Aizaya 40:30 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³⁰ Imighene dede oma sa rhọ ayen, oma sa ghwọrọ ayen,

Aizaya 40:30 Referans Kwoze

Emọs 2:14

Ogba re ọnẹ gbe cha sa dje-e, ihwo re ganre gbi che vwo oganga-an, yẹrẹ ọgba gbi che se sivwi oma rọye-e.

Une rẹ Ejiro 34:10

Emọ rẹ okpohrokpo sa mrẹ ọkarovwe kugbe owẹvwe, ẹkẹvuọvo ayen otu re guọnọ Ọrovwohwo emu esiri sa kare aye-en.

Une rẹ Ejiro 33:16

Ovie ọ dianẹ ke unuofovwi rọye ri se sivwo-o; ọgba rẹ ofovwi ọ dianẹ kẹ ogangan rọye ri sivwo-o,

Aghwoghwo 9:11

Me da rhoma mrẹ vwẹ otọ rẹ ọnre na nẹ onẹdjẹ na dia ọ rẹ otu ri bro okpakpa-a, eyẹrẹ ofovwi na dia ọ rọ ma goma-a, eyẹrẹ ikara na dia ọ rọ ọvwaghwanre-e, eyẹrẹ efe na dia ọ rẹ ohwo ro me vwo ẹruọ-ọ eyẹrẹ ọghọ dia ọ rẹ ohwo ro ruona-a; ẹkẹvuọvo ọke vẹ uphẹ di bru ayen ejobi cha.

Aizaya 13:18

Umurhabo rayen cha sa imighene hwe; ayen vwo arodọvwẹ kẹ emamọ rẹ evu-un, ẹro rayen ria ehrọre kẹ imitete-e.

Aizaya 9:17

Fiki rẹ ọtiọye na oma gbe vwerhe Ọrovwohwo kpahe imighene raye-en, o gbe re ehrọre rẹ ọmọphrorivwi vẹ eyauku raye-en, kidie ayen ohwo ọvuọvo vwo Ọghẹnẹ-e, ayen iruimwemwu rẹ unu rayen ọvuọvo ta ota rẹ ẹkpa. Kidie vwẹ enana ejobi na ophu rọye ji fue-e, yẹn obọ rọye je riẹn phia.

Jerimaya 6:11

Ọtiọye na ophu rẹ Ọrovwohwo da vọn vwẹ evun, oma rhọvwẹ udu me sa gba-a. Kuọ phihọ enu rẹ emọ na vwẹ evun rẹ urhuvwu na kugbe enu rẹ ukoko rẹ imighene na rhe; te ọshare te aye, a cha reyọ otu re ghwanre kugbe ekpako.

Une rẹ Ejiro 39:5

Nighe, wo ru ẹdẹ rẹ akpọ mẹ hahavwe kerẹ ẹnwẹ rọ ghwọrọ fia, ẹdẹ rẹ akpọ mẹ ejobi fi emuọvo vwẹ obaro wẹ-ẹn. Omuẹro kohwo kohwo ejobi mudia kerẹ ẹnwẹ diodi vwẹ obaro wẹn!

Jerimaya 9:21

Kidie ughwu te evakpo rẹ avwanre re, ọ rọ ighẹn rẹ avwanre re, o re bru emọ na nẹ irhuvwu rẹ avwanre, imighene na nẹ ọguan na.

Jerimaya 48:15

Ọghwọrọ ri Moab vẹ irere rọye rhe nure, imighene esiri rọye na ayen yanran kpo ehwe, eriyin Ovie na tare, ọ rẹ odẹ rọye Ọrovwohwo rẹ otuofovwi na.

1 Samuẹl 30:10

Ẹkẹvuọvo Devid je vwọ tua ayen, ọye vẹ ihwo ujori ẹne; ujori ivẹ daji obuko, rẹ oma rhọre re sa wan ẹtẹrhe ri Bẹsọr na vrẹ-ẹn.