Aizaya 44:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ O vwo ohwo ro roro-o, eyẹ o vwo erianriẹn eyẹ evughe rọ vwọ tanẹ, Ubro rọye me torhẹre vwẹ erhanre nure, me da vwẹ esia rọye kake ikara, Me vwe eranvwe tọn me je riọ nure, kẹ ephraphrẹ ri chekọ na me rhoma vwo gbe ẹgua? Ki mi shiguẹ kẹ ubro rẹ urhe?

Aizaya 44:19 Referans Kwoze

Urhi Rivẹ 27:15

Ekan dia kẹ ohwo rọ kare oma eyẹ ohwo rọ ma oma ọye ẹgua kẹ Ọrovwohwo na, emu rẹ ọwena kare, re mu phihọ odjahọ, Ihwo na ejobi Me kpahe tanẹ, Isẹ.

1 Ivie 11:7

Etiyin Solomọn da rẹ umukpe kẹ Chemosh ẹgua ri Moab, kugbe Molẹk ẹgua rẹ ihwo rẹ Ammọn, vwẹ obenu rẹ ugbenu vwẹ obaro ọnre vwi Jerusalẹm.

1 Ivie 11:5

Kidie Solomọn kẹ Ashera rẹ ẹdjo rẹ ihwo ri Sidọn kọye o nene, kugbe Milkọm rẹ ẹgua rẹ ihwo rẹ Ammọn.

Hosia 7:2

Ẹkẹvuọvo ayen gbi rhe roro-o nẹ me karoho iruo ọbrabra raye-en. Asakiephana uruemu rayen riariẹ ayen phihọ, ayen hẹ obaro mẹ.

Izikiẹl 40:4

Ohwo na da ta kẹ vwẹ, Ọmọ rẹ ohwo, vwẹ ẹro wẹn ni, ru wọ vwẹ erhọn wẹn nyo, ru wọ vwẹ iroro kpahe obo ri mi che dje kẹ wẹ na, kidie a reyọ owẹ rhe etinẹ rere mi vwo dje kẹ wẹ, ghwoghwo obo re wọ mrẹre ejobi kẹ uwevwi rẹ Izrẹl.

Aizaya 45:20

Ghwẹ oma wẹn koko re wọ rhe, we siọma koko, ovwan ihwo ri ghwu chekọ vwẹ ẹgborho na, Ayen vwo erianriẹ-ẹn ri mu ẹdjọ re ibrirhe ghoro na, re ra nẹ ẹrhovwo kẹ edjọ ro se sivwẹ-ẹ.

Aizaya 5:13

Fiki rẹ ọtiọye na ihwo mẹ vwo kpo ijọpha fiki rẹ ughẹghẹn rayen, ihwo ri vwo ọghọ vwẹ usun rayen owẹvwe ro hwe ayen ghwẹ, ibuebu rayen yamu fiki rẹ urhuru rẹ ame.

Ivie rẹ Ivẹ 23:13

Ovie na de gbe egbada rẹ hẹ obaro ọnrẹ vwi Jerusalẹm na ẹgua rhiri re te obọhwẹre ọnre rẹ ugbenu rẹ ogbiru, ri Solomọn ovie rẹ Izrẹl bọnre kẹ Ashtarọt ẹgua rẹ ihwo ri Saidọn, rọ bọnre ki Shemosh ẹgua ri Moab, rọ bọnre kẹ Milkọm ẹgua rẹ ihwo rẹ Amọn.

Urhi Rivẹ 32:46

ọ da ta kẹ ayen nẹ, Ovwan Me karohọ eta ejobi ri mi ji urhi kẹ ovwan nonẹ na, rere we ji ayen kẹ emọ rẹ ovwan, rere ayen vwo ru dẹndẹn vwọ yọnrọn eta rẹ urhi nana.

Ẹyano 7:23

Fero rhẹriẹ oma o de kpo uwevwi rọye, ọ rha karohọ enana vwẹ udu rọye-e.

Hegae 1:5

Asakiephana kenẹ Ọrovwohwo rẹ otuofovwi na tare: Gbe roro obo ri wo yeri te.

Aizaya 46:8

Karophihọ Ọnana ri wo roro kpo eran, rẹ orukuruku wẹn,

Ivie rẹ Ivẹ 23:14

Ọ da guọghọ ẹshẹ na ivwivwuvwu, ọ da nyavwe ighriki na bruotọ, ọ da vwẹ ibekun rẹ ihwo gbe asan rayen ephan.

Aizaya 44:18

Ayen riẹnre-c, eyẹ ayen vughe-e, kidie o rhurhu ẹro rayen, o gbi jẹn ayen mrorẹ-ẹ, o rhurhu udu rayen, o gbi jẹn ayen riẹn otọ rọye-e.

Aizaya 66:3

Ohwo ro hwe erhuẹn ọ je họhọ ọ ro hwe ohwo, ohwo rọ vwẹ egbo ze izobo, kerẹ ohwo ro vwirhi ohọre rẹ eranko, ohwo ro ze izobo rẹ ọka, kerẹ ohwo rọ vwẹ ọbara rẹ esi ze izobo, ohwo rọ vwẹ adjija torhẹ izobo rẹ ẹkarophihọ, kerẹ ohwo rọ nẹ ẹrhovwo kẹ oma. Enana je idjerhe robọ rayen, erhi rayen ke ghọghọ vwẹ ẹgua egbe rayen,

Hosia 4:12

Ihwo mẹ re duotọ rẹ akpọ vwẹ obọ rẹ ubrurhe, ọkpọ rayen kọye ayen vwọ bọ epha. Kidie urhuru sivwe rẹ ọfarhiẹ sun ayen ghwru, ayen da yan jẹn Ọghẹnẹ rayen vwo re gbe igberadja.