Aizaya 44:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ Etiyin o de rhi hirhe phihọ urhe re vwo mu erhanre ọ reyọ abọvo rọye ọ de vwo koko erhanre kẹ oma rọye rere ọ dia, ọ vwi ro koko erhanre ọ da kaka ikara vwọ, o vrẹn ọ da vwẹ abọ ro chekọ kare oma ọ da gọ, ọ da vwọ kare oma re bru ona phihọ o de she diguẹ kẹ.

Aizaya 44:15 Referans Kwoze

2 Ikun rẹ Ivie 25:14

Rẹ Amazaya vwo nẹ ihwehwe rẹ ihwo rẹ Idọm rhe nu, ọ da reyọ ẹdjọ rẹ ihwo ri Seir rhe, ọ da vwẹ ayen vi kẹ ẹdjọ rọye, ọ da ga ayen, o de ze izobo kẹ ayen.

Ẹvwọphia 9:20

Ihwo rẹ akpọ na ri chekọ, rẹ ọtiekọ na hweri-i, ji se kurhẹriẹ nẹ iruo rẹ abọ raye-en eyẹ siobọ nẹ egagọ rẹ idẹbono kugbe ema rẹ oro kugbe idọnọ efuanfon kugbe ẹrovwo kugbe oragha kugbe urhe, re sa mrẹ-ẹ eyẹ nyo eyẹ yan;

Aizaya 45:20

Ghwẹ oma wẹn koko re wọ rhe, we siọma koko, ovwan ihwo ri ghwu chekọ vwẹ ẹgborho na, Ayen vwo erianriẹ-ẹn ri mu ẹdjọ re ibrirhe ghoro na, re ra nẹ ẹrhovwo kẹ edjọ ro se sivwẹ-ẹ.

Aizaya 44:10

Ono re kare ẹdjọ eyẹ ono ri duvwu oma, ro vwo erere ọvuọvo-o na?

Iguẹdjọ 2:19

Ẹkẹvuọvo ọke re oguẹdjọ na de ghwu nure, ayen Me rhoma re ru uruemu rọ branọ uruemu rẹ esẹ rayen, edjọ efa keye ayen nene, keye ayen ga vwẹ uyovwi te otọ kẹ, ayen rhọvwe siobọ nẹ uruemu rẹ udu ọgangan rẹ ayen na-a.

Aizaya 44:14

O de she igẹdu teye otọ, ọ da sanọ omamọ rẹ ọhahe eyẹ owangha ọ da fọ kẹ rere ọ rho kpo omamọ rẹ urhe vwẹ evun rẹ egbo na, ọ da kọn igẹdu osio da nabọ ghẹrẹ.

Aizaya 44:16

Abọvo rọye ọ torherẹ vwẹ erhanre; abọvo ro chekọ kọye ọ vwọ re eranvwe, ọ da vwẹ eranvwe tọn evun da vọn, ọ da je dia erhanre rọye, tanẹ, Eghwo, Oma mẹ tuabọre, me mrẹ erhanre re.

Aizaya 44:17

Abọvo ro chekọ ọ da vwọ kare ẹdjọ, kẹ oma rọye; o shiguẹ kẹ ọ da gọ, ọ da nẹ ẹrhovwo kẹ tanẹ, sivwi vwe, kidie wọwẹ ọye Ọghẹnẹ mẹ.

Aizaya 46:6

Ayen otu re rhaphie oro ne evun re ekpo rayen, re vwẹ uwan vwanvwọn idọno ri durhie odjogu, ro vwo duvwu ẹdjọ kẹ wẹ, etiyin ayen she diguẹ ayen me gọ!

Aizaya 2:8

Otọ rayen vọnre vẹ ema ayen diguẹ kẹ iruo rẹ obọ rayen, kẹ obo rẹ ayen vwẹ irhiabọ rayen ru.