Aizaya 39:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Nighere, ẹdẹ cha, ri kemu kemu rọ he uwevwi wẹn, kugbe efe rẹ esẹ wẹn ghwu jovwo ejobi rhi te nonẹ na, ka cha kua ayen ejobi vwo kpo Babilọn, emu ọvuọvo gbi chekọ-ọ, eriyin Orọvwohwo tare.

Aizaya 39:6 Referans Kwoze

Ivie rẹ Ivẹ 24:13

Ọ da ghwa efe rẹ uwevwi rẹ Ọrovwohwo na, kugbe efe rẹ evun rẹ uwevwi rẹ ovie na, ọ da nyavwe iwawa rẹ iro ri Solomọn ovie rẹ Izrẹl ru phihọ uwevwi rẹ Ọrovwohwo na ibribro, kirobo rẹ Ọrovwohwo na tarọ jovwo.

Jerimaya 20:5

O rọ ma rhọ, me cha reyọ oyovwe rẹ orere rọye ejobi, efe rọye ejobi, kugbe ughwẹ rẹ ivie ri Juda ejobi phihọ obọ rẹ ivwighrẹ rayen, iri che cho ayen, re ghwẹ ayen reyọ, a me ghwa ayen kpo Babilọn,

Daniẹl 1:2

Eriyin Ọrovwohwo de phi Jehoiakim, ovie ri Juda phihọ obọ rọye, vẹ ekuakua evo rẹ uwevwi rẹ Ọghẹnẹ, ọ da ghwẹ ayen kpo otọ ri Shina, vwọ kpo uwevwi rẹ ẹdjọ rọye, ọ da ghwẹ ekuakua na phihọ uwevwi rẹ efe rẹ ẹdjọ rọye.

2 Ikun rẹ Ivie 36:18

Ekuakna rẹ uwevwi rẹ Ọghẹnẹ ejobi, te otete te ọrode, efe eghaghare rẹ uwevwi rẹ Ọrovwohwo na, kugbe efe rẹ uwevwi rẹ ovie kugbe isun na ejobi, enana ejobi eyẹ ọ kua kpo Babilọn.

2 Ikun rẹ Ivie 36:10

Vwẹ ọke evwru vwẹ ukpe yena Ovie Nẹbukadreza de ji ikọn re muo kpo Babilọn, vẹ ekuakua eghaghare re uwevwi rẹ Ọrovwohwo na, o da vwi Zedikaya mu ovie vwẹ enu ri Juda Jerusalẹm.

Izikiẹl 23:26

Ke ayen ban wẹ phihọ ayen me ghwiẹ evwarha wẹn reyọ.

Daniẹl 1:3

Etiyin ovie na da vuẹ Ashpenaz, olori rẹ eghwanran rọye, nẹ ọ reyọ ihwo rẹ Izrẹl evo rhe, ekru rẹ ovie vẹ isun.