Aizaya 44:17 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁷ Abọvo ro chekọ ọ da vwọ kare ẹdjọ, kẹ oma rọye; o shiguẹ kẹ ọ da gọ, ọ da nẹ ẹrhovwo kẹ tanẹ, sivwi vwe, kidie wọwẹ ọye Ọghẹnẹ mẹ.

Aizaya 44:17 Referans Kwoze

Aizaya 45:20

Ghwẹ oma wẹn koko re wọ rhe, we siọma koko, ovwan ihwo ri ghwu chekọ vwẹ ẹgborho na, Ayen vwo erianriẹ-ẹn ri mu ẹdjọ re ibrirhe ghoro na, re ra nẹ ẹrhovwo kẹ edjọ ro se sivwẹ-ẹ.

Daniẹl 6:27

Ọ sẹro o ji sivwẹ, O ruẹ eka vẹ igbunu vwẹ odjuvwu vẹ akpọ na, Ohwo ro sivwi Daniẹl nẹ ogangan rẹ ikpohrokpo na.

Daniẹl 6:16

Etiyin ovie na de ji urhi a da ghene reyọ Daniẹl rhe ayen de muo teye unu rẹ ikpohrokpo. Ovie na da ta kẹ Daniẹl, E jẹn Ọghẹnẹ wẹn ru wọ ga ọke ejobi sivwi uwe.

Daniẹl 3:29

Fiki rẹ ọtiọye na mi ji urhi; kohwo kohwo ẹgborho eyẹ ephẹrẹ rọ ta ota kpahe Ọghẹnẹ ri Shadrak, Meshak, vẹ Abẹdnigo na ka sha awọ nẹ ayen oma, a me rha guọghọ iwevwi rayen te otọ, kidie o rhe vwo Ọghẹnẹ ọfa ro se sivwi ihwo vwẹ idjerhe nana-a.

Daniẹl 3:17

O da dia ọtiọye, Ọghẹnẹ rẹ avwanre rẹ avwanre ga na se sivwi avwanre nẹ ogidi erhanre na, o ji si avwanre nẹ obọ wẹn, E Ovie.

Aizaya 37:38

Ọke rọ vwọ gọ ẹdjọ rọye Nishrọk vwẹ uwevwi rẹ ẹdjọ na re, Adrammelẹk kugbe Sharezar re emọ rọye, da vwẹ ọlọkọ nyavwọ hwe, ayen da djẹ kpo otọ rẹ Ararat Esarha-dọn da re vwẹ ẹdia rọye.

1 Ivie 18:26

Ayen da reyọ erhuẹn na, ayen da va, ayen de se odẹ ri Baal nẹ irhiọke te oghẹruvo, tanẹ, E Baal nyo avwanre Ẹkẹvuọvo e nyo urhuru ọvuọvo-o, ohwo ọvuọvo nyori-i. Ayen de pho kreikrei riariẹ agbada rẹ ayen soro na.

Iruo rẹ Iyinkọn na 19:27

Ọna okpetu rode ọ dianẹ eki rẹ avwanre na ọvo ri che she-e ẹkẹvuọvo uwevwi rẹ ẹga rẹ ẹdjọ rode na Atẹmis na ji che she rhe, erhuvwu rọye kọ cha ghwọrọ, ẹdjọ rẹ Esha kugbe akpọ na ejobi ga.

1 Ivie 18:28

A da van gangan, ayen da vwẹ erakivẹ bru oma kirobo rẹ uruemu rayen epha, bẹsiẹ rẹ ọbara ki rhi hwẹ ku ayen oma.

Aizaya 2:8

Otọ rayen vọnre vẹ ema ayen diguẹ kẹ iruo rẹ obọ rayen, kẹ obo rẹ ayen vwẹ irhiabọ rayen ru.

Aizaya 44:15

Etiyin o de rhi hirhe phihọ urhe re vwo mu erhanre ọ reyọ abọvo rọye ọ de vwo koko erhanre kẹ oma rọye rere ọ dia, ọ vwi ro koko erhanre ọ da kaka ikara vwọ, o vrẹn ọ da vwẹ abọ ro chekọ kare oma ọ da gọ, ọ da vwọ kare oma re bru ona phihọ o de she diguẹ kẹ.

Aizaya 44:16

Abọvo rọye ọ torherẹ vwẹ erhanre; abọvo ro chekọ kọye ọ vwọ re eranvwe, ọ da vwẹ eranvwe tọn evun da vọn, ọ da je dia erhanre rọye, tanẹ, Eghwo, Oma mẹ tuabọre, me mrẹ erhanre re.

Aizaya 46:6

Ayen otu re rhaphie oro ne evun re ekpo rayen, re vwẹ uwan vwanvwọn idọno ri durhie odjogu, ro vwo duvwu ẹdjọ kẹ wẹ, etiyin ayen she diguẹ ayen me gọ!

Hosia 13:2

Asakiephana kẹ ayen ruẹ umwemwu buẹ phihọ, ayen de duvwu oma ra wranre kẹ oma rẹ ayen, oma ra vwẹ idọnọ efuanfon vwo ru re bru ona phihọ, ayen ejobi iruo rẹ ọwena. We ze izobo kẹ enana, ayen me ta, ihwo ke fiọnfiọn ema rẹ irhuẹn unu!

Jerimaya 2:27

Re ta kẹ urhe, “Wọwẹ ọsẹ mẹ,” vwọ kẹ olalọ Wẹ ri vwiẹ vwẹ. Kidie ayen chuko ku vwe, ọ dia opharo raye-en. Ẹkẹvuọvo ọke rẹ ukpokpogho rayẹn ayen me ta, vrẹn wo sivwi avwanre.

Maika 5:12

ke Me nyavwe ihwo re mraro vwẹ otọ wẹn kufia wo gbi che vwo ihwo re mraro ọfa-a;

Habakọk 2:19

Ekan kẹ ohwo ro ta kẹ urhe rọ kare, nẹ Rhọvwọ rọ ta kẹ oragha ro diunu nẹ, Vrẹn! ọnana se dje otọ rẹ emu phia? Nighe, a nabọ vwẹ oro vẹ idọnọ efuanfon vwọ pharọ o vwo ẹnwẹn vwẹ oma rọye kaka-a.