ria iwurhie; udu ra phienre sunro ghwru nure, o gbi se sivwi oma rọye-e tanẹ. O gbi rhe vwo efian vwẹ obọrhe mẹ na-a?

Aizaya 44:20 Referans Kwoze

Ọbe ri Pọl si rhe Ihwo ri Rom 1:28

Kirobo rẹ ayen rha rhọvwe reyọ phihọ Ọghẹnẹ na-a, Ọghẹnẹ de siobọ nẹ ayen kẹ udu ọbrabra rẹ ayen re ayen vwo ru obo ri je ayen.

Hosia 12:1

Ifrem Osun rẹ odju, ọ vwọ tua odju rẹ obaro ọnre vwẹ ẹdẹ na ejobi; ogbarogba vẹ ozighi ra rhoma buẹ phihọ; ayen vẹ Asiria re vwo ọrhọvwekugbe, ayen re muẹ ọfigbo kpo Ijipt.

Une rẹ Ejiro 102:9

Kidie me ra ria iwurhie kerẹ ikara, Me da vwẹ oviẹ mẹ gua udi mẹ,

ỌBE RẸ JOB 15:31

E jọ vwẹ ẹro kpahe ofefe, rọ phiẹn omobọ rọye-e; kidie ofefe na re cha dia osa rọye.

2 Timoti 2:13

ọ da dianẹ avwanre vwo esegbuyota-a dede, yo vwo esegbuyota kidie ọ sa sen omaobọ rọye-e.

Ọbe ri Pọl si rhe Ihwo ri Rom 1:25

Kidie ayen wene uyota rẹ Ọghẹnẹ kpẹ ofian, ayen da vwẹ ẹga vẹ ejiro vwọ kẹ uhoho ra mare nọ ekpuyovwi rẹ Ọmẹma na, ohwo re jiri bẹdẹ! Isẹ.

Hosia 4:12

Ihwo mẹ re duotọ rẹ akpọ vwẹ obọ rẹ ubrurhe, ọkpọ rayen kọye ayen vwọ bọ epha. Kidie urhuru sivwe rẹ ọfarhiẹ sun ayen ghwru, ayen da yan jẹn Ọghẹnẹ rayen vwo re gbe igberadja.

Ẹvwọphia 20:3

ọ da kparọ phihọ orho rẹ igbẹphẹre na, a da kare ẹchẹ gbe a da rharọ mu kokoroko, rere o vwo jẹ ẹgborho rẹ akpọ na ẹphiẹn ọfa, bẹsiẹ ikpe uriori na vwọ gba. Ọyena da wan nu ka rhan emerha.

Ẹvwọphia 18:23

kugbe erhanre rẹ urhukpẹ ọ gbe la vwẹ evun wẹn ọfa-a; kugbe urhuru rẹ ọpha yẹ ọshare rọye e gbi nyo vwẹ evun wẹn ọfa-a; kidie ineki wẹn hẹ ikpihwo ride rẹ akpọ na, ka phiẹn ẹgborho na ejobi fiki rẹ aroẹmrẹ wẹn.

Ẹvwọphia 13:14

vwẹ eka ra rhọvwe kẹ nẹ ọ ru vwẹ irharo rẹ eranvwe na, ọ da vwọ phiẹn ayen otu re dia akpọ na, ọ da ta kẹ ayen nẹ a kare oma rẹ eranvwe na ra vwẹ ọlọkọ nyavwe na yọ rhọvwe ghwu-u,

Ẹvwọphia 12:9

A da djẹ Okpodje rode na rhe otọ, ọrọdekọ rẹ awanre na, re se Idẹbono kugbe Ukọn na, ọphiẹn rẹ akpọ na ejobi–a da djẹ vẹ emakashe rọye ejobi wotọ.

2 Timoti 3:13

yẹ ihwo umwemwu kugbe otu ri muẹ odẹ kẹ oma re miovwẹ phihọ, e phiẹn yẹ a je ghwa phiẹn ayen.

1 Timoti 4:2

fiki rẹ omeru rẹ evwọrefian rọ vwara muẹ ndu rẹ ayen kerẹ umomo rẹ ogun,

Iyẹnrẹ Esiri ri Luk 15:16

Ephorhienẹ ra vwọ ghẹrẹ isi na kọye ọ vẹ ayen gbe sivwẹ ria; ohwo ọvuọvo rha kẹ ria-a.

Habakọk 2:18

Didi erere ọye oma vwori ọke rẹ ọwena na da kparọ, oma rẹ utehru, oyono rẹ efian? Kidie ọwena na vwẹ ẹro so obo rẹ ọye ọvo kare ọke rọ da kare oma ro diunu!

Jerimaya 16:19

E Ọrovwohwo, ogagan mẹ vẹ odjahọ mẹ, adjẹrhọ mẹ vwẹ ẹdẹ rẹ ukpokpogho, wọwẹ ẹgborho na ejobi che bre cha nẹ oba re akpo rhe tanẹ: Esẹ rẹ avwanre reuku rẹ emu ọvuọvo-o jokpa rẹ efian ọvo, erharhe rẹ emu ri fi erere-e?

Aizaya 59:13

ogbeku, kugbe ẹsiọn rẹ Ọrovwohwo, kugbe uko re chuku Ọghẹnẹ rẹ avwanre, ota rẹ oshenyẹ eta kugbe ozighi egbe, iroro umwemwu re roro vwẹ udu kugbe ota re efian ra tanẹ udu cha.

Isẹ 15:14

Iroro rẹ ohwo ro vwo ẹruọ guọnọ erianriẹn, ẹkẹvuọvo unu rẹ ẹkpa ughẹnghẹn ọ ria.

ỌBE RẸ JOB 15:2

Ọvwaghwanre sa vwẹ ẹriẹn rẹ aphopho kpahe ota, rọ da vwẹ odju rẹ obaro ọnre vwo vọn oma rọye?

Une rẹ Ejiro 115:4

Ema rayen idọnọ vẹ oro, iruo rẹ abọ rẹ ihwo.

Une rẹ Ejiro 144:8

rẹ unu rẹ ayen vwọrọ efian, re obọrhe rọye dia obọrhe rẹ efian.

Une rẹ Ejiro 144:11

Sivwi vwe nẹ ọlọkọ umwemwu, re wo sivwi vwe nẹ obọ rẹ erhorha, rẹ unu rọye vwọrọ efian, re obọrhe rọye dia obọrhe re efian.

Aizaya 47:10

Oma ko fu we vwẹ evun rẹ orukuruku wẹn, wọ da ta, Ohwo ọvuọvo mrẹ vwẹ-ẹ, aghwanre wẹn vẹ erianriẹn wẹn sun we ghwru, wọ da ta vwẹ udu wẹn, Mẹvwẹ, ono ọfa ji te vwe?

Aizaya 57:11

Ono wọ mrẹ guegue ru wọ da djẹ oshọ, re wọ vwọ vwọrọn efian, ru wo vwo je ẹkarohọ ovwẹ, wo rhe roro uvwe? O dianẹ mi rhurhu unu mẹ, vwe ọke grogro re, kọye wọ gbe dje oshọ mẹ-ẹ?