Aizaya 42:25 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁵ Etiyin o de ku ọtotorhe rẹ ophu rọye kuo kugbe ẹgba rẹ ofovwi rọye, ọ da vwe erhanre riarie phihọ, ẹkẹvuọvo yo riẹnre-e, ọ torhẹre, ẹkẹvuọvo ayen se roro mrẹ-ẹ.

Aizaya 42:25 Referans Kwoze

Hosia 7:9

Erhorha guọghọ ogangan rọye phihọ otọ, jẹ ọ riẹnre-e, esha di mu djẹ vwẹ uyovwi rọye, jẹ ọ riẹnre-e.

Aizaya 57:11

Ono wọ mrẹ guegue ru wọ da djẹ oshọ, re wọ vwọ vwọrọn efian, ru wo vwo je ẹkarohọ ovwẹ, wo rhe roro uvwe? O dianẹ mi rhurhu unu mẹ, vwe ọke grogro re, kọye wọ gbe dje oshọ mẹ-ẹ?

Malakae 2:2

Wa gbe rha kerhọ-ọn, wa gbe vwẹ udu roro-o re wa da vwẹ urinrin kẹ odẹ mẹ-ẹ, eriyin Ọrovwohwo rẹ otuofovwi na tare, ke me cha harhe ovwan ekan ki mi che duvwu iyori phihọ ebruphihọ rẹ ovwan, uyota me tobọ harhe ovwan nure, kidie wa vwẹ udu rẹ ovwan roro-o.

Aizaya 57:1

Ọvwata de ghwọrọ, ye ohwo ọvuọvo roro-o, ihwo esiri a kua ayen yanran, ye ohwo ovuọvo riẹ-ẹn. Kidie e si ọvwata nẹ okpetu,

Ivie rẹ Ivẹ 25:9

Ọ da torhẹ uwevwi rẹ Ọrovwohwo na, kugbe ighẹn rẹ ovie na, kugbe iwevwi ejobi rẹ Jerusalẹm; ọ da torhẹ ikpi iwevwi na ejobi muotọ.

Nahum 1:6

Ono ri se mudia hẹrhẹ ophu rọye? Ono se chirako rẹ ọrhorho rẹ ivuemiovwo rọye? Ọ kpare ophu rọye ku kerẹ erhanre, o de hwe eragha na ibribro.

Izikiẹl 20:34

Me reyọ owẹ nẹ ohrl rẹ ihwo na rhe, me ghwẹ wẹ koko nẹ irho ra hra wẹ ra rhe, vẹ obọ rẹ ẹgba mẹ kugbe ogangan rẹ igbabọ mẹ vẹ ophu ọgangan mẹ.

Jerimaya 5:3

E Ọrovwohwo ẹro wẹn gbe rha mrẹ uyota? wọ teyọ ayen she, ẹkẹvuọvo yọ miavwẹ aye-en. Wọ guọghọ ayen yẹ ayen kuobọ rhẹriẹ-ẹ, ayen ru opharo rayen gan nọ oragha ayen rhọvwe kurhẹriẹ-ẹ.

Aizaya 47:7

Wọ da ta, Me dia oni bẹdẹ, fiki re ọtiọye na wo gbi roro imu nana eyẹ wọ rha karophihọ oba raye-en.

Aizaya 29:13

Ọrovwohwo na da ta: Fikiridie ihwo nana vwẹ ugbunu rayen si kẹre ovwẹ ayen da vwẹ ẹbẹrunu rayen mu ọghọ kẹ vwẹ, yẹ udu rayen sheri kẹ vwẹ, oshọ mẹ rayen djẹ da dia urhi rẹ ihwo rẹ akpọ re erianriẹ rẹ ayen yono phihọ uyovwi;

Aizaya 9:13

Ihwo na rhivwi bru ọ rọ ghwiẹ aye-en eyẹ vwọ guọnọ Ọrovwohwo rẹ otuofovwi na-a.

Urhi Rivẹ 32:22

Kidie ophu mẹ koko erhanre phihọ nure, ọ cha torhẹ ọ rọ hẹ evun re obo Erivwi. ọ cha ghwọrọ akpọ vẹ ebuo rọye ejobi, ko phi erhanre phihọ uchivwo rẹ igbenu ejobi.

ỌBE RẸ JOB 40:11

Gbe ku ophu wẹn kuotọ, ni ohwo kohwo rọ herẹ, re wo vwo kpotọ.

Aizaya 5:25

Kọye ophu rẹ Ọrovwohwo vwọ tua kpahe ihwo rọye, ọ da riẹn obọ kpahe ayen ọ da ghwiẹ ayen, igbenu na de kpogho irivwi rayen kerẹ ikueku vwẹ uherevie rẹ urhuvwu Vwẹ enana ejobi na ophu rọye ji fue-e, yẹn obọ rọye je riẹn phia rhe.

Aizaya 9:19

Fiki rẹ ophu rẹ Ọrovwohwo rẹ otuofovwi na otọ na vwọ torhẹ na ihwo na kerẹ irhe re vwo mu erhanre, o vwo ohwo ọvo rọ yan jẹ oniọvo rọye vwo-o.

Aizaya 48:8

Wo ji nyo dẹvo-o wo je riẹn devo-o, ne awanre rhe erhọn wẹn ji rhie-e. Kidie Me riẹnre nẹ wo se ru emu ogbarogba, ne nẹ ọke evwiẹ we rhe we onogbozighi.

Jerimaya 7:20

Vwẹ ọtiọye na enẹ Ọrovwohwo Ọghẹnẹ na tare: Nighe, mi che ku ivuemiovwo mẹ vẹ ophu mẹ phihọ etinẹ na, phihọ enu rẹ ohwo vẹ eranvwe, phihọ enu rẹ irhe rẹ aghwa vẹ emamọ rẹ otọ na, ọ cha la e se fuo-o.

Jerimaya 12:11

Ayen ruro phihọ ofefe, ofefe, o muomahọ kẹ vwẹ. E ru otọ na soso phihọ ofefe, ẹkẹvuọvo ohwo rọ dare herọ-ọ.

Uvwerhe 2:3

Ọ guọghọ ogangan rẹ Izrẹl ejobi vwẹ evun rẹ ophu ọgangan rọye. O de si obọrhe rọye nẹ ayen oma vwẹ obaro rẹ ivwighrẹ; na, kọ torhẹ kere ogidi erhanre vwi Jekọp, ejobi kọ torhẹ riariẹ

Uvwerhe 2:4

O wurhu umurhabọ rọye kere ọvweghrẹ. Ọ vwẹ obọrhe rọye sio phihọ kerẹ ọvweghrẹ, ọ da guọghọ eheri rọ hẹ opharo rẹ avwanre vwẹ utughẹ rẹ ọmọte ri Zayọn, Ọ kpare ophu rọye ku kerẹ erhanre.