Aizaya 41:27 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁷ Mẹvwẹ re ka ta kẹ Zayọn, Me da vwẹ aghwoghwọ rẹ ikun esiri kẹ Jerusalẹm.

Aizaya 41:27 Referans Kwoze

Aizaya 40:9

Yanran kpo enu rẹ ugbenu ro kpenu, E Zayọn, aghwoghwo rẹ ikun esiri na, kpare urhuru wẹn kpenu vẹ ogangan, E Jerusalẹm, aghwoghwo rẹ ikun esiri na, vrẹn mudia, wọ dje oshọ-ọ, ta ke irere ri Juda, Nighere Ọghẹnẹ wẹn na.

Aizaya 52:7

Mavọ awọ rayen yovwi te vwẹ enu rẹ igbenu na ayen ihwo re ghwa ikun esiri na rhe, ri ghwoghwo ufuoma, rọ ghwa ikun esiri oyoyovwi, ri ghwoghwo esivwo, rọ ta kẹ Zayọn, Ọghẹnẹ wẹn herọ ria uvie.

Nahum 1:15

Nighe, vwẹ obenu rẹ ugbenu na gbe ni awọ rẹ ihwo re ghwa ikun esiri na cha; ri ghwoghwo ufuoma! Re ore wẹn, E Juda, gbe ru ive wẹn gba, kidie ohwo umwemwu gbe cha vwo so wẹ bẹdẹ-ẹ a nyavwerọ kufia tototo.

Aizaya 48:3

Emu ri jovwo na Me tare rhabae rhe, i nẹ unu mẹ rhe Me da vwẹ ayen phia, kpregede na Mi de ru ayen i de ghine rhi ru.

Aizaya 44:28

rọ ta kpahe Sairọs, Ọye osuigegede mẹ, ko che ru iroro mẹ ejobi gba; kọ ta kpahe Jerusalẹm, nẹ, Ka cha bọn wẹ, vwọ kpahe uwevwi na nẹ, Ka cha tọn uchivwo wẹn phihọ otọ.

Ẹvwọphia 2:8

Kẹ enẹ o si rhe amakashe rẹ ishọshi ri Simana. Eta rẹ ohwo rẹsosuọ kugbe ọ rọ ka oba, ohwo ro ghwuru rọ da rhoma varhe.

Ọbe ri Pọl si rhe Ihwo ri Rom 10:15

Komavọ ayen se ghwoghwo jokpa nẹ e ji ayen? kirobo re siro, mavọ awọ rẹ ayen otu ri ghwoghwo iyẹnrẹ esiri na yovwi te!

Aizaya 48:12

Kerhọn mẹ, E Jekọp, kugbe Izrẹl, ri mi seri! Mẹvwẹ Ọye, Mẹvwẹ ọ rọ ẹsosuọ je Mẹvwẹ re cha ka oba.

Aizaya 44:6

Enẹ Ọrovwohwo tare nẹ, Ovie rẹ Izrẹl vẹ Ọtan rọye Ọrovwohwo rẹ otuofovwi na: Mẹvwẹ ọ rẹ ẹsosuọ Mẹvwẹ ọ rọ ka oba Ọghẹnẹ ọfa gbe herọ vrẹn vwẹ-ẹ.

Aizaya 43:10

Ovwan iseri mẹ, eriyin Ọrovwohwo tare, kugbe odibo mẹ re me jẹreyọ na, wo vwọ riẹn vwo se vwẹ gbuyota wọ vwọ mrẹ vughe nẹ Mẹvwẹ ọye Tavwe Me ke herọ ya je ma eghẹnẹ vuọvo-o, eye ọfa ra je cha ma vwe ọbuko mẹ herọ-ọ.

Aizaya 41:4

Kono vwẹ ona vwo ru ọnana, ro se orua na nẹ ẹtuọho rhe? Mẹvwẹ, Ọrovwohwo na, ọye ẹsosuọ, kugbe ọ rọ ka oba, Mẹvwẹ ọye.

Aizaya 46:9

Karophihọ imu rẹ awanre, kidie Mẹvwẹ Ọghẹnẹ, o gbi vwo ọfa-a, Mẹvwẹ Ọghẹnẹ, ọfa rọ họhọ ovwẹ gbe herọ-ọ,