Aizaya 41:24 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁴ Nighere, wọ dia emuọvo-o, iruo wẹn je hẹ ofefe, Ẹgua kẹ ohwo rọ jẹn wẹ.

Aizaya 41:24 Referans Kwoze

1 Kọrẹnt 8:4

Kọye, vwọ kẹ ẹriọ rẹ emu ra vwọ gọ iye na, avwanre riẹnre nẹ ẹdjọ dia emuọvo vwẹ akpọ na-a, yẹ Ọghẹnẹ ọfa herọ-ọ jokpa rẹ ọvuọvo na.

Une rẹ Ejiro 115:8

Ihwo re kare ayen je họhọ ayen; ọtiọye ji ihwo re vwẹ ẹro so ayen.

Aizaya 41:29

Nighere, ayen ejobi ophiẹvwe, iruo rayen odiodi, oma ra wranre na odju ofefe.

Jerimaya 10:8

Ayen pha djidji gheghẹ, Uyono ra mrẹ nẹ oma rayen rhe gbe vrẹn urhe-e.

Ẹvwọphia 17:5

e de si odẹ rẹ igbunu tamuo arhare; Babilọn rode na, oni rẹ igberadja kugbe omaetuo rẹ akpọ na.

Jerimaya 10:14

Kohwo kohwo ejobi pha djidji gheghẹ, oma cha vo iduvwiro ejobi fiki rẹ edjọ rayen. Kidie ema rọye na ejobi efian, ẹnwẹn hẹ evun raye-en.

Aizaya 66:24

Ke ayen cha yan phia rhi ni irivwi rẹ ihwo ri gbe ozighi kpahe ovwẹ, kidie ihori rayen che ghwu-u, erhanre rayen che fu-u, ke ayen cha dia ometuo keẹ ihwo ejobi.

Aizaya 37:19

ayen da kpare ẹdjọ rayen phihọ erhanre; kidie ayen dia edjọ-ọ, ẹkẹvuọvo iruo rẹ obọ re ohwo, urhe vẹ oragha, kọye ọ vwọ ghwọrọ ayen.

Urhi Rivẹ 27:15

Ekan dia kẹ ohwo rọ kare oma eyẹ ohwo rọ ma oma ọye ẹgua kẹ Ọrovwohwo na, emu rẹ ọwena kare, re mu phihọ odjahọ, Ihwo na ejobi Me kpahe tanẹ, Isẹ.

Urhi Rivẹ 7:26

Wọ ghwẹ ẹgua cha uwevwi wẹ-ẹn, o de rhi hirhe phihọ ohwo re duvwu iyori kẹ, jo tu we oma tototo, jọ nyẹnyẹ owẹ oma; kidie emu rẹ iyori oruẹ.

Isẹ 3:32

kidie ohwo ọchọchọ ẹgua kẹ Ọrovwohwo, ẹkẹvuọvo ọ vwẹ ẹro sua ohwo rọ dia ọvwata.

Isẹ 28:9

Ohwo ro ku erhọn kufia kẹ urhi enyo, ẹrhovwo ẹnẹ dede kẹ ẹgua kẹ.

Jerimaya 10:5

Edjọ rayen họhọ ikroro re vwo guegue emephran vwẹ aghwa, ayen sa ta ota-a, e mu ayen ghwa kidie ayen sa ya-an We brẹ udu raye-en kidie ayen se ru umiovwo-o, eyẹ erhuvwu je nẹ oma raye-en cha-a.

Jerimaya 10:15

Ayen fiemu-u iruo rẹ ophiẹvwe, ọke re ehwe rayen kẹ ayen cha ghwọrọ.

Urhi Rivẹ 7:25

Wa vwẹ erhanre torhẹ ema rẹ ẹdjọ rayen; wo siurhuru rẹ idọnọ efuanfon eyẹ iro rẹ enu raye-en, wọ je reyọ kẹ oma wẹ-ẹn, ufi de rhi mu we vwẹ evun rọye; kidie ẹgua kẹ Ọrovwohwo Ọghẹnẹ wẹn.