Aizaya 40:26 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁶ Kpare ẹro wẹn kpenu re wọ mrẹ, ono ma enana? Ọye ohwo rọ reyọ ayen rhe gbidiki, ro mu odẹ kẹ ayen ejobi, vwẹ orhuarho rẹ ẹgba rọye, kidie ọ ganre vẹ egba ọvuọvo rọye se ghwru-u

Aizaya 40:26 Referans Kwoze

Aizaya 51:6

Kpare ẹro kpo obo odjuvwu, re wo ni akpọ rọ he obo otọ, kidie idjuvwu na cha ravwiẹn kerẹ ivwirhi akpọ na cha phoriẹn kerẹ ewun, ihwo re dia evun rọye na ki che ghwu kerẹ oro; ẹkẹvuọvo esivwo Mẹ kọ dia bẹdẹ, esivwo Mẹ gbi se vwo oba bẹdẹ-ẹ.

Aizaya 48:13

Obọ Mẹ Me vwọ tọn uchivwo rẹ otọ na, obọrhe Mẹ re riẹn idjuvwu na phihọ ọke Mi vwọ sa ayen ayen de mudia kugbe.

Aizaya 44:24

Enẹ Ọrovwohwo tare, Ọtan wẹn, rọ mama owẹ nẹ evun rhe: Mẹvwẹ Ọrovwohwo, rọ ma emu ejobi rẹ ọye ọvo vwẹ idjuvwu na tan, rọ riẹn akpọ na phihọ–Kono vẹ ovwẹ gba herọ

Aizaya 45:7

Mẹvwẹ re ma orẹmrẹ kugbe ebri, Mẹvwẹ rẹ ma efe mẹvwẹ re ma okpetu, Mẹvwẹ Ọrovwohwo na, rọ ma imu nana ejobi na Ọrovwohwo hẹ Ọmẹna

Aizaya 42:5

Enẹ Ọghẹnẹ tare, Ọrovwohwo na, rọ ma idjuvwu rọ da nabọ riẹn phihọ na, rọ riẹn akpọ na phihọ vẹ obo re djẹ no rhe ejobi, rọ vwẹ ẹnwẹn kẹ ihwo re dia evun rọye kugbe erhi kẹ ihwo re yan vwẹ evun rọye.

Aizaya 34:16

Guọnọ ru wọ se ne evun re ọbe re Ọrovwohwo rhe: Ovuọvo re enana se deghe ero-o; ọvuọvo ro je otu evwo gbe sa dia-a Kidie unu re Ọrovwohwo ji urhi nana nure, ye erhi rọye ghwe ayen koko nure.

Une rẹ Ejiro 19:1

Odjuvwu re gbe ikun rẹ urinrin rẹ Ọghẹnẹ, irharheghe na re ghwoghwo iruo rẹ obọ rọye.

Urhi Rivẹ 4:19

Jomaotọ wa da rhe kpare opharo rẹ ovwan ni enu, rhe mrẹ ọnre vẹ emeranvwe kugbe isio na, kugbe otu rẹ obenu na ejobi, i mi sun ovwan ghwru, we mi shekpotọ kẹ ayen, ga ayen, e rẹ Ọrovwohwo Ọghẹnẹ vwọ kẹ ihwo rẹ akpọ na ejobi.

Une rẹ Ejiro 102:25

Nẹ awanre rhe wọ vwọ tọn uchivwo re akpọ na phihọ, idjuvwu na kẹ iruo rẹ abọ wẹn.

Jẹnẹsis 1:16

Ọghẹnẹ da ma irhukpẹ ride ive, urhukpẹ rode na kọye ri sun uvo, urhukpẹ re otete na kọye ri sun ason, ọ ke je ma isio rhe.

Une rẹ Ejiro 121:1

Me kpare ẹro mẹ ni enu rẹ igbenu na Asan re ọchuko mẹ nẹ cha?

Aizaya 48:12

Kerhọn mẹ, E Jekọp, kugbe Izrẹl, ri mi seri! Mẹvwẹ Ọye, Mẹvwẹ ọ rọ ẹsosuọ je Mẹvwẹ re cha ka oba.

Aizaya 66:2

Imu nana ejobi na abọ Mẹ re ma ayen, ọtiọye na imu nana ejobi kẹ emẹ, eriyin Ọrovwohwo tare. Ẹkẹvuọvo Ọnana hẹ ohwo ri mi che ni so, ohwo ro ruẹ dẹndẹn rẹ udu rọye fonro, rọ phariẹ gbe ota Mẹ

Jẹnẹsis 1:14

Ọghẹnẹ da ta, Gbe jẹn orẹmrẹ phia vwẹ evun rẹ irharheghe rẹ odjuvwu na rọ hẹriẹ uvo nẹ ason, re ayen dia kẹ oka kugbe ọke vẹ ẹdẹ te ukpe,

Une rẹ Ejiro 66:3

Ta kẹ Ọghẹnẹ, Mavọ iruemu wẹn mu udidi te! ọtiọye ogangan wẹn rho te rọ nẹrhẹ ivwighrẹ wẹn siẹ wunrhẹ vwẹ obaro wẹn

Une rẹ Ejiro 119:91

Obo wo djere phihọ ọye ayen vwọ herọ rhi te nonẹ, kidie emu na ejobi e rẹ odibo wẹn.

Aizaya 45:12

Mẹvwẹ re ma akpọ na, Me da ma ohwo phihọ enu rọye, obọ mẹ me vwọ riẹn idjuvwu na phihọ, Mẹvwẹ re vwẹ urhi kẹ otu rẹ herọ ejobi.