Aizaya 38:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ Kidie ushi sa kpẹvwẹ owẹ-ẹ, orivwi se jiri uwe-e, ihwo ri kpo obo ukpotọ nure se vwẹ iphiẹrohọ vwẹ esegbuyota wẹ-ẹn.

Aizaya 38:18 Referans Kwoze

Aghwoghwo 9:10

Kemu kemu rẹ obọ wẹn se ru, vwẹ ogangan wẹn ruo; kidie ushi wọ cha ra na, o vwo iruo-o, eyẹ iroro-o eyẹ erianriẹ-ẹn eyẹ aghwanre-e.

Une rẹ Ejiro 6:5

Kidie vwẹ evun rẹ ughwu a gbe sa karohọ owẹ-ẹ, vwẹ obo Erivwi kono se jiri uwe?

Une rẹ Ejiro 30:9

Ki didi erere re hẹ ughwu mẹ, o da dianẹ mi kpo obo Ukpotọ? Ke iwurhie se jiri uwe? Ko se gbe ikun rẹ esegbuyota wẹn?

Matiu 25:46

Ihwo nana ki kpo ehwe ri bẹdẹ ẹkẹvuọvo otu rẹ evwata ki kpo arhọ ri bẹdẹ.

Matiu 8:12

Ẹkẹvuọvo emọ rẹ uvie na dẹn ka cha djẹ ayen ro otafe, ra ro ebri ri hwin. Kẹ etiyin ayen da viẹ da re ako.

Isẹ 14:32

E gere ohwo umwemwu she fiki rẹ umiovwo rọye, ẹkẹvuọvo ọvwata mrẹ odjahọ fiki rẹ iruo esiri rọye.

Ukeri 16:33

Ọtiọye, ayen ejobi vẹ ekuakua rẹ ayen vwori ejobi da ro evun rẹ otọ yanran ọkpokpọ kpo Erivwi, otọ na de huhu gbe ayen ejobi, ayen ejobi de ghwu nẹ uherevie rẹ ukoko na.

Une rẹ Ejiro 28:1

Weẹ, E Ọrovwohwo mi tu se; oragha mẹ, wo dierhọn kẹ vwẹ-ẹ, eyẹ, wọ da fọ kẹ vwẹ, Ke me họhọ ihwo ri kpo obo Ukpotọ.

Une rẹ Ejiro 6:6

Oma rẹ oviẹ na rhọ vwẹ, kason kason me vwọ kpọrhọ ehwa mẹ vẹ oviẹ, ukpe mẹ kpọrhọre vẹ ame oviẹ.