Aizaya 38:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ E Ọrovwohwo, vwẹ oma rẹ imu na ọye ohwo vwọ rhọ vwẹ evun rẹ enana ọye arhọ rẹ erhi mẹ epha. E vwẹ omakpokpọ mẹ rhivwi rhe vwe rere me vwọ sa rhọ!

Aizaya 38:16 Referans Kwoze

1 Kọrẹnt 11:32

Ẹkẹvuọvo Ọrovwohwo da vwẹ avwanre guẹdjọ, ka fa avwanre rere e vwo jẹ avwanre ebruhwe kugbe akpọ na.

Matiu 4:4

Ẹkẹvuọvo Jesu da kpahe kẹ nẹ, e siro phihọ otọ nẹ, ohwo sa vwẹ emu ọvo rhọ-ọ, jokpa rẹ ota ro nẹ unu rẹ Ọghẹnẹ rhe.

Une rẹ Ejiro 119:25

Ẹnwẹ mẹ tamu iwurhie; sasa ovwẹ oma kirobo rẹ ota wẹn epha!

Aizaya 64:5

We re vwanvwan kẹ ohwo rọ vwẹ aghọghọ ru iruo rẹ ọvwata, ihwo re karohọ owẹ vwẹ idjerhe wẹn. Nighere, ivun miovwo uwe, avwanre de ru imwemwu, avwanre dia evun rẹ imwemwu na krire-e, ke che sivwi avwanre?

Une rẹ Ejiro 71:20

Wọwẹ ri ru vwe vwọ mrẹ ikpokpogho edjadja buebu wẹ re rhoma rhọvwọ ovwẹ; ne obo okokodo rẹ akpọ na rhe oboyi wọ da reyọ ovwẹ rhivwi rhe.

Urhi Rivẹ 8:3

Ọ da vwẹ owẹ kpotọ, ọ da vwẹ owẹvwe hwe we, vwẹ mana ghẹrẹ owẹ, mana ro wọ riẹnre-e, rẹ esẹ wẹn je riẹ-ẹn, rere o vwo ju we riẹn nẹ ohwo sa rhọ fiki rẹ emu ọvo-o, ẹkẹvuọvo vwẹ fiki rẹ emu kemu ro nẹ unu rẹ Ọrovwohwo rhe ohwo vwọ rhọ.

2 Kọrẹnt 4:17

Kidie oma nana rẹ avwanre lagha vwẹ ọmọke na ọ rhuẹrẹ avwanre kpaha hẹrhẹ urinrin ro jeghwo ra sa mrẹ emu vwo dje-e.

Hibru 12:9

Ọfa, ọsẹ rẹ aruakpọ na ghwọ kuẹ avwanre avwanre mi mu ọghọ kẹ ayen. Kẹ avwanre rhe se mu ọghọ kẹ Ọsẹ ro vwo irhi ejobi re wa rhọ-ọ?

Une rẹ Ejiro 39:13

Si opharo wẹn nu vwe, rere me riẹn aghọghọ, tavwe me ke yanran re me gbe dia ọfa-a.

Une rẹ Ejiro 119:71

O yovwi ke vwe re me vwọ mrẹ ọdjarhe, rere mi vwọ yono iji wẹn.

Une rẹ Ejiro 119:75

Me riẹnre, E Ọrovwohwo, nẹ orhiebro wẹn ọsoso, ne ọdjarhe mẹ mrẹ re na dje uyota wẹn phia.

Une rẹ Ejiro 30:3

E Ọrovwohwo, we ri si erhi mẹ ne Erivwi rhe, wọ da nẹrhẹ ovwẹ varhe nẹ ohri re ihwo re yanran kpo obo Ukpotọ.