Aizaya 43:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Mẹvwẹ, Mẹvwẹ Ọrovwohwo na, Osivwi ọfa gbe herọ nọ vwẹ-ẹ.

Aizaya 43:11 Referans Kwoze

Hosia 13:4

Mẹvwẹ Ọrovwohwo rẹ Ọghẹnẹ wẹn nẹ otọ rẹ Ijipt rhe; wọ riẹn Ọghẹnẹ ọfa vrẹn vwẹ-ẹ ọ dia omẹvwẹ-ẹ osivwi ọfa gbe herọ-ọ.

Aizaya 44:6

Enẹ Ọrovwohwo tare nẹ, Ovie rẹ Izrẹl vẹ Ọtan rọye Ọrovwohwo rẹ otuofovwi na: Mẹvwẹ ọ rẹ ẹsosuọ Mẹvwẹ ọ rọ ka oba Ọghẹnẹ ọfa gbe herọ vrẹn vwẹ-ẹ.

Aizaya 43:3

Kidie Mẹvwẹ Ọrovwohwo Ọghẹnẹ wẹn, Ọfuanfon Ọvuọvo rẹ Izrẹl na, Osivwi wẹn Mi phi Ijipiti phihọ ijọpha kẹ wẹ. A vwe Etiọpia kugbe Seba vwo wene kẹ wẹ

Iruo rẹ Iyinkọn na 4:12

Esivwo rha hẹ oma rẹ ohwo ofa-a, kidie odẹ ọfa rha hẹ otọ rẹ odjuvwu re mu kẹ ihwo ro se sivwi avwanre-e.

Aizaya 12:2

Nighere, Ọghẹnẹ esivwo mẹ; ọye me vwẹ ẹro so, oshọ gbi mu vwe-e; kidie Ọrovwohwo Ọghẹnẹ ọye ogangan mẹ kugbe une mẹ, ọ rha rhoma hirhe esivwo mẹ re.

Aizaya 44:8

Wọ djẹ oshọ-ọ, eyẹ wo bru udu-u, Me rha vuẹ wẹ jovwo nẹ awanre rhe-e? Ovwan ọye iseri mẹ! Ọghẹnẹ ọfa je herọ nọ vwẹ? O vwo Oragha ọfa-a, Me je riẹn ọfa-a.

Urhi Rivẹ 6:4

E nyo, E Izrẹl; Ọrovwohwo Ọghẹnẹ avwanre na Ọrovwohwo ọvuọvo;

Ọbe ri Jud 1:25

vwọ kẹ Ọghẹnẹ ọvuọvo na, Osivwi rẹ avwanre vwẹ oma ri Jesu Kristi Ọrovwavwanre ọye a vwẹ urinrin, ọrho, isuesun, kugbe ogangan kẹ, vwẹ ọke ejobi kugbe asakiephana bẹdẹ bẹdẹ. Isẹ.

2 Pita 3:18

Ẹkẹvuọvo gba rho vwẹ evun rẹ ẹserọphẹ kugbe erianriẹn rẹ Ọrovwavwanre kugbe Osivwi rẹ avwanre Jesu Kristi. Ọye a vwẹ urinrin kẹ vwẹ asakiephana rhiri re te ẹdẹ ri bẹdẹ na. Isẹ.

Iyẹnrẹ Esiri ri Luk 2:11

Nonẹ na e vwiẹ Osivwi vwẹ obo orere ri Devid, re se Kristi Ọrovwohwo.

Hosia 1:7

Ẹkẹvuọvo me re ehrọre rẹ uwevwi ri Juda, ki mi sivwi ayen vwẹ oma rẹ Ọrovwohwọ rẹ Ọghẹnẹ rayen, Me vwẹ umurhabọ sivwi aye-en, eyẹrẹ ọlọkọ, eyẹrẹ ofovwi eyẹrẹ Iyesi, eyẹrẹ ihwo re gua iyesi.

Ẹvwọphia 1:11

rọ tanẹ, Si obo ru wọ mrẹre na phihọ ọbe re wo vwo rhe ishọshi ighwrẹ na, vwo rhe Ẹfesọs kugbe Simana kugbe Pẹgamọm vwo rhe Taetira vwo rhe Sadis vwo rhe Filadẹlfia vwo rhe Laodisia.

1 Jọn 4:14

Avwanre mrẹrẹ avwanre je hẹ iseri nẹ Ọsẹ na ji Ọmọ na rhe nẹ ọ rhe dia Osivwi rẹ akpọ na.

Taitọs 2:13

Avwanre ra hẹrhẹ ebruphihọ rẹ iphiẹrohọ rẹ ẹdẹ rẹ ẹcha rọye, ẹvwọphia rẹ urinrin rẹ Ọghẹnẹ Ọsivwi rẹ avwanre rode na Jesu Kristi.

Taitọs 2:10

Ayen gbe ota phihọ ayen unu-u, ayen tọrọ obọ-ọ, ẹkẹvuọvo ayen nabọ vwẹ uruemu esiri phia, rere ihwo vwo mu ọghọ kẹ uyono rẹ Ọghẹnẹ Osivwi rẹ avwanre, vwi kemu kemu.

Iyẹnrẹ Esiri ri Luk 1:47

Ẹnwẹ mẹ ghọghọre vwẹ oma rẹ Ọghẹnẹ Osivwi mẹ.

Une rẹ Ejiro 3:8

Esivwo ọ rẹ Ọrovwohwo; ebruba wẹn dia enu rẹ ihwo wẹn!

Aizaya 19:20

Kọ dia oka vẹ iseri kẹ Ọrovwohwo rẹ otuofovwi na vwẹ otọ rẹ Ijipt ọke rẹ ayen de che kperi se Ọrovwohwo fiki rẹ oshenyẹ kọ vwẹ osivwi rhe ayen, kọ chochọ rayen o mi sivwi ayen.

Aizaya 42:8

Mẹvwẹ Ọrovwohwo, ọye odẹ mẹ; urinrin mẹ me sa vwọ kẹ ohwo ọfa-a, eye ejiro me vwọ kẹ ema ra mare-e.

Aizaya 60:16

Wo che viẹ ame ivie rẹ ẹgborho na, ku wo viẹ ivie rẹ ivie; ku wọ riẹn nẹ Mẹvwẹ, Ọrovwohwo na, Osivwi wẹn Ọtan wẹn, Ọgba Ọvuọvo ri Jekọp na.

Zekaraya 9:9

Ghọghọ gangan, E ọmọtẹ ri Zayọn! Kperi gan, E ọmọtẹ ri Jerusalẹm! nighe, ovie wẹn bru uwe cha ohwo ro phi kparobọ rẹ omavwerha, dẹndẹn ọ gua ekẹtẹkẹtẹ, upene ọmọ rẹ ekẹtẹkẹtẹ.

Jona 2:10

Ọrovwohwo da ta ota kẹ eri na, ọ da kpa Jona phihọ otọ ọyaya.