Aizaya 43:17 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁷ rọ vwe akpẹre rẹ ofovwi vẹ iyesi cha, utuofovwi vẹ onotu rẹ ofovwi; ayen sherhẹ te otọ, ayen gbi se vrẹ-ẹn, e furhie ayen,ayen furhie tẹ otọ kerẹ erhanre rẹ urhukpẹ,

Aizaya 43:17 Referans Kwoze

Aizaya 1:31

Ọgba kọ cha dia kerẹ oma, iruo rọye kọ sa unwe, ayen ivẹ ke cha tọn kugbe, o gbi vwo ohwo ro fuẹ aye-en.

Une rẹ Ejiro 118:12

Ayen da gba riariẹ ovwẹ kere ọnyọn ayen re muẹ la kere erhanre re inwe; vwe odẹ rẹ Ọrovwohwo me da nyavwe ayen kufia !

Ẹyano 15:4

Te akpẹrẹ ri Fero vẹ ihwo rọye ọ kpare ayen phihọ evun rẹ abadi, ilori rẹ ofovwi rọ sanọre idivwi ghwu vwẹ evun rẹ Abadi ọvwavware na.

Matiu 12:20

O che vwirhi ugbẹn rẹ eyareya-a, Eyẹ o che se fu umwerhanre-e, Bẹsiẹ ro che vwo brorhiẹ na ejobi kparobọ.

Ẹyano 15:19

Kidie ọke rẹ iyesi ri Fero vẹ akpẹrẹ rọye vẹ ihwo re gua iyesi rọye vwọ ro evun rẹ abadi na, Ọrovwohwo da vwẹ ame rẹ abadi na vwo rhurhu ayen; ẹkẹvuọvo emọ rẹ Izrẹl da wan otọ ọyaya vrẹn vwẹ uherevie rẹ abadi na.

Jerimaya 51:21

wẹ me vwọ guọghọ iyesi vẹ ọ rọ gua ibribro; wẹ me vwọ guọghọ ekpẹrẹ vẹ ọ rọ gua ibribro;

Izikiẹl 38:4

mi ku we rhẹriẹ, ke me vwẹ eghọre sa ọhwa wẹn, ki mi kpono uwe phia, vẹ usun rẹ ofovwi wẹn, iyesi vẹ ihwo re gua ayen, ayen ejobi nabọ ghwa ekpọfia họ, usun rẹ ihwo buebu, ayen ejobi vẹ oshuẹ vẹ agada kugbe elọkọ re go,

Iguẹdjọ 4:16

Barak da vwọ tua otu ri idjighere na vẹ otu ofovwi rọye re te Harọshẹtagoiim, a da vwẹ ọlọkọ hwe otu ofovwi ri Sisira ejobi; ọshare ọvuọvo gbi chekọ-ọ.